大埔區band 2A 自行同大抽獎應該點揀好?

liverpoolsc2003

細仔大埔區一線小學,小一至小四一直 keep住 band1B成績，但上小五開始成績下滑，小五成績估B1b-B1c，但小六考試（第二次呈分）英文大失手，兩次呈分加埋跌落band 2A，我本身對佢自行面試無乜信心，平時又無乜服務、獎狀，原本策略係自行階段志在參與，靠三次呈分保住B1c在大抽獎穩陣入恩主教 or 沐恩，但而家見佢成績不似預期，想谷佢第三次呈分試考好D拉返上 B1c，但細仔性格偏懶，成日心思思掛住玩，話極都只係求其完成功課就算，唔叫佢就唔主動温書(默書、評估、考試都係咁) ，照目前發展拉返 B1c有點難度，宜家頭痛緊自行同大抽獎應該點揀好?


有冇過來人可以俾d意見? 因為想搵間適合佢讀o既中學, 謝謝!


原本取向（恩主教、沐恩）
宜家取向（希望好采入到恩主教、沐恩，其次係救恩、圓玄，我地不考慮跨區）

woooiiii

邊緣人自行band2 一定唔甘心啦，但自行band1機會又微，都係等大抽獎，所以努力考好呈3先最緊要，band1abc 一齊派位，乙一放沐恩/恩主教 一定入到。依家點都要谷吓佢， 加油！

mrs.so

liverpoolsc2003 發表於 22-12-20 13:19
細仔大埔區一線小學,小一至小四一直 keep住 band1B成績，但上小五開始成績下滑，小五成績估B1b-B1c，但小六 ...

邊緣人自行唔好考慮沐恩，屈校長講過睇次第名單著重成績，可能出了兩個醫科生，提高了收生要求。

恩主教次第名單佔50%，邊緣人或B2A比拼次第高低及操行。

谷呈3企穩B1，乙1恩主教，乙2救恩，若繼續B2盼B1學生乙3派齊英中學位，餘下恩主教比B2學生用運氣隨機編號上移甲1乙1恩主教。

2023年大埔約多出100個學額，北區初步估算欠百幾二百個，北區中學已經中一開5班，未知今年是否由大埔區再借位北區，若再次借位大埔5間英中可能像2022年各借出3個，其他中學視乎自行收生數字，鄉中／李中等可能會借出更多，所以邊緣人或B2A要考慮清楚進是否可攻還是退可守。

另外，囝囝唔主動溫書偏懶，英文失手，你還想囝囝入英中，會否擔心入到未必能夠應付英中課程？初中級尾會勸退。

liverpoolsc2003

mrs.so 發表於 22-12-20 17:18
邊緣人自行唔好考慮沐恩，屈校長講過睇次第名單著重成績，可能出了兩個醫科生，提高了收生要求。

恩主教 ...

明白，咁自1恩主、自2考慮那一間會好呢？其實你講中我心中所想，就係擔心細仔英文跟唔上英中要求，讀得辛苦。

mrs.so

liverpoolsc2003 發表於 22-12-20 18:44
明白，咁自1恩主、自2考慮那一間會好呢？其實你講中我心中所想，就係擔心細仔英文跟唔上英中要求，讀得辛苦 ...

一定要大埔，自2救恩，你囝囝邊緣人的話交表救恩次第名單排較前位置，希望係踩界B2A，有無問過老師囝囝B2A係前面第幾個？

如交表救恩自行有機會取錄，你接受到嗎？取錄就無得呈3上到時B1時電腦派位再多次乙1恩主教，大埔B1學生放乙1沐恩／恩主教99%派入。

liverpoolsc2003

mrs.so 發表於 22-12-20 19:32
一定要大埔，自2救恩，你囝囝邊緣人的話交表救恩次第名單排較前位置，希係踩界B2A，有無問過老師囝囝B2A係 ...

老師話佢同 B1c差唔太多，如果照你咁講，自行不宜太保守報救恩 or圓玄？

mrs.so

liverpoolsc2003 發表於 22-12-20 19:42
老師話佢同 B1c差唔太多，如果照你咁講，自行不宜太保守報救恩 or圓玄？

你囝囝自行唔駛報圓二99%取錄，待電腦派位乙2後圓二。

圓二今年9月起化時為科，以中文授課，部份科目以校本英語延展課程。

如果老師話接近B1C，你有無膽量挑戰自1沐恩，自2恩主教，呈3跑上B1更加可以乙1沐恩，乙2恩主教，乙3救恩。

無考慮跨區沙田？

liverpoolsc2003

mrs.so 發表於 22-12-20 19:48
你囝囝自行唔駛報圓二99%取錄，待電腦派位乙2後圓二。

圓二今年9月起化時為科，以中文授課，部份科目以校 ...

唔考慮跨區

mrs.so

liverpoolsc2003 發表於 22-12-20 19:54
唔考慮跨區

超進取沐恩+恩主教，進取恩主教+救恩

擔心自行北區交表大埔就多份競爭。

tpmon

mrs.so 發表於 22-12-20 20:42
超進取沐恩+恩主教，進取恩主教+救恩

擔心自行北區交表大埔就多份競爭。

Mrs. So,

hkpapa852 今天出了個post，以7年DSE 成績計，大埔現在沒有B1A中學，全區只得3間B1中學。

相信會令大埔的家長大恐懼。

https://www.edu-kingdom.com/forum.php?mod=viewthread&tid=3873605

mrs.so

tpmon 發表於 22-12-20 22:52
Mrs. So,

hkpapa852 今天出了個post，以7年DSE 成績計，大埔現在沒有B1A中學，全區只得3間B1中學。

謝謝你！

預期內，沐恩／恩主教多年無正式詳述公佈過去DSE，恩主教公佈只係升中講座提及。

家長經常問我點解小學建議B1學生跨區選校，原因好簡單大埔區5間全英中，論成績論質素論政壇……唉！心水清有留意就會明，所以我同家長們講有機會可以既就跨區唔留大埔，出面一間微調中學學習氣氛等都跑贏大埔英中。

10090

mrs.so 發表於 22-12-21 02:48
謝謝你！

預期內，沐恩／恩主教多年無正式詳述公佈過去DSE，恩主教公佈只係升中講座提及。

學習氣氛係主觀感覺，請問你點知大埔英中全部都無出面咁好呢？

hkpapa852話羅定邦係band 2b-c，而我之前都話羅定邦係band 2尾，今次你又唔追擊佢嘅？

你之前話我嚇家長，但而家你又話全部大埔英中都唔掂，究竟係邊個嚇人呢？大埔band 1學生都要跨區嘅話，咁東涌青衣天水圍大部份學生都要跨區啦

其實你前言不對後語，你係咪俾人入侵帳戶？

mrs.so

10090 發表於 22-12-21 06:28
學習氣氛係主觀感覺，請問你點知大埔英中全部都無出面咁好呢？

hkpapa852話羅定邦係band 2b-c，而我之前 ...

原來你覺得我［追擊］你，你喜歡對號入座，隨便你！

你覺得我前言不對後語，請你爬文。

我相信在EK交流過十數載既家長心水清和明智，公道自在人心。

這是我最後一次回應你，完！

lokjoan

mrs.so 發表於 22-12-21 02:48
謝謝你！

預期內，沐恩／恩主教多年無正式詳述公佈過去DSE，恩主教公佈只係升中講座提及。

Hi mrs. so,

是因為學生本身問題？還是學校唔夠積極？師資原因？

有兩間換了校長，會唔會好d？

mrs.so

lokjoan 發表於 22-12-21 07:44
Hi mrs. so,

是因為學生本身問題？還是學校唔夠積極？師資原因？

早晨！

你指沐恩、恩主教？
如是，兩恩過去在出生率低，升中學童少，有B2學生上移，有兩三年沐恩自行收表量最低80份，恩主教十年前約2012／2013出了狀元（坊間稱為），當時葉校長欣然宣佈振奮人心，從此，莫記、恩記、沐恩無再校網全面公佈DSE成績，就只有參閱校務報告有無敍述。

大埔5間英中近幾年換了校長
柏雨譚校長榮休-黃博士接任（柏雨畢業生）
莫記秀琼校長榮休-王校長接任（前任會督銀禧校長）
王記何校長榮休-鄭校長接任（駐校升任）
沐恩黃校長榮休-屈校長接任（駐校升任）
恩主教葉校長榮休-賀校長接任（前任屯天中校長），副校長轉任粉嶺聖芳濟為校長

還有幾間中學校長已榮休及即將退休年齡。

校長通常有自己一套辦學理念，師資我就對於莫記有保留，尤其秀琼校長接任後，如果知道來由或校友可能會明白，資深老師陸續離任，其中有位退休中文老師訴說，所以希望王校長接任後能帶領莫記向前，今年家長聽完柏雨（講裝修，無講太多辦學理念等）、莫記升中講座感覺好一般，可能新接任未有熟悉校務，影響家長觀感；不過沐恩、恩記、王記升中講座清晰帶出學校收生準則、辦學理念。

沐恩最低潮由楊校長帶領，總之黃校長接任後盡力扭轉局勢，至今屈校長上任後口啤好，不過DSE成績就要時間見證。恩記賀校長接任後無話大起大跌，仍然處於B1學生放乙3穩守線派入英中。

lokjoan

mrs.so 發表於 22-12-21 08:42
本帖最後由 mrs.so 於 22-12-21 08:50 編輯

早晨！

謝謝！

聽過莫記校長介紹，真係感覺一般，而且佢係文科出身，好似對STEM個d唔係好有興趣。我睇佢學校嗰網頁，做得好hea，完全係10年前的design。

另外，我聽人講王記分精英班，結果非精英班無乜人理，請問有冇聽過？

Fanny_ma

mrs.so 發表於 22-12-21 07:23
原來你覺得我［追擊］你，你喜歡對號入座，隨便你！

你覺得我前言不對後語，請你爬文。

不要理會她啦！根本無病呻吟！根本成績下滑就是全區的趨勢，唯獨某些「有心人」才會特別針對某些言論、學校。

tpmon

mrs.so 發表於 22-12-21 07:23
原來你覺得我［追擊］你，你喜歡對號入座，隨便你！

你覺得我前言不對後語，請你爬文。

那位EK新會員不知你十幾廿年在大埔的名氣。大膽。

mrs.so

lokjoan 發表於 22-12-21 21:10
謝謝！

聽過莫記校長介紹，真係感覺一般，而且佢係文科出身，好似對STEM個d唔係好有興趣。我睇佢學校嗰網 ...

如你指莫記校網，一直都係hea爆，不止你所講觀感，我朋友們形容為不是傳聞中的莫記，相當失望，以為秀琼校長退任會有起死回生，點知聽完都唔知重點在那

王記平班唔算無人理，只係力谷文理科精英班，平班較精英班少功課，所謂少其實唔少，訓導堅惡，前兩年開始1正3副校長構架，舊派老師陸續退休，新派老師有數個移民，不過學會頗多，每個學生上限參加3個學會，復課後無再問情況。利申：家人就讀中及已畢業。

mrs.so

Fanny_ma 發表於 22-12-21 21:16
不要理會她啦！根本無病呻吟！根本成績下滑就是全區的趨勢，唯獨某些「有心人」才會特別針對某些言論、學校 ...

無視！

只想家長們不要受無謂言論影響選校。