在讀GSIS，考到DBSPD，掙扎中

WFsmart

我地是三年前熱門帖文「考到gsis, 掙扎中」版主，當時最後決定由寶山pn轉gsis k1，讀左三年現在有dbspd offer，考慮是否轉 dbspd！

爸爸是舊生，認為 DBS brotherhood 好強，家族幾代全部人響香港，讀DB日後在香港發展比較有根有歸屬感（GSIS人數少，一半人不在香港發展），即使轉 IS 可以讀幾年 DBS 拎左 Alumni status 先轉，但考慮到dbspd local school 功課測考較多，家長恐怕比較辛苦！而且如果入唔倒 IB Stream 既話要轉IS或去外國（GSIS 直上）（爸爸以前響DB成績全級頭二十）。

之前唸住當 gsis 係考吾到神 local 既back up，現在 gsis 讀得Ok，小孩活躍好動但老師關愛；當然知道 DBS 同 GSIS ib成績不相伯仲，小朋友考本地神科或英美名校Oxbridge Ivy 我地都會支持。一個快樂的煩惱，睇下大家有乜睇法意見，謝謝。

dr.gigiwong

回覆 WFsmart 的帖子

投GSIS 一票，比個小朋友有個快樂的校園生活。

Adiezz

兩間學校好唔同，理論上唔難選擇

感覺你地心儀DBS多啲 ，而且你傾向小朋友日後在港發展

JKLhome

回覆 Adiezz 的帖子

DBS 啦，DB 教法比其他local sch 冇咁傳統，功課會比GSIS 多但係唔係傳統嗰啲無聊抄寫功課，我見大部份db 仔好smart,諗野講野有文有路，亦有好多讀完小學就轉去top IS

dem0cracy

DBS啦，俾爸爸了件心事...另外兩間神校未必有呢個煩惱，DBS係棘手D因為歸屬感真係好強。

既然你經歷過三年國際學校教育，應該都好清楚IS相對本地教育的長短處，從略。如果真係決定轉校，家長務必保持清醒。始終本地學校幾新派、幾唔傳統都受制於個教育制度，你見到學校有咩欠缺就自己補位，有咩唔好的地方自己undo the damage啦。

girl2016

感覺你目標留港發展。咁DB咪乎合家長期望。

shadeslayer

點解唔諗吓邊一類型嘅教育係最適合孩子？對孩子來說最好？

supervi

睇番你 3年前既post, 當時已經係好心儀本地名校, 亦都好重視中文, 其實你地心裡面已有答案了

oooray

你開得post打一大段野個心已經去左DBS。去啦, 否則將來後悔。

Mrscatcatfung

我投GSIS 一票。快樂童年，快樂功课，親子光陰無價，好accent, top IS. 除非金錢有压力, 就要樓主自己才知道。

而樓主小朋友入DBSPD，可能要多训練粵语，上年我常在那边接孩子上下课， 行過聽到學生哥中間流利廣東話.

旺角東和山頂是兩個太一樣的community culture 和家長羣。

BlossomAlmond

小朋友讀書揀學校係揀適合的，而唔係還父母心願。聽落小朋友宜家都唔再係幼稚園生，開始有自己想法。有冇帶過小朋友去DBS open day 之類？等小朋友自己感受下兩校嘅特色同不同之處、學習模式等，比小朋友自己都諗吓同參預決定。

sipdowy

以上支持GSIS的, 都是因為想小朋友開心(小朋友出發)
以上支持DBS的, 好多都係話因為父母的心願/父母的計劃。

兩種出發點。

shadeslayer

另一樣嘢就係機會成本，如果而家讀得好好地，你放棄咗， DBS讀得唔好你會唔會後悔？

shadeslayer

sipdowy 發表於 23-1-17 13:55
以上支持GSIS的, 都是因為想小朋友開心(小朋友出發)
以上支持DBS的, 好多都係話因為父母的心願/父母的計劃 ...

為家長自己嘅心願來揀學校，唔係為咗學童利益同需要，算唔算自私呢？

sr0925

三年前就想去本地了 ， GSIS都讀了都還想去本地就去吧 不要再轉來轉去了兩間都考上孩子一定很棒讀哪都ok的
只是好奇讀了GSIS中文怎麼keep住的還能考回DBS

AJW2010

小朋友咁叻，家族又咁勁，去邊都非池中物，應該未來廿年嘅路都鋪好晒，使乜擔心

dem0cracy

其實又未必話一面倒GSIS就係開心DBSPD小朋友就唔開心，相信DBSPD都有D寶貴經歷係GSIS俾唔到(男校生活、高度參與的合唱團/樂隊)。另外DBSPD功課量唔算多雖然一定多過IS，小朋友(如果適合的話)讀DBSPD都可以好開心，問題只係at what cost。

呢版好多家長(包括我)都認為IS最優勝的是教學模式、國際視野、open-mindedness，尤其在幼稚園至小學階段，因此不會輕易考慮將小朋友轉到本地名校。但樓主對這些似乎沒太大考量，對GSIS的評價就是ok、關愛。如果她並沒有很buy in IS教學模式，在她而言，放棄GSIS其實也沒有放棄了什麽。

chunting34

會唔會其實GSIS唔係想像中咁開心？

WFsmart

回覆 chunting34 的帖子

其實gsis好開心，老師真係好有愛心，同小朋友亦師亦友。課程好有啟發，不過同大部份local －樣個個同學有外補，有d屋企人自己比好多操練。我就無特別操其他只係有一路教佢中文。不過學校真係完全冇中文，小朋友好難有動力。我哋呢幾年都好努力keep. 佢d中國family 同學有好多連講都唔識講。不過佢哋就一心想去外國讀書。
同某d高年班家長傾開，感覺K入的小朋友都會離開香港。因為大部分都係跟外藉爸爸來港工作佢哋都係幾年合約。每年都有幾個走。
最後留係中學考IB的大部份係spcc, dbs, dgs top students插班 。所以成績咁好，佢哋好competitive.
係小學已經打好底。所以多少都有擔心。覺得係唔係要比佢小學打好根基。我有問小朋友佢話佢好鍾意gsis老師，不過佢去完dbs open day都鐘意。佢性格係好動有自信，有時喜歡挑戰權威，但必要時佢可以控制到。𨍭數快，喜歡發問不過有時欠耐性。

girl2016

WFsmart 發表於 23-1-17 21:33
回覆 chunting34 的帖子

其實gsis好開心，老師真係好有愛心，同小朋友亦師亦友。課程好有啟發，不過同大部 ...

其實如果佢有offer 你唔轉，要諗返你地家長未來會否成日回想當日無take db.
但你有提 啲人高中又由Top local school 轉gsis, 可能你心中已有啲安排

唔好做後悔野