真心請教，荃灣區轉屯門區有乜選擇？

jiyu1107

小兒今年小六，係荃灣二線小學讀緊，排名大約級20之內，呈一之後大概估計係band1中嘅組別。
由於我地明年初要搬去屯門兆康附近居住，心儀的中學荃灣得一間王少清，因為阿女依家讀緊中四。當年阿女升中時，亦屬band中組別，王少清都係當年的最佳選擇。
所以阿仔升中的第一選擇都係想揀返王少清，但問題來了，如果我地不轉校網，自行入王少清的機會大唔大？如果第一輪入唔到，去到統一派位，萬一隨機號碼靠後，派到其他志願，就地理位置而言，真係無乜可以選擇的學校，荃官係唔在考慮之中的。
假如我地想轉校網去屯門，甘有乜嘢學校係同王少清的banding差唔多，亦或者自行時可以考慮報一間屯門區的中學。我知屯門有4大，仲有田中，譚中，馬中，有無熟悉屯門區中學的家長，俾D意見參考一下？多謝！

elbar

jiyu1107 發表於 22-11-13 11:15
小兒今年小六，係荃灣二線小學讀緊，排名大約級20之內，呈一之後大概估計係band1中嘅組別。
由於我地明年初 ...

或許自行首選 馬可賓 都不錯  

Poyau

jiyu1107 發表於 22-11-13 11:15
小兒今年小六，係荃灣二線小學讀緊，排名大約級20之內，呈一之後大概估計係band1中嘅組別。
由於我地明年初 ...

屯門區B1位不足 不少B1生下移
荃灣區情況較佳

Poyau

jiyu1107 發表於 22-11-13 11:15
小兒今年小六，係荃灣二線小學讀緊，排名大約級20之內，呈一之後大概估計係band1中嘅組別。
由於我地明年初 ...

與王少清同級或更佳 屯門四大
但屯門四大之中三間有聯小 競爭大
可考慮留荃灣 放榜後再看是否叩屯門

DSE 成績
屯門 百周年 > 董玉娣 > 陳瑞芝 > LKKC
荃灣 荃官 > 可風 > 何傳耀 > 王少清

jiyu1107

Poyau 發表於 22-11-14 12:05
屯門區B1位不足 不少B1生下移
荃灣區情況較佳

以前阿女升中果時，個個都係話荃灣band1位不足，老師成日叫我地考慮自行葵青區女校，我對男校或者女校係唔鐘意嘅，所以當時好堅定地選擇王少清，一來近屋企，行路15分鐘之內可到，二來考慮競爭壓力相對荃官而言無咁大，努力讀下書仲有上升空間。
果年派位真係派得好理想，阿女自行第一，統一甲乙部第一都係填王少清，阿女學校同級有8個人派王少清，都算多，但其他人成績係差過佢，以此推斷小學的band1比率並無想像中咁差。
所以，聽你咁講，我相信荃灣區的band1位係足夠俾本區band1生的。

jiyu1107

Poyau 發表於 22-11-14 12:16
與王少清同級或更佳 屯門四大
但屯門四大之中三間有聯小 競爭大
可考慮留荃灣 放榜後再看是否叩屯門

多謝你的建議，我會考慮一下

1998Ruby1998

應該屯門重災過荃灣，屯門應該少啲人自行跨到/考入直資，荃灣就應該多啲 (睇大熱學校升中業績)。

即然兩邊都有機會抽唔中 band 1，倒不如留低。依家愈來愈多人退學移民，但 band 1 位暫時冇縮，可以留低一搏。但的確返學有啲遠，搭車距離，王》何》可？

Zleep

撘車番王／何都好似唔太抵，輸左撘車時間又唔係換到一間更好的學校。

以2線小學級二十，自行4大應該好細機會，但既然搬去屯門，不如抽屯門好過，但屯門4大入面3間係聯繫，剩低陳瑞芝，變相非聯繫小學的band 1一定抽呢間，如接受到抽唔中之後就得番1線尾 or 2線的南屯官／屯官了。

唔太清楚田中放乙二有冇機會，等其他熟的家長答下。

暫時真係兩頭唔到岸，一係問下小朋友接唔接受到番學日日要坐巴士行屯公先

jiyu1107

1998Ruby1998 發表於 22-11-14 19:47
應該屯門重災過荃灣，屯門應該少啲人自行跨到/考入直資，荃灣就應該多啲 (睇大熱學校升中業績)。

即然兩邊 ...

荃灣級頭果D band1生真係好多跨區去九龍讀，個個老師都係咁搏命鼓勵跳出荃灣，今年更甚，所以我諗變相留係荃灣可能機會率會大D。
王離西鐵最近，因為家姐讀緊王，細佬的第一選擇都係想考慮王，搭港鐵會準時過巴士咯。

jiyu1107

Zleep 發表於 22-11-14 20:51
撘車番王／何都好似唔太抵，輸左撘車時間又唔係換到一間更好的學校。

以2線小學級二十，自行4大應該好細機 ...

屯門無論讀邊一間B1中學，都係要搭車搭輕鐵搭巴士架啦，早兩日啱啱同阿仔行過，只係差遠同近，車程長或短。

如果自行田中機會率大唔大？