SPCC DBS DGJS 都出咗Result 點揀？

Vana

ucw 發表於 23-1-17 10:47
回覆 hkpapa852 的帖子

自由前提係識自制。

係, 自由唔代表無 discipline...... DBS 既自由其實體現係好多方面, 而DB 家長其實好少出聲 , 我盡我記憶所及分享一下, 加上我小朋友既學校組合, 相信都有少少參考價值, 我只係分享, 大家唔駛judge 亦唔使大家認同

我幾個小朋友都讀不同既傳統名校, 如果以EK 定義, DB 仔仔的確係最渣既一間 另外都係有真band 1A 既中學既小學......  但單以小學計, 我係最鍾意 DB


記得 DB 仔仔一年級開學初期, 係6年級大哥哥手拖手帶佢地入禮堂, 其他哥哥已經係禮堂入口用長汽球扮拱門歡迎佢地, 其他就拍手歡呼, 跟住佢地一齊pray, 玩接龍玩好多其他遊戲, 最後哥哥送左一張咭寫左自己電話比我仔, 後來一次撞到哥哥, 哥哥話小一第一學期唔去得tuck shop, 仲跑去買燒賣比我仔


又係開學初期, 佢地成日係課室拎走哂d 枱, 圍big circle 坐, 每人訪問一位同學7個問題, 玩遊戲, 總之好多互動, 有次仲 invite 家長一齊同佢地上school field 睇佢地合作玩競技賽, 當時已經覺得佢地既 brotherhood 就係咁自細培養....只係一個自己班既小型活動, 但望住佢地係大草地自由地跑真係好開心 (兩個老師真係望住佢地跑夠先一齊返課室 不過一叫都即停)


講返自由, 我仔第1次既功課係返學第1日感受, 佢寫 angry, 佢話因為要返學所以好嬲, 放學就 happy ......老師有回應希望佢好好enjoy 學園生活, 過多一排再問佢.... 但如果我另一個小朋友係佢學校咁答就死梗了, 佢連寫 I feel sad when I'm doing homework 都唔得架, 佢地學校自小培養咩都有 model answer, 好精準, 所以佢地DSE 成績好咁多


到而家高小, 通常係英文功課, 我仔既答案有時都仲係好好笑, 有d 仲好天馬行空, but you will never get a cross for that, 老師每次都有comments, 有時仲反問, 我仔又答返沒完沒了, 我成日話做你地老師都好忙, 你放過佢啦 但呢D 唔可能發生係我另外小朋友學校, 佢連寫少少提及到例如作句有run in xxx 都唔得, 因為話學校唔可以跑


讀男校我覺得最大好處都係好好玩, 除左學校好玩, 約出黎因為全部男仔, 安排活動實在太方便, DB 家長又特別活躍, even 呢幾年疫情, 佢地仲係成日都有好多好多活動, summer 去surf camp, wild camp, 平時去打波, 約去一個會所, 基本上佢地可以玩一日, 由游水, basketball, 足球, tennis table tennis  佢地真係乜都玩.....


之前家長搞森林學園day camp, 本來自己班搞, 最後幾班去, 後來唔同年級都去, 搞手都話個一星期都係DB mark 哂


唔好意思, 太長氣, 我自己如果追求成績, spcc 一定係不二之選, 當然 spcc 都有好多其他獨特既 value 係DB cannot offer, DB 比到既大約都可以係唔同家長分享既邊邊角角略知一二

ok3

ucw 發表於 23-1-17 13:19
回覆 CamilleLily 的帖子

EK 就咩學校 VS 都係揀後者。

冇錯，唔理住得遠近，經濟有冇壓力……總之就dg/spcc for sure

SerenaYuen_FB

mandy_ng207 發表於 23-1-17 11:25
嗰位家長同我哋起跑線唔同的，佢家族冇人入唔到八大，下一代應該都一樣！唔需要為呢樣嘢擔心
...

係，黎位家長個小朋友條起跑線已接近終點，又有家族support，真係讀咩都得，小朋友已win。所以隨心讀一間家長想入的就可以（當然最好都問下小朋友意見啦），反正都係出國讀多，大左再交比小朋友睇下佢自己想點行。

ucw

回覆 Vana 的帖子

都去到呢三間嘅級數，或者要問嘅係想個仔女做一個點樣嘅人，多過入邊間U 讀咩科出嚟做乜。

三間都識讀過/緊嘅人，DBGS 有識教緊/過嘅。So two cents:

DBSPD/DBS：學風較自由，學校比較放手畀學生 (高form lead 低form 嘅 "大佬" 文化) 。男仔較遲熟，dbs 未必個個讀書行先，而男仔又相對爛玩，所以會有朋輩影響。重視體育/音樂成就一方面係佢哋比較優勢，一方面係維繫傳統與聲譽的方法。

DGJS/DGS：學校重視 all- rounded education (women of excellence)，睇重成績+ 學界表現，對行為比較多規範 (如著校服坐關愛座)。女仔間有競爭心態、有圈子 (squad)。串有時係佢哋面對不安全感或挑戰，保護自己(尊)嘅反應。

SPCCPS/SPCC：學術成績第一當然係收生優勢，音樂係傳統重視活動，體育就揀嚟收人。學生知跟遊戲規則玩，就會成功，而學校收唔少學生來自政商階層，深明 play safe，不張揚的生存之道。

三間都有識教書同唔識教嘅，所以難以一概而論教學邊間好d。而三間嘅學生都會打機追星睇 Blackpink嘅。

至於男校/女校會唔會識少咗異性，DBGS 有mixed choir，兩校又浮各樣學界比賽，外向嘅，拍拖其實唔難(當然，女校見光就麻煩d) 。內向d/潛d 嘅，男女校係比齋校易d學異性相處。

hkpapa852

ucw 發表於 23-1-17 15:36
回覆 Vana 的帖子

都去到呢三間嘅級數，或者要問嘅係想個仔女做一個點樣嘅人，多過入邊間U 讀咩科出嚟做乜 ...

其實大部份女校都會有圈子

ucw

回覆 hkpapa852 的帖子

響應樓主講呢3間咁解。SPCC 女仔有squad 都唔係奇事。

Jean1769

ucw 發表於 23-1-17 17:41
回覆 hkpapa852 的帖子

響應樓主講呢3間咁解。SPCC 女仔有squad 都唔係奇事。

有女仔就有㗎啦，爭在多定少而已

littlepigstar

請問每年DB有幾多%嘅學生可以選讀IB?

Greylay

littlepigstar 發表於 23-1-17 20:52
請問每年DB有幾多%嘅學生可以選讀IB?

60個位

hkpapa852

Greylay 發表於 23-1-17 23:58
60個位

唔係固定人數, 應該係限制不多於全級1/3人
DBS 既 IBDP 考生由 2016年既52人 (近7年最少人數既一年, 再早幾年人數更少), 到2021年既62人都有

hkpapa852

poonseelai 發表於 23-1-13 22:36
聽過近年ib班除了少數可唔考中文或可考中文B，DBS IB 也要考中文A, 即母語水平，所以唔係避中文才去ib班
D ...

其實我一直認為，DSE中文難在評分準則係由一班自以為比文章作者既文學水平「更高」既官員去制定多年嚟剚報道過N次，話閱讀理解中引用既文章作者，答番相關DSE題目都只得3/4級既水平

gabejang

hkpapa852 發表於 23-1-19 08:45
其實我一直認為，DSE中文難在評分準則係由一班自以為比文章作者既文學水平「更高」既官員去制定多年嚟剚報 ...

諗起讀書時期聽白先勇個talk 佢親口講佢對住某啲pastpaper題目感到費解

poonseelai

hkpapa852 發表於 23-1-19 08:45
其實我一直認為，DSE中文難在評分準則係由一班自以為比文章作者既文學水平「更高」既官員去制定多年嚟剚報 ...

ib 評分應該係正常準則，中文A 分 literature 同 language and literature 兩科，兩科也有文學分析，真的要花功夫㗎

hkpapa852

poonseelai 發表於 23-1-19 11:43
ib 評分應該係正常準則，中文A 分 literature 同 language and literature 兩科，兩科也有文學分析，真的 ...

如果IBDP由香港考試局去評分, 可能攞7分仲難過DSE攞5**

poonseelai

hkpapa852 發表於 23-1-19 12:00
如果IBDP由香港考試局去評分, 可能攞7分仲難過DSE攞5**

係呀，所以 ib 常被評擊為易取高分囉

hkpapa852

poonseelai 發表於 23-1-19 12:07
係呀，所以 ib 常被評擊為易取高分囉

如果IBDP 好似AL咁可以自修, 可能香港再多一千幾百個IBDP狀元都唔定呢!

poonseelai

hkpapa852 發表於 23-1-19 12:46
如果IBDP 好似AL咁可以自修, 可能香港再多一千幾百個IBDP狀元都唔定呢!

如果可以自修, 又變成只看考試成績, 咁就唔係IB, 大家學習重點都唔同


https://www.straitstimes.com/singapore/parenting-education/askst-is-the-ib-easier-than-the-a-levels#:~:text=Educators%20who%20have%20taught%20A

hkpapa852

poonseelai 發表於 23-1-19 12:50
如果可以自修, 又變成只看考試成績, 咁就唔係IB, 大家學習重點都唔同

只睇分數既人, 點會理咩叫"學習重點"吖

所以經常都有人問我, 點解李寶椿 IBDP 平均分唔係高, 但我會成日推介想讀 IBDP 既人去考