學之園K1超大B vs 劍鳴細B

strawberryglass

仔仔2019年11月尾出世, 之前疫情基本冇咩讀過N班, 宜家細B讀緊大劍鳴K1, 但收到紅磡學之園offer讀K1英普班, 做超大B.
呀仔認知能力, A-Z, 數字都跟到, 但係講野進度慢, 唔清楚...

應該以細B繼續留在劍鳴, 定係去學之園做超大B?

SerenaYuen_FB

strawberryglass 發表於 23-1-10 22:32
仔仔2019年11月尾出世, 之前疫情基本冇咩讀過N班, 宜家細B讀緊大劍鳴K1, 但收到紅磡學之園offer讀K1英普班, ...

睇你target 咩小學，如果神就一定超大有著數。如果普通學校可以唔使做超大。
我囡都係11月細b，讀happy school，明白同大b 係有分別就算佢跟到哂學術。講野明顯無大b 甘好甘叻，今年考小一由其明顯，見到個個高佢成個頭，所以我都擔心，但最後都有st clare, 聖心, 崇小offer，不過我又甘唸，如果我今年考唔到，我咪下年超大b，讀住p1 考p1 lo，又可考埋插班，我研究就見得只係得英華唔比讀緊p1 考，其餘都比。我見升小一谷d 細b 好多媽媽都係甘唸，下年再戰如果真係無offer。

CamilleLily

回覆 SerenaYuen_FB 的帖子

對，非名校不可就各種策略都有，repeat K1/K3/P1都大有人在…遲repeat好處係可考完先決定有無需要，但相對小朋友比較懂性，要好好同佢解釋點解要重讀。
同埋就算入名幼如SC, LH, KV等，都唔代表自動有好offer，target名小還是要家長一同努力💪

Adiezz

幼稚園差一年各方面水平都差好遠
K1你會發現你小朋友仲學緊A-Z同認緊中文生字時，啲大B已經讀緊中英reader。

細B考小學時優勢一定弱啲，所以要睇你心態同想考乜學校去決定

Jean1769

為咗考入神小名小而repeat小一實在太痴線，香港教育風氣點解會變成咁？

lavender_mum

Jean1769 發表於 23-1-11 13:22
為咗考入神小名小而repeat小一實在太痴線，香港教育風氣點解會變成咁？

大把人咁做。身邊有朋友個仔入左三私其中一間，佢list out左其他男神小/名小考插班既日子，佢話就算repeat小一佢都肯。

Jean1769

lavender_mum 發表於 23-1-11 13:30
大把人咁做。身邊有朋友個仔入左三私其中一間，佢list out左其他男神小/名小考插班既日子，佢話就算repeat ...

我就係知而家愈來愈common而感到好感慨。

家長無所不用奇極，唉！希望家長能夠靜下來諗真d，毋忘初心，唔好貪圖光環同在自己面上貼金

lavender_mum

Jean1769 發表於 23-1-11 13:32
我就係知而家愈來愈common而感到好感慨。

家長無所不用奇極，唉！希望家長能夠靜下來諗真d，毋忘初心，唔 ...

其實做大B嘅優勢最多去到小二至小三，其實讀上去真係睇小朋友係咩質地
另外口痕分享朋友真實例子，佢個仔完全唔使谷，本身講嘢有文有路，自己舉手要求學鋼琴小提琴，一聽佢演奏本身有天份，全家人冇壓力之下考到DBS。其實所謂神小/名小係適合有天份、本身係聰明又適合讀書嘅小朋友去讀。一味靠家長發功/ 蠻力谷，其實只會越讀越辛苦

Jean1769

lavender_mum 發表於 23-1-11 14:05
本帖最後由 lavender_mum 於 23-1-11 14:06 編輯

其實做大B嘅優勢最多去到小二至小三，其實讀上去真係 ...

無錯，夾硬谷入去就算成功都好難跟上。

順其自然升中入就必然係實力派無驚無險去到終點

lavender_mum

Jean1769 發表於 23-1-11 14:10
無錯，夾硬谷入去就算成功都好難跟上。

順其自然升中入就必然係實力派無驚無險去到終點

我覺得最值錢嘅嘢係小朋友學習動力，呢啲真係任何錢都買唔到

希望搵到合適學校俾佢，唔好谷到佢唔想讀書

Jean1769

lavender_mum 發表於 23-1-11 14:14
我覺得最值錢嘅嘢係小朋友學習動力，呢啲真係任何錢都買唔到

希望搵到合適學校俾佢，唔好谷到佢唔想讀書: ...

你講出重點。小一重讀我相信會大大減低小朋友學習動力

SerenaYuen_FB

Jean1769 發表於 23-1-11 14:16
你講出重點。小一重讀我相信會大大減低小朋友學習動力

我唸父母都要同小朋友傾，小朋友ok 就可。因為都識人repeat p1，原因係小朋友本身讀緊1線津，但太多功課，太多默測，無時間玩，而當時哥哥係讀緊直資，少hw，多時間玩的。所以小1時一邊再考小，又一邊插小，兩邊一齊做，最後考到哥哥學校小1（repeat 小1），小朋友都即刻話下年轉，唔讀而家個間。
我唸如果小朋友考到又讀到，無家長會想轉（一心想入神校個d我唔知），但有時做細b 真係難考d 又係事實，1頭1尾又超大b 相差1年，所以choice 少好多，唔係話佢唔叻，而係choice 少，唔岩都要照讀住先。重讀家長未必一定要入神，好多都係想搵間岩小朋友的學校，想多d choice only 我唸。

tobyannn

我仔仔同你一樣都係2019年11月尾，本身讀緊地區私幼K1, 又係認緊學之園repeat K1...佢相反係講野叻，但其他一般般，好爭扎，你決定左未？

KokoroS

strawberryglass 發表於 23-1-10 22:32
仔仔2019年11月尾出世, 之前疫情基本冇咩讀過N班, 宜家細B讀緊大劍鳴K1, 但收到紅磡學之園offer讀K1英普班, ...

我有朋友嘅小朋友，讀緊學之園K1，我睇過佢哋嘅功課，並無特別教難啲
感覺同我仔學校教緊既差唔多

但你話你小朋友已經跟到k1 …
又好似冇乜必要repeat ，除非你想小朋友入到神校


我小朋友都係2019年11月細b ，依家K1
我從來冇諗過要做超大
因為我小朋友班上有2018嘅超大B
但又唔見佢特別叻….上學期考試亦都考唔到名次
我地上年都有去考 LH ,
佢有問我要唔要比小朋友做超大，
我拒絕咗

alien_ho

如果本身km 已跟到
不用做超大讀多年
不如係做細b 考直私
然後再睇結果到時再決定吧

（利申：當年細b 讀happy school 考直私offer 有得揀，上到小一絕對跟得上）

anna_8211

lavender_mum 發表於 23-1-11 14:05
本帖最後由 lavender_mum 於 23-1-11 14:06 編輯

其實做大B嘅優勢最多去到小二至小三，其實讀上去真係 ...

完全同意，我都反享下個反例子，以前幫過一個三私其中一私既小學生補習，小二已經唔係好跟到，每日做功課都唉聲嘆氣，係好depress個種，冇哂自信。我諗如果佢去普通小學，考返頭個批應該唔難，但係依家已經灰哂咩自信都冇。

Godark

小朋友咁細都咁叻，可造之材，這樣想不是更好嗎？需要俾現實一時之快來打倒而打定輸數和浪費光陰嗎？