何文田迦密 vs 華英，點揀好？

MrsMu

其實兩間中學有乜唔同？
成日聽人講迦密係關愛學校，有幾關愛？因為係Info day唔覺有講關愛，想知多啲，謝謝！

smallmom08

請問今年兩間information day 有冇講上年叩門有幾人、有幾位呢？

lot888

迦密上年出狀元，今年梗唔sell関愛，sell成績。希望吸班叻學生，飛開其餘2宝。利申，我更愛華英及旅港。

西瓜包

lot888 發表於 22-12-11 12:34
迦密上年出狀元，今年梗唔sell関愛，sell成績。希望吸班叻學生，飛開其餘2宝。利申，我更愛華英及旅港。 ...

華英好似早年都有狀元呀

lot888

我鐘意華英是因為佢嘅歷史背景，無特別留意佢之前有否出狀元。我留意到上年迦密訪問佢個狀元時，我聽*唔*倒佢一句多謝老師，學校。這引起我一個疑問，學校是否真的関愛？好像從這狀元身上感受唔到。(重有一個攪笑場面，培正只有個狀元穿校服，其他人穿便衣。這個學生咁有信心，知道自己今日會贏出，要影相？或校長於學生回校途中，叫佢返屋企穿回校服，又或校長長期有套靚校服放係櫃桶，喜慶時備用。) 话回迦密，今年一定sell成績，上年能有狀元，表示現學校模式最貼近成名之路。

西瓜包

lot888 發表於 22-12-11 13:01
我鐘意華英是因為佢嘅歷史背景，無特別留意佢之前有否出狀元。我留意到上年迦密訪問佢個狀元時，我聽*唔*倒 ...

一般學校前一日已經知道有狀元係燙定校服比狀元著比傳媒影相㗎，間間都係咁做架

SUGARMA

回覆 MrsMu 的帖子

真既關愛係唔會掛在口邊 難道Info day學校自己講自己好關愛學生嗎？
我係用家家長 真心一句 校長老師都好關心學生
我小朋友感受到 喜歡上學 亦非常喜歡校長老師

其實之前有d舊post都有家長分享過 有心搵就會搵到

adriantai

SUGARMA 發表於 22-12-16 22:32
回覆 MrsMu 的帖子

真既關愛係唔會掛在口邊 難道Info day學校自己講自己好關愛學生嗎？

女人吾係通常要講出口？

過校長吾應早晨又過份D，係咪有野攪錯？

10090

迦密好啲，交通方便

華英可能快重建，但立法會未通過，可能到你子女畢業先重建好，所以無受惠

angelacms

SUGARMA 發表於 22-12-16 22:32
回覆 MrsMu 的帖子

真既關愛係唔會掛在口邊 難道Info day學校自己講自己好關愛學生嗎？

係吖!我都係用家，我上年講咗好多，今年唔想重覆!學校係唔重視獎項的。成績亦不喜歡打鑼打鼓(我唔知D S E7~8個42+分喺1A學校算唔算多，我嗰小朋友話見到有師兄姊取不了30分喊咗出嚟)成績唔差，但未算頂流。學生比較多學術型。
咁講老師係教書，所以最top嗰班同學仔少有補習，嗰狀元師兄係其中一個，佢返咗幾次學校同師弟妹分享，應該同學校關係好的。
我都有朋友的仔女讀華英，佢哋愛收資優生。愛選哪間各有所好。
PS下年迦密轉校長，據聞出咗狀元好似push多咗成績（連家長都積極唔少，係學校想定應家長要求就唔知)，我自己就平常心看待成績，不竟不是為成績選迦密。

angelacms

回覆 adriantai 的帖子

外人唔知，伍學校真係好低調，你哋留意其他校長四萬咁口同狀元影相出鏡，佢就好微微笑咋，佢平時最High係同同學傾計。家長會都係應大家要求，象徵式講下成績，迦密人本書仔，其他迦密group學校講成績，我哋唔多提㗎。如果想有1A光環，真係唔好選。華英會啱些。

BeeBee1129

angelacms 發表於 22-12-21 23:38
係吖!我都係用家，我上年講咗好多，今年唔想重覆!學校係唔重視獎項的。成績亦不喜歡打鑼打鼓(我唔知D S E7~ ...

我覺得學校同學生關係好好, 好多時聽女講師姐返去同佢地一齊練波, 又有上年畢業生返去講選科心得, 童軍都攪得好出色, 大家都好投入, 我女今年中一只讀左幾個月已講迦密係佢第二個家.