救恩 vs 崇真(英文部）vs 音小

shing418

大家好 小兒暫時有幸得到上面3間offer，如果唔比較學費同地點， 只考慮升中和學校課程應該點簡好， 3間都係happy school ，亦都係二線既學校，大家都相對少討論，論壇既文我都睇過一次，有以下結論，希望大家比下意見。多謝。
救恩：中西區升中對男仔無優勢，日後都要考返直資，但有匯基做backup。不過好欣賞救恩活動教學，北歐教育，主要project based，對小朋友日後成長都有幫助，不過去到高小都要谷返。歐校長都好有愛，見絕大部份用家講小朋友好開心返學，冇投訴。

崇真（英文部）：岩岩轉左莊校長，睇返莊校長背景都幾進取，應該會有心搞起崇真，英普語境好，課程應該都小谷同都活動教學，黎緊新大樓開幕可以用。升中就主要深水埗區，有基崇backup，但基崇排名唔確定上到B1未，始終冇公布DSE成績，升中排名應該冇救恩咁好？

音小：第一間收到offer，一直都好感恩，一條龍，學費包埋樂器，happy school，課程不明，不過最近個年DSE成績唔錯，用家好似都滿意。

自己暫時排名係救恩＞崇真＞音小，希望咁多位專家比下意見討論下。

piglover

唔睇學費地點，我一定選救恩。(有考慮過插班，但因為交通問題而卻步了)

利申: 三間小學都有朋友讀。

如果想小朋友將來行得更遠，無論係出國升學，定留港，救恩教出來的小朋友都係熱愛學習的。學習係長途賽，小朋友要熱愛學習，才可以行得更遠。

Poyau

shing418 發表於 22-10-30 16:53
大家好 小兒暫時有幸得到上面3間offer，如果唔比較學費同地點， 只考慮升中和學校課程應該點簡好， 3間都係 ...

看看升中目標是什麼

保障 ICQM > 崇真 > 救恩
外闖 救恩 > 崇真 > ICQM
DSE ICQM > 滙基KE > 基崇

zaba

shing418 發表於 22-10-30 16:53
大家好 小兒暫時有幸得到上面3間offer，如果唔比較學費同地點， 只考慮升中和學校課程應該點簡好， 3間都係 ...

崇真好似唔係真係咁活動教學. 識人小朋友讀, 話其實算幾傳統.

利申：冇考崇真, 亦已有救恩 offer.

shing418

回覆 piglover 的帖子

係呀 我都幾鍾意救恩 覺得佢個教學應該都幾啟發到小朋友思維 對佢成長都好有幫助 地點的確係一個因素

shing418

回覆 Poyau 的帖子

ICQM 而2年DSE成績的確係亮麗 以住英數成績係唔錯 中文差d 不過而2年中文成績都升返 不過始終冇呈分試 擔心之後成續會唔穩定 12年教育 到時想跳船又難d

shing418

回覆 zaba 的帖子

係呀 我都好認同 就算睇完崇真既每課介紹 感覺都唔算好活動教學 都希望有用家可以再分享
希望大家到時有機會做救恩同學

Marris

沒有最好的學校只有最合適的學校，本身小朋友讀緊崇真國際班，舊年放棄咗沙田區一線小學，王錦輝，林文燦，音小入讀崇小國際部，到現在也很感恩當日選擇沒有錯，小朋友十分喜愛學校生活，可以在此分享一下

1. 每日功課量不超過4 樣，連改正，好少抄寫性功課，（英文班及國際班甚至乎高年級同學，功課量也差不多）
2.  學校注重閱讀，會培養小朋友閱讀興趣，注重全人發展.
3. 學校以宗教故事教導學生正確價值觀及品格培育.
4. 老師很用心對學生並很關顧各同學，就我班來說家長整體都十分滿意.
5. 今年開始一年只有2 考，默書中英文每個月各一次，沒有測驗但各科目也有持續有評估. 減低家長給小朋友不停要面對考測壓力.
6. 學校共有3X 多位net teacher ，除咗國際學校之外net teacher 數量最多的學校應該便是崇真.
7. 國際班小一己有法，日文學，小三開始要二選一.
8. 國際班以英文及國語為教學語言，由於每日都有1-3堂中文堂，所以中文及國語程度也不差
9. 由於學校沒有分班制，同學及家長之間也比較融洽.
10. 學校強調採用活動式教學，英文班及國際班上課也不是要經常坐定定的. 學校絕對不是以傳統方式教學
11. 國際班有40% 採取IB 課程，部份課程並非用本地書籍
12. 學校全面採用電子學習，好多學習及功課都需要平板電腦配合.
13. 所有班級採用雙班主任制.
14. 國際班編班規定不超過29人，但英文班會會有機會超過，如30人以上學校會安排多加一名助教協助 .
15. 小朋友原先是就讀國際幼稚園，但由於學校有優良語境，雖然只係返咗短時間小一，但中英文溝通技巧己有明顯進步.
16. 由於英文程度高，不管讀小學或者中學外闖能力也很高. （小學中途及升中其實一直也有不少學生取得神校，國際學校offer 或選擇出國留學選擇）
17. 基督教崇真中學是崇小的直屬中學，由於外闖能力高，以前崇小學生取得更好中學Offer會放棄基崇，但隨着近幾年基崇上升至band 1 水平（基崇係全港頭10%學生增值最高學校）越來越多崇小學生畢業後選擇入讀. 按2022年基崇公佈收生標準，有96.3% 學生是B1 生，有37.8%更屬頭20%水平學生.
18. 學校有多類型課外活動（學術，興趣，運動也有）學生可以按個人喜好自由選擇不會強迫參加
19. 課外活動後學校會安排校車送小朋友回家.
20. 崇小屬於私校，課程編排自由度比較大，因此不會有一些監管上”必須”要學習的學科.
21. 崇小學生基本上不需要外出找外補，如有需要加強學術能力學校有相應課外活動班可提供，價錢亦相對外面便宜得多.
PS: 8層高新教育大樓明年底也會正式啓用

其實學校近年整體真的進步很多.舊年更首次出現戲劇性變化，在極少人放棄Offer情況下，學校要開多一班國際班；而英文班放棄Offer情況也越來越少，各位家長也用腳投票認同學校進步便是最佳的證明

gtg435i

想問問救恩用家, 救恩語景點樣?


救恩課程除左英文課, 其他課係用咩語言教?


有爬過文, 佢會唔會好多用中文教?


感激!

shing418

回覆 Marris 的帖子

Marris 好多謝你咁詳細分享崇真用家既體驗，令我對學校了解多好多。的確我見崇小國際部升中派位有7成以上都入B1，小朋友既英文水平亦都好高，外闖能力好高，而且崇小有補底拔尖班加唔同類型興趣班，外補既需要大大降低又有校車包埋，而樣亦都係我同太太所欣賞。我只係擔心英文部唔知做唔做到同樣既野，因為英文部好似得5成入B1。

Marris

shing418 發表於 22-10-30 21:37
回覆 Marris 的帖子

Marris 好多謝你咁詳細分享崇真用家既體驗，令我對學校了解多好多。的確我見崇小國際 ...

其實不能以數字作準，就好似舊年畢業學生為例，到最後國際班正式畢業只有16人，英文班只有76人，由於學校本身係私校，而且學費整體不便宜，比較多有能力想小朋友畢業後能出國讀書的家庭，在畢業前有很多同學一早已經決定畢業前後出國留學，移民或轉讀國際學校，一早對呈分試有半放棄狀態，所以不能以數字判斷實際情況.
試想想：英文國語水平高，加上家庭有經濟能力支持下，學生根本不愁中學出路，難道這類型家長會真的會選擇入讀本地Band 2，3中文津校嗎

shing418

回覆 Marris 的帖子

沒錯 而2年學生既流失率確實好高，好高興你搵到一個合適小朋友既學校，同再次感謝你詳細既分享。

Cfwongthomas

Marris 發表於 22-10-30 20:44
沒有最好的學校只有最合適的學校，本身小朋友讀緊崇真國際班，舊年放棄咗沙田地區一線小學，王錦輝，音小入 ...

哇，王錦輝都放棄，可否透露多少少當時點選擇？thanks

Marris

shing418 發表於 22-10-30 21:58
回覆 Marris 的帖子

沒錯 而2年學生既流失率確實好高，好高興你搵到一個合適小朋友既學校，同再次感謝你詳 ...

多謝你，我小朋友由N-K3一直就讀以活動形式教學的國際英普幼稚園，加上佢係男仔絕對係一個很難長時間坐定嘅小朋友，我每日放學問佢返學校開唔開心佢只會答我開心同十分開心
如果小朋友身體稍為不適不能返學，學校可以安排請假學生在家中即時同步同全班同學一起在網上上課，而家長可在旁協助小朋友及觀課，有家長分享見到小朋友在上堂時老師要求學生把所有枱椅搬走到課室兩旁，騰空中間位置，之後要求每位小朋友扮演不同小動物在學習，其中一段當老師說現在是夜晚各位小動物晚安，整班小朋友有些瞓在地上，有些瞓在枱上（把抬扮作樹木）在網上看到的家長也覺得很有趣呢，難怪小朋友喜歡上課

Marris

Cfwongthomas 發表於 22-10-30 23:08
哇，王錦輝都放棄，可否透露多少少當時點選擇？thanks

當時考慮有以下要點：
1）近幾年社會環境變化不滿及衝突太多，希望小朋友能入讀一間有宗教背景的學校學習正向思維
2）想小朋友入讀一間有B1 中學保底的小學，不要求一條龍，因為6 年後變化可以好大，今天B1B 的中學可以兩年後是B1C-2A 不足為奇，選擇權永遠在自己手上是最實際，崇真進可攻退可守.** 簡單啲講，讀崇真小六畢業後，我可以選擇中學讀TTCA，考其他直資中學如WKF中學，甚至乎國際學校或者B1 津校英文中學也可，不需要好與不好，小朋友適合與否也接着要就讀同一間一條龍中學.

3）就以上第二點所以要求外闖能力要高，語境要好.
4）私校課程上彈性好多，直資某程度上也要受教育局規管.
5）家庭很重視品德培育有宗教背景學校較為適合而且有宗教背景學校比較關愛
6）小朋友曾經入讀教師流失率高的幼稚園，更加明白教師的穩定性對小朋友影響好大
…..

大概為以上考慮，還有其他問題不便公開所以到最後也果斷放棄 WKF 小一Offer

Cfwongthomas

Marris 發表於 22-10-30 23:58
當時考慮有以下要點：
1）近幾年社會環境變化不滿及衝突太多，希望小朋友能入讀一間有宗教背景的學校學習 ...

多謝答覆

manto216

Marris 發表於 22-10-30 23:58
當時考慮有以下要點：
1）近幾年社會環境變化不滿及衝突太多，希望小朋友能入讀一間有宗教背景的學校學習 ...

del

twhkleung

Marris 發表於 22-10-30 21:49
其實不能以數字作準，就好似舊年畢業學生為例，到最後國際班正式畢業只有16人，英文班只有76人，由於學校 ...

希望唔好介意我問多少少，你最后話果類型長不愁出路，不会入本地B2/3中学，是否指那些英文好，但overall水平未达B1水平的學生？

Marris

twhkleung 發表於 22-10-31 00:59
希望唔好介意我問多少少，你最后話果類型長不愁出路，不会入本地B2/3中学，是否指那些英文好，但overall水 ...

正確，因為讀得 TT 學生英文聽講寫讀能力絕對有一定水平，但有些英文好的學生往往會對學習中文產生抗拒, 如果家長配合，小朋友很容易要改讀國際學校或出國

keikolau

Cfwongthomas 發表於 22-10-30 23:08
哇，王錦輝都放棄，可否透露多少少當時點選擇？thanks

其實王錦輝係多人報名，但實際上唔係真係咁好 唔好問我點解，不便喺到透露，總之如果識朋友做教育界嘅，都應該會叫你唔好揀