培正小學北極團

天外之人

睇到咁既新聞,估唔到小學生咁厲害,都可以去到北極遊學做科研,以小學生能力學到幾多真正有用既野?
中學生還可以接受,小學生咁既地方正常不太合適,還是想當作給小學生可去旅行心態,順便幫補那些經費.真係咁為小學生學習咁好,小學生名額費用理應全部係學校負責,咁起碼有心學野學生(不理貧富)都會主動參加,為學校為學生為未來香港都可能穫益良多.

heidya

18萬北極遊學團

heidya

老師去是否免費？

melodychui

heidya 發表於 23-4-1 22:40
老師去是否免費？

你是教師，要帶錢返工去旅行嗎？如果學生因參加這類活動而受傷或生命危險，責任在校方抑或家長？校董會好想去北極又唔想出錢，想到由學生家長補貼！呢下真是絕。

如果成團，下次活動可能是熱氣球、激流、笨豬跳、上太空吧

heidya

melodychui 發表於 23-4-8 20:08
你是教師，要帶錢返工去旅行嗎？如果學生因參加這類活動而受傷或生命危險，責任在校方抑或家長？校董會好 ...

目的就係老師想FOC 遊學團

喊包媽媽

heidya 發表於 23-4-8 20:37
目的就係老師想FOC 遊學團

我都覺得係，真係太誇張啦

heidya

一般家庭好難負擔得到，大有錢人會問值唔值得，有冇需要，大大有錢人唔會同其他人一齊去

我係黃太

如果自己去計返其實係咪真係貴一大截？要除多份老師

hkpapa852

天外之人 發表於 23-3-30 10:13
睇到咁既新聞,估唔到小學生咁厲害,都可以去到北極遊學做科研,以小學生能力學到幾多真正有用既野?
中學生還 ...

小學就去北極遊學, 中學部唔知開咗火星探索團未?
我諗 SpaceX 唔介意贊助少少既

Carolinewongc

北極又真係太誇張

Emma1219

通常小學遊學會去邊度多

天外之人

回覆 Emma1219 的帖子

正常遊學那裡都可以，衹在於合適與否，跟好多人所講小朋友入咩學校最好一樣想法，什麼叫合適?  遊學應是體驗當地生活，感受地道英語/外語，適應將來唔同地方升學環境，在短時間內培養學生獨立性及處事能力，多與不同國籍朋友交流，增強自信心，寓學習於娛樂，啟發學習興趣，了解當地文化歷史，增強國際視野，更快融入當地，小學生能早於嘗試係好事，所以地方就真係學校費盡心機選擇合適，所以看到這個北極之團真係哇然，我們香港小學生原來咁高水平，但為何多年來不見得有真正既人才。


小學遊學會去邊度多，其實都有好多選擇，近近地我地中國都有好多地方，最近我帶同小朋友去了上海及北京，其中故宮這地方，睇到好多中小學生團隊，我都刻意同孩子跟在其中，耹聽一下及與部份學生交流心得，已經都獲益良多，且有幾位亙相交換Wechat聯繫，這也是遊學好處之一。 中學既遊學遠一點無所謂，美加英澳星馬泰台都可以，所以辦這個北極團，這類學校真係...........


還有一點，我唔太清楚政府資助學校遊學費用會有多少，正常學校辦遊學，都係為了學生學習，家長更唔會唔給予小朋友呢啲機會，補貼部份費用一定會全力付出，所以學校更絕唔應該草草了事，小學近近地合情合理，中學更應著眼學生吸收知識能力，唔會隨便辦一天半天的近近遊學團，這點真令各普通學校或名校，唔應該將"錢"放在第一位，令學生失去遊學學習應有既機會，唔係就真係貽笑大方。

Azzurro

我覺得費用黎講，其實冇咩特別
好久之前我睇高價旅行團都不少十幾萬起步嘅旅行團。。。

我自己窮，但是我都係中介網站睇下豪宅/ 外國豪宅有咩放盤
係香港5000呎以上供應非常少，而且去到十幾億港元
但是在美國，幾萬尺再加莊園都係講緊最多幾億美金而已
呢啲都係係公海有價有市

反過來說
香港國際學校有些都接近二十萬港元
英國 A 工廠都幾十萬一年，都有價有市

培正一年學費 58500，玩得起十幾萬旅行團的家長應該多的是。。。

天外之人

回覆 Azzurro 的帖子

特別在於遊學既"地方",若是家庭講到旅行團,自然高與低都冇咩分別,睇自己情況及想去那裡,話之理幾百萬去一星期既地方都無人阻止你.

現在係學校辦遊學,唔係家庭辦旅遊,話之理幾富貴或貧窮學校,且呢啲涉及政府資金,學校理應好好運用呢啲資源給予學生提高學識,唔係去旅遊或要提高學校知名度. 我敢寫包單若你小朋友有資格參與這遊學團,冇事回來就好響口幾威,出事你就週圍呻為何會去啲咁危險地方.

Azzurro

天外之人 發表於 23-4-24 15:57
回覆 Azzurro 的帖子

特別在於遊學既"地方",若是家庭講到旅行團,自然高與低都冇咩分別,睇自己情況及想去那 ...

我覺得呢個計劃和萬通小太空人一模一樣，應該都有一定教育意義
太空人計劃廣受香港人歡迎，當然是因為大人小朋友都免費
上太空當然唔容易
萬通上太空上了二十年，香港有第一個太空人了嗎？就算沒有，我覺得都值得去做去夢想

免費不是沒有成本。九天行程我估計都費用不少，我當成本八萬一個人
16個人的話，相當於呢個私人公司每年贊助了一百多萬
有贊助當然係好事

太空人計劃本質上入選的大部分都是有實力學校的小朋友。。
https://www.itispossible.com.hk/tc/history/2019

冇公司贊助的話，呢個去北極有校友贊助，甚至只有父母比錢都好好
培正小學是私立的，理論上應該冇囉政府錢，而來呢次好似只有校友贊助一部分
其他費用繼續係家長自己負擔

北極暖化，商業航線，外交官和科學家們都加緊研究北極呢。。
http://www.gov.cn/zhengce/2018-01/26/content_5260891.htm

我覺得有錢人當前鋒去開拓新領域始終係歷史不斷發生，值得欣賞。。
探索熱帶雨林，探索最高峰山脈，深海，蘇聯美國上太空，美國企業家上太空。。
風險當然要自己負責


*****
何建宗表示，北極考察團早於2018年已開辦，適逢前幾年是培正中學成立130周年，今次考察團包括港澳培正中學、小學的師生，名額共50個，校友亦可參與，亦是新嘗試讓小學部5名高年級學生參與，校方恐怕小學生自制能力，家長亦有擔心，所以開設親子名額，家長團費15萬元，學生團費12萬元，兩者原要27萬元，但有校友補貼學生令團費降至3萬元，親子團費二人價為18萬元

BB-Tiger

hkpapa852 發表於 23-4-12 17:01
小學就去北極遊學, 中學部唔知開咗火星探索團未?
我諗 SpaceX 唔介意贊助少少既

咁咪嚇窒左我呢啲基層家庭囉，有好學校都唔敢報。唔知有邊間女校可以愉快學習呢

hkpapa852

BB-Tiger 發表於 23-4-28 14:11
咁咪嚇窒左我呢啲基層家庭囉，有好學校都唔敢報。唔知有邊間女校可以愉快學習呢 ...

有直屬中學既女津, 普遍都係比較愉快, 尤其當家長都無乜要求時

BB-Tiger

hkpapa852 發表於 23-4-28 14:18
有直屬中學既女津, 普遍都係比較愉快, 尤其當家長都無乜要求時

但MCSPS, SMCS啲叩門學術要求好高，我個女學運動就快，我諗住由得佢玩到9歲先發力。佢學術能力低，但人係醒目嘅，說話能力好有條理，鍾意睇英文YT，但認字串字唔掂，唔鍾意睇書。平時都同小學生朋友玩比較成熟。

hkpapa852

BB-Tiger 發表於 23-4-28 15:12
但MCSPS, SMCS啲叩門學術要求好高，我個女學運動就快，我諗住由得佢玩到9歲先發力。佢學術能力低，但人係 ...

要玩叩門, 任何一間熱門小學既收生要求都高 (只有收生不足既學校先會無乜要求)

BB-Tiger

hkpapa852 發表於 23-4-28 16:06
要玩叩門, 任何一間熱門小學既收生要求都高 (只有收生不足既學校先會無乜要求) ...

好多謝師兄你之前教路我大仔自行報邊類學校，佢而家讀緊唔會谷，唔太關愛，比較自由但校風純樸嘅中學，應該係最適合佢，佢除左玩機，都緊張自己嘅學習嘅，不過時間比例係極端唔平衡姐，又唔肯運動，相反個妹由放學郁到夜晚，精力十足。