兩三後後移民，升K1揀ESF定津校好？

Kiloklomo

本帖最後由 Kiloklomo 於 22-9-6 00:42 編輯

小朋友啱啱升讀K1，青衣ESF同本地津校都收咗。但係我哋計劃兩三年內移民，應該點揀？

ESF: 鍾意教學模式注重critical thinking + creativity + diversified mix （雖然佢嗰班都係得兩個外國小朋友）; 但返pm，要40分鐘車程，返到屋企冇乜上課外活動時間。

本地：可以慳錢，學小小中文，返am，可以訓個晏覺之後學吓嘢，10分鐘車程。

vickling

學卷K 其實無咩中文學到..
同埋你2-3年內移民.. 中文應該唔太有咩成果

Kiloklomo

vickling 發表於 22-9-6 01:07
學卷K 其實無咩中文學到..
同埋你2-3年內移民.. 中文應該唔太有咩成果

咁係咪IS嗰一套兩三年內都吸收唔多？定係反而可以打好佢學習/思考模式個基礎？

貝珠

幾年幼稚園中文其實冇乜用，認字果啲好快晤記得。

至於係咪國際呢， 最好囉， 始終小朋友英語流利，移民都易適應，如果錢唔鬆動就冇辦法啦

JKLhome

如果諗住兩三年後移民，咁K1讀咩都冇乜所謂嘅，讀卷幼又唔好諗住會學到中文，因為去咗外地好快就畀返晒佢。我諗好多人都等緊esf K1 ，你放返出嚟都好既

penp0319

小朋友返學近都好重要！最緊要係咪決定兩三年後移民，若果係，真係讀乜冇所謂！
另外間幼稚園都是心儀的話，真係可以唔使去esf 咁遠！

penp0319

若去local 幼稚園，可以出去學phonics，打好基礎先！

LoveCorgi2

Kiloklomo 發表於 22-9-6 00:41
本帖最後由 Kiloklomo 於 22-9-6 00:42 編輯

小朋友啱啱升讀K1，青衣ESF同本地津校都收咗。但係我哋計劃兩 ...

本地，一來好處你已講晒。
如果真係2，3年移民。學好啲廣東話，同執筆寫下中文字。廣東話同中文字比英文更難學。聽說而家有啲幼稚園K2尾已經開始寫啲新嘅中文字。雖然唔用就易唔記得。英文可以另外再出去學，或搵個私人老師上門教。就算你初小過到外國，小朋友都可以快適應同pick up到英文，到時大把機會講同寫。
好多細佬移咗民都要另外再搵中心學中文字同廣東話，或者家長努力喺屋企教。而家有個底都易教啲。

oooray

選擇什麼教育跟移民沒有半點關係, 可能2-3年後你又突然決定唔移民?
其實你已經將所有問題列晒出來。
讀IS唔會令你學多左野, IS學習/思考模式個基礎, 如果你buy咪試下, 唔buy更加唔使考慮。
其他錢呀,交通呀自己取捨。

001khuc

回覆 Kiloklomo 的帖子

咁細個，其實無咩課外活動好參加

睇下喜歡邊種教育，學中文方面，幼稚園唔好期望學校會教好多，除非名牌LOCAL係咁谷學生，不如係屋企買套基礎漢字500，自己教一定比學校好，重會掌握到細路既進度

vickling

其實得返兩三年，你讀本地或國際都唔太重大分別，本地唔會學到啲咩好好嘅中文。
你不如諗吓邊間近自己屋企方便啲，小朋友返學開心啲就算

melobi12

最重要係，2、3年後係咪*一定*會移民？

如果會，咁而家讀咩都冇所謂，3年後，最多都只係初小，個人經驗：初小轉到英語國家生活，絕對不存在「難適應」/跟唔上嘅問題，第時英文正常都會native（我冇遇過呢個情況但唔native嘅人）。

但俾我揀，我會揀local K，原因有中文學。始終返學有語境、有老師教中文字、有功課，佢慣左做中文功課，之後你移民keep住自己教佢都唔會太抗拒。相反好似我小朋友自小讀IS，佢唔抗拒講中文，但好怕寫字、認字，要自己教係好困難。

964000

Kiloklomo 發表於 22-9-6 00:41
本帖最後由 Kiloklomo 於 22-9-6 00:42 編輯

小朋友啱啱升讀K1，青衣ESF同本地津校都收咗。但係我哋計劃兩 ...

人人priority不同，有人係慳錢，有人係學中文。
我覺得3-6歲的well-being 同塑造小朋友性格很重要（例如自閉都要黃金期攪），因為我小朋友比較內斂，想盡量在早年可以改就改善下，如果細個在太強調要聽話要乖要服從要安靜寫字不能出界，佢讀幾年可能會更怕犯錯更靜，結果佢升小一時巳改變咗好多，上堂時好主動肯答和問問題，好識表達自己，亦不會怕和大人交流傾偈。
Parents day老師係會傾埋小朋友性格社交，同邊個玩，會有評估埋小朋友motor and speech development ，唔係只講學術同上堂鐘意傾偈等。
中文其實睇自己會放幾多時間和幾堅持，我女那時有外面上中文班都有讀寫，和local小朋友一起上同一級測驗都有八十幾分，感覺幼稚園比較簡單唔難keep (愈高先愈難），你咁細個去到又冇語境自己唔keep都好快冇哂，肯繼續講巳經好好，因為咁細連詞匯也未學夠將來作比較深層次的對話，主要靠屋企，在香港起碼周圍keep住聽和講。

Kiloklomo

964000 發表於 22-9-8 08:13
本帖最後由 964000 於 22-9-8 11:23 編輯

人人priority不同，有人係慳錢，有人係學中文。

你小朋友都係ESF幼稚園嗎？還是其他IS?

我返咗一星期老師未特別有update 畀家長，而家等緊佢哋newsletter先知返學玩啲咩(emoji)

964000

Kiloklomo 發表於 22-9-8 14:55
你小朋友都係ESF幼稚園嗎？還是其他IS?

我返咗一星期老師未特別有update 畀家長，而家等緊佢哋newsletter ...

我連N讀過幾間IS幼稚園，有些混在一起（巳改返針對ESF), iS幼稚園都大同小異，有D會structured d，ESF最free
稔返ESF相對係最少相post, 唔係個個星期見到自己小朋友,不過都拍咗一個video 有份present 有D驚喜，同我參加好多家長活動，所以都多機會見到佢地上堂

Kiloklomo

964000 發表於 22-9-8 15:22
我連N讀過幾間IS幼稚園，有些混在一起（巳改返針對ESF), iS幼稚園都大同小異，有D會structured d，ESF最fr ...

多謝解答