平時好少打長文發表意見,但今次實在睇唔過眼呢個機構嘅辦事手法,唔想有家長因為聽學校咁講而報讀VPP所以先上嚟分享
同囝囝上咗VPP半年,之前VEO邀請咗啲有讀VPP而又申請左N/K嘅家長去學校school tour, school tour其中一part有個講座,內容有提及讀過VPP嘅學生有8成機會獲取錄讀N/K. 我哋平時上VPP都有同其他家長交流下,曾經有聽過其他家長分享當時有school tour負責人講過,讀VPP嘅小朋友就算1st interview表現唔好,都會俾多次機會2nd in見多次. 呢個說法係幾位來自不用分校嘅家長都有聽講過
但事實係,上個月1st interview之後,除咗我囝囝之外,無論我哋讀緊嗰班,定係其他班嘅家長都表示小朋友冇得2nd interview,而比例係絕對超過所謂嘅2成!(因唔同班都有家長問自己嗰班嘅其他家長)
其實囝囝1st interview當日表現唔錯,老師叫佢做嘅嘢佢都做到,跳舞又投入,整個過程亦分別有幾位老師讚佢:好乖喎!做得好好! 真心覺得佢嘅表現好唔錯,但卻連2nd interview嘅機會都冇,如果照學校喺school
tour嘅說法,就算表現唔好都會俾多次2nd interview機會,咁點解表現得好卻沒有2nd interview機會?
因為有多位讀緊VPP嘅家長都有類似疑問,所以都有一齊討論過,部分家長表示,其實學生上VPP時,老師都會記低學生嘅表現,可能有啲學生唔係老師/學校鍾意嘅type、上堂唔係好投入等諸如此類嘅各種原因,都會影響學校收唔收你
我哋覺得,學校會記低學生平日上playgroup嘅表現係好正常,但如果係咁嘅話VEO就冇理由同啲家長講「有上我哋playgroup就算1st in表現唔好都會俾多次機會佢2nd in」! 我哋反而覺得,以我哋嘅小朋友當日面試表現,冇上過VPP反而可能會有2nd in,因為小朋友平時上playgroup偶爾都真係會唔專心/扭下眼瞓(which is好正常其實咁細嘅小朋友)
所以以我哋嘅cases而言,讀VPP根本冇增加到入學機會,反而係因此而入唔到. 我哋多位家長討論後得出嘅結論係,呢個說法說穿了就係想吸引你哋俾錢讀埋佢哋嘅playgroup而已.
面試當日只有大概半個鐘,大部分時間都係要小朋友坐低玩玩具然後老師埋嚟同小朋友傾計, 跟住又係圍圈坐低聽老師講故事,過程中唯一有少量郁動就係老師唱一陣歌等小朋友跟住郁,唔似其他in過嘅學校有較全面啲嘅interview, 會請小朋友行下平衡板、捐山窿等大肌肉活動,感覺上學校只想揀選啲較靜態嘅學生
VPP師生比例唔高,部分老師不太caring (當然都有啲好老師),最大最吸引嘅Playpark反而唔係堂堂有得玩,性價比低,又唔係真係優先取錄N/K, 比嘅學費好大部份係落咗去名氣同包裝…
真實經歷分享,希望幫到有需要嘅家長
|