直資vs津校

Rpp

要睇邊間津校同直資，要做吓嘢資料搜集，有啲津校硬件確係殘舊，電腦堂成班學生爭用電腦，爭到電腦都呆坐，電腦廢嘅，實驗室工具又壞咗，係無任何意思嘅。新校舍津校就唔會出現此情況 。
其實直資同津校都係要好成績先揀到心儀理科。

LeeCC

揀直資或津校其實考慮好多因素，屋企附近的學校是否合心意？

當講緊屋企最近的幾間學校，都要15分鐘巴士＋15分鐘步行，幾間都係band2尾至3的津校，就會寧願搭多2個站地鐵，去一間banding適合的直資

DD仔

Rpp 發表於 22-10-9 14:14
要睇邊間津校同直資，要做吓嘢資料搜集，有啲津校硬件確係殘舊，電腦堂成班學生爭用電腦，爭到電腦都呆坐， ...

我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例如喇沙嘅設施質素係咪拍得住直資如DBS? 定係但凡係津校都差過直資？

Rpp

DD仔 發表於 22-10-9 15:08
我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例 ...

我無研究過，但係新校舍嘅津校各方面設施唔差過直資。例如學校村有保良局嘅小學同兩間中學，保一各項設備殘舊到一個點，保堂設備又新淨到如直資，小學同保堂都多資源，年年換新野，又多拔款搞呢樣搞果樣。學生受益唔少。
新校舍津校就唔會差過直資設施，包括資源。

LeeCC

DD仔 發表於 22-10-9 15:08
我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例 ...

喇沙mcs呢d津校，校友有錢，又捨得捐錢，母校要錢一呼百應

Rpp

DD仔 發表於 22-10-9 15:08
我都聽聞有啲津校校舍及設備非常殘舊，電腦及軟件舊版到嘔，其實係咪band1就資源多d? 定係睇辦學團體？例 ...

仲有我無仔讀過男拔，無得比較，但係喇沙嘅設施已經OK了，如果無異心轉制IB，我會選擇喇沙，讀書都係靠自己，爭入G F班最實際。

lot888

其實呢幾年，部份直資真係兩難。先是出生率低，外來生缺，加上移民潮，間間學校爭學生，成績好的一批未必肯入讀，成續差又驚影響賽果，以後冇人讀。人數少除缺學費收入，更重要是缺政府資助，但維收，行政費只有加冇減。如以上粗略觀察成立，直資更會善用資源，家長其望子女能參加任何或更專門活動，可隨意因個人喜好選科似是不可能，如果得幾個同學有興趣選修冷門學科，從學校角度計算，就算校長，老師讚成，也很難被校董會接納而開班。就算真係開，也未必有錢聘請有經驗老師，最後小朋友只可開心學習，但同公開試成績可能是兩碼子事，家長會又再一次落空。虎年高出生率已過，今年到兔年昇中，情况可能更差一點。來年是龍年，出生率應是高一些。直資努力吧。

Sing13

lot888 發表於 22-10-9 16:55
其實呢幾年，部份直資真係兩難。先是出生率低，外來生缺，加上移民潮，間間學校爭學生，成績好的一批未必肯 ...

為何成績好既未必肯入讀直資呢，移民潮，有海外課程既直資唔是更理想咩？
直資收左政府每個學生每年七萬幾,再加上家長學費,點會資源少呢？
反而当生源少，band3官津中學要縮班時,最後band1官津同樣要縮班。
官津中學老師人工太高了，可以去到七萬幾一個，兩個官津老師既人工夠直資請三個，唔止請教院畢業，三大畢業專科專教都夠。
直資更善用資源，我見今年某直資簡介會，話明夠五個學生就開科。
小朋友開心學習，反而會主動學習，學習持久性反而更好。英美教育理念,由學生興趣出發會學得更好. 有啲新興直資實行愉快教育，短短十幾年間已經進入band1A B既行列
相反如果讀書壓力大，已經對學習冇興趣，當到中學家長不能約束，手機吸引力肯定比學習大。

Sing13

我認為中學來講，直資同官津，前者優勢是選科，海外升學考試出路。
其他亦非分別太大，升中選校反而睇小學既教育模式與邊間中學相衔接，例如陳守仁，救恩既學生一般較多選擇直資。

反而直資小學與官津小學分別較大，見幾間新派直資都是一條龍學生考DSE個屆成績開始明顯進步。

Dylanli2017

Sing13 發表於 22-10-10 23:19
為何成績好既未必肯入讀直資呢，移民潮，有海外課程既直資唔是更理想咩？
直資收左政府每個學生每年七萬幾 ...

嘩，如果直資中學老師得4，5萬幾蚊人工VS津校7萬幾，咁直資教學質素咪好差? 小學津校老師都有3萬幾人工啦。人工效應下，質素高既老師咪去晒官校?老師人工是政府開既，津校都話唔到事，你如果覺得7萬高，只能對教育局投訴，而且，政府應該未窮到要去減老師人工。直資學生人數會影響資助額，所以，開左學後，仲是咁不停收插班生。

lot888

以上師兄意見绝對可作參考。要了解自己孩子適合什麼環境學習，強弱，長短處，外向內向，倍養學習興趣是十分重要，之後再對相關學校作分析，小心選校。直資或官津真不是第一個要考慮問題。

hkpapa852

honeybabypig 發表於 22-10-8 01:50
我理解到小學嘅直私同津校嘅分別， 但係中學方面 ，如果都係英中 ，冇打算去外國讀書 ， 一心只係考好個dse ...

直資同津校既比較, 唔同時期有唔同結果
早兩年計, 直資會有優勢, 但隨著過去一年所見, 大部份直資除咗硬件同雙學制外, 都失去咗優勢

如果一心諗住留港升學, 以至讀大學, 即好DSE其實係最好途徑 (除非你非神科不入)

除咗成績屬頂級個堆名官津中學, 日後高中選科彈性較高外, 其餘大部份官津中學, 都只得套餐式選科
直資呢方面可能好D, 但唔係間間都係咁好

呢一年多既變化, 係不少頂級學校(包括所有官津同直資)既老師同學生都大量流失, 結果導致大量學校周圍搶老師

不少直資學校本身有部份老師離職, 留低個班可能為"錢途" (官津教師有由政府包底, 保証年年有錢賺既公積金, 直資老師只有MPF) 轉入官津陣營 (尤其係可能會有更有名氣既官津校請佢地), 所以二/三線直資, 教學水平一定會受影響. 就算係二線官津中學, 亦因相同原因, 部份教師會轉走而導致教學水平受影響

但無論如何, 隨著香港學校既"新常態" (不時都有學生同教師離職), 睇學校成績高低已經無咁有意義. 反而留意下邊D學校能維持"學習氣氛"先緊要.

當經常有老師同學生離開, 除了教學水平, 亦會對學習氣氛有影響, 甚至對小朋友心態都有影響 (如可能佢會問, 點解咁多人走, 但我仲要留低呢?)

Dylanli2017

hkpapa852 發表於 22-10-11 09:39
直資同津校既比較, 唔同時期有唔同結果
早兩年計, 直資會有優勢, 但隨著過去一年所見, 大部份直資除咗硬件 ...

所言甚是。官津基層多d,中產少d, 直資就中產多d,直資學生流失率相對會更高。

hkpapa852

Dylanli2017 發表於 22-10-11 09:55
所言甚是。官津基層多d,中產少d, 直資就中產多d,直資學生流失率相對會更高。 ...

其實仲有一點, 不少所謂"雙學制"既直資中學, 到底非DSE既科目, 係咩人教呢?
如果係會IBDP, 因為要符合IBO要求, "必須"請合資格既老師, 但如果係IAL/AL, 其實不少直資, 都係搵番教開DSE既老師嚟教, 咁呢個雙學制既安排, 係咪真係咁好呢?

話說黃大仙女同深水埗男校都吹緊風要開IAL/AL, 不如大家有機會問下佢地有冇"專門"負責教IAL/AL既老師

Cliokohonda

lot888 發表於 22-10-8 14:55
假設樓主真心討論問題，非'打手'而引人盲選直資。如果係，先說對不起，可私信我刪除以下說話。

樓主請小心 ...

官津直都有分set 上課既，直資普遍老師勤力上心啲，起碼叫有見過工先請，唔係EDB 塞過嚟，有啲老師可能明明教開B1 ,下年推佢去B3. 津校亦有感情用事，老師至尊無上問題。
首先唔好對直資有偏見或起勢話人哋打手，假如有個學生英文滿分而中文不合格，抽獎下場必定係中中，直資自住收生仍存在價值，試問邊間B1 英中唔在乎RO . 言歸正轉，直資資源當然德法日語等噱頭野可有可無，但課堂秩序及同學操行大致上仍比地區1A好，數理可能相距不大，但英文仍然有明顯優勢，自己仔女仍分別喺官津直求學中，下年另一個升中都會首選直資，冇得揀先去津中抽獎。

Cliokohonda

hkpapa852 發表於 22-10-11 09:39
直資同津校既比較, 唔同時期有唔同結果
早兩年計, 直資會有優勢, 但隨著過去一年所見, 大部份直資除咗硬件 ...

的確有唔小直系老師上岸當官，雙學制或單一DSE ，單靠師資望天打掛，倒不如等待北方下聖旨:[不準補習］，官津直業績才有比較空間.

Dylanli2017

hkpapa852 發表於 22-10-11 10:15
其實仲有一點, 不少所謂"雙學制"既直資中學, 到底非DSE既科目, 係咩人教呢?
如果係會IBDP, 因為要符合IBO要 ...

雙學制好多時都是吸引學生讀既一種噱頭，但實際IAL同AL是咪易考過DSE?可繞過中文科? 改制前既中學AL難過而家DSE,如果學生本身中文科唔差，其實DSE都算幾易考。

DD仔

Sing13 發表於 22-10-10 23:19
為何成績好既未必肯入讀直資呢，移民潮，有海外課程既直資唔是更理想咩？
直資收左政府每個學生每年七萬幾 ...

如果直資和官津嘅老師薪酬待遇差咁遠，直資老師都係騎牛搵馬，又一直覺得唔公平，佢哋點會好有心機教書及照顧學生？定係話top schools like SPCC, DBS嗰啲有可能俾市場更高嘅pay, 但某啲新校比較缺乏資源嗰啲，就很麻煩，老師難manage, 學生難招難留

hkpapa852

Cliokohonda 發表於 22-10-11 10:56
的確有唔小直系老師上岸當官，雙學制或單一DSE ，單靠師資望天打掛，倒不如等待北方下聖旨:[不準補習］， ...

所以現今選校, 唔好諗住靠老師, 更大可能, 去到邊間最後都要靠自己.

所以首校要考慮, 邊間學校能維持同學既學習氣氛. 無學習氣氛 (如大多數同學都只當自己係過客, 唔認真讀書), 俾班補習天王教你都未必有用

hkpapa852

DD仔 發表於 22-10-11 11:12
如果直資和官津嘅老師薪酬待遇差咁遠，直資老師都係騎牛搵馬，又一直覺得唔公平，佢哋點會好有心機教書及 ...

過往官津校老師又配額, 好難有長工 (不少新老師都係合約制, 無乜福利同保障, 識人教咗10年都仲係合約制, 轉唔到perm), 所以相對直資係會吸引D