崇真offer

winky914

11月頭in，尋日終於出咗Offer本身報國際部但waiting，而學校俾英文部Offer，大家都一樣嗎？

SerenaYuen_FB

回覆 winky914 的帖子

我10月in 英文部，琴日終於收到英文部offer 了。
唸緊讀邊間好，而家有st clare，灣仔嘉諾撒聖方濟各，同崇小。崇小語境好吸引，但要比6千學費，嘉諾撒就免費，但傳統同多hw。

有無家長可以介紹下崇小。

Marris

SerenaYuen_FB 發表於 22-12-10 15:50
回覆 winky914 的帖子

我10月in 英文部，琴日終於收到英文部offer 了。

關於崇小之前在討論區已經說了很多，在搜尋區搜尋找”崇真”便會找到資料

Siusiu5

winky914 發表於 22-12-10 13:11
11月頭in，尋日終於出咗Offer本身報國際部但waiting，而學校俾英文部Offer，大家都一樣嗎？ ...

我11月頭in國際班，收到國際班offer , 不過諗緊SFA定崇小國際班好d，似乎兩間都英文教得好

SerenaYuen_FB

Siusiu5 發表於 22-12-11 11:18
我11月頭in國際班，收到國際班offer , 不過諗緊SFA定崇小國際班好d，似乎兩間都英文教得好 ...

Sfa 好似唔多net，你要睇下佢英文好係家長自己外補谷得好定點，我就唔太清楚。

Marris

Siusiu5 發表於 22-12-11 11:18
我11月頭in國際班，收到國際班offer , 不過諗緊SFA定崇小國際班好d，似乎兩間都英文教得好 ...

我小朋友讀祟真國際部
其實兩間小學風格係完全不同最主要睇家長想要什麼？

教學模式SFA會很傳統 ; 崇小是活動教學，要睇小朋友及家長喜歡及屬於那一類型

SFA學生喺英文Grammar，閱讀能會高，傳統學校水平以上； 但如果以聽講能力計算崇真國際會高，接近國際學校水平（國際學校英文Grammar，串字能力會較差），崇真net teacher 數量以香港本地學校來說應該是最多，國際部所有課程以英語及中文（國語）授教，而且部份課本會採用英國及星加坡

Siusiu5

Marris 發表於 22-12-12 08:53
我小朋友讀祟真國際部
其實兩間小學風格係完全不同最主要睇家長想要什麼？

我女的班主任話佢學術型又得 (因做功課做得快)，活動教學型又得 (因老師話佢喺班內做project 好投入，好主動發表意見)，不過要觀察下邊種教學方法令佢學得好d，但始終幼稚園功課量或project量都冇小學咁多，我估計唔到workload 大左之後佢會適合邊種多d。

我都願意commit 時間陪佢讀書做功課做project 嘅，SFA比較谷就係人都知，但活動教學咪又係要家長參與小朋友個project, 我估2間學校家長要投放嘅時間差唔多？係咪happy school 唔係我考慮範圍。


我希望佢學術好，英文好 (寫作好，同presentable) , 我覺得崇小國際班應該做到哩點嘅，但如果佢學術係ok, 有機會更上一層樓，會唔會SFA可以令佢將來更多選擇呢？

Siusiu5

SerenaYuen_FB 發表於 22-12-11 21:32
Sfa 好似唔多net，你要睇下佢英文好係家長自己外補谷得好定點，我就唔太清楚。 ...

哩個亦都係我睇埋舊文都未揾到嘅答案

SerenaYuen_FB

Siusiu5 發表於 22-12-12 23:50
我女的班主任話佢學術型又得 (因做功課做得快)，活動教學型又得 (因老師話佢喺班內做project 好投入，好主 ...

其實2間學校都好唔同類型我覺得，有無問過小朋友意見？好似我囡學野快，但一上d 要坐定定，得老師講佢齋坐係到聽個d 佢就會話好悶呀，跟住就游雲，無心機再上。但如果係玩住學，佢可以落手落腳做的，佢就會好開心好有興趣。
我都有問過老師邊種岩佢，傳統or 活動，但老師話佢岩傳統，因為佢專心，係學校好乖個d，但返到屋企上zoom 我就見到另1個佢，所以老師意見未必準哂。我同個囡去st clare，佢見完第1句係話黎間學校好悶，所以收左我都放了。

Marris

Siusiu5 發表於 22-12-12 23:50
我女的班主任話佢學術型又得 (因做功課做得快)，活動教學型又得 (因老師話佢喺班內做project 好投入，好主 ...

其實學校未必準，最清楚小朋友嘅性格係家長.

當日我小朋友老師亦都係咁講佢係可以學術及活動型，但當你細心觀察你就會發現佢係屬於邊一類型較多，有些小朋友好喜歡做卷從做卷之中獲得滿足及成功感 ; 有些小朋友經常坐唔定，經常要有新刺激，有些需要多點關愛.

所以選擇一所合適小朋友及家長嘅學校才是最重要，像我朋友，初初都認為自己小朋友可以學術及活動型，入了一間出名谷嘅三私之一，入讀後才發現學校同家長理念格格不入，學校太傳統，要求學生上堂要遵守很多規矩，要坐定定，不准說話，不喜歡主動發問，不准離開座位…家長投訴學生紀律問題，學校敷衍了事，只追求催谷學術，追求卓越戰績，結果朋友決定讀完今年就走，雖然小朋友叫勉強適應，但家長不能接受小朋友在這樣的學習環境下成長

通常net teacher 會比較包容, 本地或中國人老師會比較要求紀律規矩

SFA 與崇小國際每年都有學生能夠考入神校中學及取得多個直資Offer，我覺得你應該睇你小朋友同家長本身究竟適合邊類型學校才是最緊要