用戶登入
用戶名稱:
密      碼:
搜索
教育王國 討論區 特殊教育 女兒4 歲半,發展遲緩疑惑(有後續更新,同路人必看) ...
發新帖回覆
查看: 29209|回覆: 17
go

[其他] 女兒4 歲半,發展遲緩疑惑(有後續更新,同路人必看)

Rank: 2


58
發表於 22-9-12 13:19 |顯示全部帖子
本帖最後由 lamk12345 於 23-4-26 11:44 編輯

已看了心理醫生出了報告排s 位

但心中有幾個疑惑想請教下大家


而家4 歲半講嘢係唔超五六個字嘅簡短句子, 但聽指令係明,睇圖片明白入面做緊咩,識揸筷子食飯 ,向公園跑跳踏單車都好靈活, 對細佬都好有愛心。
可能呢兩年呀工作太忙收工冇乜同佢喺屋企互動,所以邏輯方面有比較弱而家k2 功課有點吃力,
但聽完醫生報告後每天同小朋友多說話, 畫畫後比睇醫生前有大進步。

想問下有冇 案例可以做番平常人?
發展可以追返?睇返家族歷史,母系嗰邊全部讀唔到書, 讀畫勞氣(表兄弟 ,舅父姨媽, 包埋我同母親)  但出來做手腳技術野全ok.

Rank: 2


58
發表於 22-9-12 13:29 |顯示全部帖子
回覆 lamk12345 的帖子

圖形方面分到形狀,但係手畫唔得出。
教寫字 點線冇力,用了 2 小時教寫2 個英文字, 到第2 天再寫才比較ok

Rank: 5Rank: 5


1360
發表於 22-9-14 18:10 |顯示全部帖子
堅持✊著

Rank: 2


58
發表於 22-9-17 13:05 |顯示全部帖子
問下應該選擇學前教育班定係到校服務好?

而家諗住用到校服務自己出去報私人班。 想問下呢個情況仲有冇學習班津貼?

Rank: 5Rank: 5


1240
發表於 22-9-25 17:51 |顯示全部帖子
lamk12345 發表於 22-9-17 13:05
問下應該選擇學前教育班定係到校服務好?

而家諗住用到校服務自己出去報私人班。 想問下呢個情況仲有冇學 ...
到校服務係每月得兩堂言語治療. 差唔多乜都無,

Rank: 2


58
發表於 22-9-26 10:43 |顯示全部帖子
上網睇到呢個文

幼兒的閱讀能力和理解力,大多是靠著閱讀書籍或繪本共讀來培養,透過閱讀也可以養成思考能力。倘若全是透過3C產品來陪伴,因為影音中的語句都比較淺白,會阻礙思考的路線,因此,對孩子的語文有很大的妨礙。

所以,建議孩子從小多閱讀,或是爸媽陪伴親子共讀,從繪本開始去學習,漸漸互動或是透過角色扮演的方式,增加孩子的語言能力和思考動腦能力。

睇完我覺得女兒嘅言語遲緩可能係同呢一方面有關, 加上我之前睇到關於腸道益生菌平衡有助提升專注力, 九月頭開始我賞試喺飲食方面加強。

九月初飲某牌子嘅三重水果元素,入面係 發酵果汁有好多唔同類型嘅益生菌感覺比食單純嘅益生菌更加好, 飲咗幾日女兒嘅濕疹痕癢情況有明顯改善。

隔咗幾日之後嘗試畀佢食兒童dha魚油, 但係食咗幾日發現痕癢情況明顯加劇,應該係對魚油有敏感因為本身女兒食海鮮類都係有咁嘅情況, 而家轉用藻油dha情況觀察中。

九月初加強親子溝通講故事童營養補充下 ,今個月 講嘢大有進步,而家經常會聽到五至七個字嘅短句子

Rank: 2


58
發表於 22-9-26 11:13 |顯示全部帖子
目前所有服務都係申請中, 全部都係靠自已

Rank: 5Rank: 5


1318
發表於 22-10-6 16:38 |顯示全部帖子
如果評估係S , 你應該唔會揀到校服務
未排到S 睇下可以做住E先
語言係慢左D , 但係四歲半有5-7字唔係非常差
如果單一語言弱唔會S位喎 ?
語言方面你地多D 講下唔同情況既語言表達方式
等佢係唔同情況下都吸收一下
K2 上學期如果唔係好谷既幼稚園先岩岩開始英文字
學到兩個字唔算差
如果點對點相連係弱加強一下 , 呢個屬於小肌
可以買一盒「練力膠」比佢玩下。
感統方面點樣? 玩千秋同轉圈有冇問題?
食物有冇偏食 ?
醫生個報告話佢發展遲緩 ?
3-6歲黃金期 , 追返既小朋友好多
對症下藥先 , 加油呀



Rank: 3Rank: 3


398
發表於 22-10-18 20:21 |顯示全部帖子
因為語言太差,某程度上會影響佢認知發展方面嘅評估準確性。而家排s位唔緊要,如果佢最後只係語言發展問題,小學都係升返上主流學校。s位training多,支援足夠,對小朋友追進度好有幫助。

Rank: 2


58
發表於 22-10-26 12:36 |顯示全部帖子
chun719 發表於 22-10-6 16:38
如果評估係S , 你應該唔會揀到校服務
未排到S 睇下可以做住E先
語言係慢左D , 但係四歲半有5-7字唔係非常差 ...


感謝版友回覆,好似真係冇到校,社署寄信直接畀我揀早教訓練班, 而家回左信等覆。



Rank: 5Rank: 5


1240
發表於 22-10-26 14:18 |顯示全部帖子
lamk12345 發表於 22-10-26 12:36
感謝版友回覆,好似真係冇到校,社署寄信直接畀我揀早教訓練班, 而家回左信等覆。
E 位可以上午照返幼稚園, 下午去早教中心訓練疫情下本來就得返半日課, 都適合

係無得午睡囉, 不過都K2

Rank: 2


46
發表於 22-11-15 21:09 |顯示全部帖子
Once a wise man said, ‘Hold on till dawn.’ When is dawn? Hold on one more day till sun come up. Where is the sun? It’s in your mind. You hold on longer.

Rank: 2


58
發表於 22-11-21 13:41 |顯示全部帖子
過了一個月, 分享一下今個月情况。
早教班有位了,已經上了2 堂
集體遊戲時是ok 的玩得很開心,

今個月突然之間言語爆發,雖然仲係bb話狀態,
但係多好多嘢講,例如 爸爸同我去公園踩單車 , 呢類長小小嘅句子。

另外幼兒園老師建議有s 位時盡快入s 位,有更好訓練。

Rank: 2


58
發表於 23-4-4 18:47 |顯示全部帖子
好耐冇上嚟,分享下呢幾個月經驗。
女兒剛5歲,社安幫安排特快s 位。
收到轉介信,申請每個月有千幾蚊資助可以幫補下上私人密集班。
3月份可以上全日k2 後, 女兒講嘢有進步不過仍然維持喺三歲左右水平。

教讀書寫字中文比較困難,但都可以 默寫到簡單中文字( eg 大小石) 英文數字都可以上手自己寫。 但數理邏輯仍然有啲混亂。

每日keep住畀佢食雙份dha epa, 感覺有食嗰個星期會比冇食嗰個星期精靈。 因為有時依賴工人姐姐,工人姐姐成個星期冇畀佢食所以我感受到個分別。

Rank: 2


58
發表於 23-4-26 12:07 |顯示全部帖子
本帖最後由 lamk12345 於 23-4-26 12:27 編輯

社署通知了九月可以上s位, 今個月寫字方面進步幾好,1至30可以自己寫得到,
一啲比較複雜嘅字如"春" 就教一大輪後可以放手寫到。

同佢一齊玩砌積木嘅時候終於有啲小朋友嘅童言童語如,
"我呢個城堡呢度有樓梯一吸一吸咁上,上面有間房"


因為流感高峰病咗個幾星期要食藥,dha epa同埋酵素果汁都暫停咗個幾星期。

補充少少資訊,同我女兒情況有相似。

最近睇過新聞濕疹會影響小朋友嘅發育身高同埋智力。

的確我女兒出世之後健康院就keep住跟進濕疹, 政府都有提供食物致敏針刺檢查,
各位爸爸媽媽一定要留意當初準備戒人奶嗰陣開始搵奶粉,
咁自然會搵市面上出名嘅牌子,果啲牌子多數就係牛奶,
當初都覺得冇乜問題就買咗一隻皇家一號,一飲完即刻大爆發,之後就飲咗另一隻牌子嘅低致敏牛奶配方感覺好少少但係皮膚都係麻麻。
最後轉咗做羊奶奶粉先至比較好,但手腳都係痕抓到一達達。當中睇大量中醫西醫,貴價藥膏都成效一般。

到4歲半 俾佢飲酵素果汁先真正解決皮膚問題,因為果個營養師建議4 歲先比小朋友飲, 所以一直拖住冇比唔敢比。


Rank: 5Rank: 5


2417
發表於 23-6-6 00:06 |顯示全部帖子
lamk12345 發表於 23-4-26 12:07
社署通知了九月可以上s位, 今個月寫字方面進步幾好,1至30可以自己寫得到,
一啲比較複雜嘅字如"春" 就教 ...

請問酵素果汁是甚麼?
小兒已受嚴重濕疹六年,而且長期食中藥
想試下其他方法,可否有改善
謝謝

Rank: 3Rank: 3


398
發表於 23-6-18 11:13 |顯示全部帖子
9月份有s位是好事,希望你的孩子在S位接受全面訓練後進步更快。父母花多少時間在子女身上,直接影響到他們的發展。樓主和先生繼續加油!

Rank: 2


58
發表於 23-8-7 14:04 |顯示全部帖子
sandra1004 發表於 23-6-6 00:06
請問酵素果汁是甚麼?
小兒已受嚴重濕疹六年,而且長期食中藥
想試下其他方法,可否有改善
三重水果元素 , 紫色盒, 可以去二手交易app 打名揾下。
因為特價完好多人會買多咗平放, 飲過一兩支ok你先至再諗繼唔繼續買。
你需要登錄後才可以回帖 登錄 | 註冊