用戶登入
用戶名稱:
密      碼:
搜索
教育王國 討論區 資優教育 好困擾,請敎資優及行為問題
發新帖
查看: 23432|回覆: 7
go

好困擾,請敎資優及行為問題

Rank: 4


912
發表於 22-10-18 16:23 |顯示全部帖子
仔仔K3, 開學之後老師打左黎幾次
唔話得, 一話佢就發脾氣或者喊, 有陣時無野發生佢都會好情緒化唔肯接觸新既同學,以前K2識落既先肯(但都係得幾個)
老師話要成日讚下佢,咁佢d行為情緒先會好d
佢話好鍾意同老師傾計, 但又做D行為挑戰老師 (唔搞同學,但擾亂到跌序)
佢返黎話返學唔開心,點解一定要跟老師果套
佢叫我報science班同數學班比佢
老師話佢IQ高EQ低,叫我快d搞搞佢情緒咪影響學習, 話上小學會重慘
我可以點樣教佢唔好發脾氣或者喊


Rank: 11Rank: 11Rank: 11Rank: 11

醒目開學勳章 貢獻勳章


33478
發表於 22-10-19 02:57 |顯示全部帖子
本帖最後由 小曳人 於 22-10-19 22:00 編輯

每個小朋友都唔同,其實好難揾到萬能解決方案
我自己就鍾意聽多d前輩分享,未必全部法寶都用得上,但你可能會揾到d方向

首先,我假設你孩子真係資優,咁~ 佢地思想同一般人好唔同
以我仔為例,唔係唔話得,係佢覺得自己無錯,或唔認同大人嘅道理

一般,佢地唔鍾意同同齡嘅小朋友玩,但鍾意同年紀比較大,甚至係大人玩/傾計

我仔另外係有少少亞氏傾向,所以我乜都要預先講好,唔可以隨便改行程 (daily routine)
有乜臨時改動,多數都無好結果 (大喊,唔肯行 etc)

我地比較幸運,N班到K2都遇上懂得欣賞佢嘅老師,所以比較包容,甚至容許佢課室內自由行 (其實佢係睇周圍d字咭/人名label)
學習方面,我覺得佢有要求去學,資源上俾到,都可以去學,但我家唯獨唔鍾意學奧數,因為爸爸覺得無用~

我仔今年15歲喇,出街仲會拖我手架~ (我嘅成就唔係佢讀書有幾叻,而係佢仲好鍾意同我一齊)

總結過去10年我所做嘅野,係多了解佢,從佢角度出發,講佢嘅感受,其他人嘅感受 (佢無設身處地嘅能力),唔好以為講一兩次就會入腦,你預上到小5-6先會好d,識得妥協
俾無限嘅愛,唔好只講道理,講下阿媽感受,可能仲有用
佢地嘅妥協唔係因為佢認同凡人嘅規矩/道理,更多係唔想煩,亦唔想佢錫嘅人唔開心
另外,俾有限嘅選擇佢,佢自己揀嘅,好多時都做到 / 會盡力去做
唔好以為會"教"識佢地守規矩,反而係感化,前題係:你接受佢諗法唔同,接受佢唔明白點解要守規矩先

其實有段時間我睇好多教養書,亦成日參與HKAGE嘅家長活動,理論好多,但做起上嚟... 就好似種植物淋水咁,其實都唔知幾時會有成果,但總有一日會見到努力嘅成果!
家長,其實係同行者,孩子,唔係你教,佢就有規矩...

初小時應該係最辛苦嘅時期,加油呀!






恐龍家

Rank: 4


912
發表於 22-10-20 09:50 |顯示全部帖子
多謝你
想問點樣可以有機會JOIN到HKAGE既活動又or點樣可以聽多d前輩分享我自己都想行多幾步明白佢,真係好多了解佢唸緊乜野

Rank: 11Rank: 11Rank: 11Rank: 11

醒目開學勳章 貢獻勳章


33478
發表於 22-10-20 12:35 |顯示全部帖子
gfsying 發表於 22-10-20 09:50
多謝你
想問點樣可以有機會JOIN到HKAGE既活動又or點樣可以聽多d前輩分享我自己都想行多幾步明白佢,真係好多 ...
HKAGE 其實有家長活動,部份係open to all, 你可留意下
另外,其實其他平台都有資優家長群組,你可以去揾下,呢度就唔講得,會俾admin 殺架


恐龍家

Rank: 3Rank: 3


304
發表於 22-11-13 17:03 |顯示全部帖子
回覆 小曳人 的帖子

請問有無教養書推介? 謝謝!

Rank: 11Rank: 11Rank: 11Rank: 11

醒目開學勳章 貢獻勳章


33478
發表於 22-11-14 15:00 |顯示全部帖子
mrsB 發表於 22-11-13 17:03
回覆 小曳人 的帖子

請問有無教養書推介? 謝謝!
我自己最深刻嘅,係"孩子 ,你的敏感我都懂"因為我仔係敏感兒,本書教識我去接受佢所有個人"感覺"
用同一個心態,其實情緒問題都會有所改善

其他嘅,唔係太記得,我睇書唔多睇書名
恐龍家

Rank: 3Rank: 3


304
發表於 22-11-14 18:48 |顯示全部帖子
回覆 小曳人 的帖子

謝謝你!

Rank: 5Rank: 5


3182
發表於 22-12-19 20:46 |顯示全部帖子

回覆樓主:

睇見呢個帖,就睇見自己面對咗差不多13年仲未解決到嘅問題:個女完全自我中心,完全漠視所有規矩,亦唔理身邊任何人嘅感受,做嘢只睇自己喜好,無論點向佢表達佢嘅行為令人幾唔開心,佢都唔會理會。已經聽好多前輩分享方式去嘗試,不過情況只係一年比一年差,個女已經中一,但行為倒退到好似幼稚園咁,除咗上網、同朋友傾偈,就只係會瞓覺,就算冇得食都只會搵啲打開即食嘅嘢,冇就唔食,冇哂水都唔會自己煲,情願等到有人煲先飲,如果冇人幫佢開洗衣機洗衫,佢可以一個月重複着...,倒瀉成煲湯,佢會繼續切自己嘅pizza食,無視一直流出嘅湯。如果要寫,真係一千字都寫唔完啲問題。不過睇完呢個帖,又將已經完全失去嘅信心挽救返少少,再努力一下。
當個好爸爸