關於閱讀

慢遊

自小朋友2歲起，我哋都有睡前閱讀嘅習慣。而家小朋友6歲，仍然好鍾意親子閱讀時間，但就唔鍾意自己閱讀。我覺得係因為佢認字量未係好多，如果睇啲啱佢程度嘅書，佢又覺得內容過於沉悶無趣。相反，內容吸引嗰啲，字又太深。所以，佢自己睇書意欲唔高。好似佢文字感敏期仲未到。
請問大家有無好嘅建議，又或是好書推介？

lambeanmama

慢遊 發表於 22-8-29 09:48
自小朋友2歲起，我哋都有睡前閱讀嘅習慣。而家小朋友6歲，仍然好鍾意親子閱讀時間，但就唔鍾意自己閱讀。我 ...

中文書，我一直仍在伴讀。情況同你小朋友一樣。我仔今年底便九歲了，最近在半推半就情況下才第一次自行閱讀橋樑書。我個人覺得是字量不足及信心不足兩個問題。

家長唯有繼續努力吧。

lushi201708

識字量和識字速度都會影響閱讀興趣。我和小朋友一起讀，每人讀一頁，有趣的內容會讓小朋友想要讀下去。

天外之人

回覆 慢遊 的帖子

因為未夠吸引力,興趣未夠,我會覺得2歲起叫小朋友與父母陪讀會好痛苦,慢慢會做成討厭.  我係冇要陪讀,因為衹有我讀比佢聽,孩子先多睇就足夠,不過....吸引是有要點,唔係死板咁讀,故事內有各種人物聲音與及有高低起伏音調,咁先會提起小朋友興趣心.仲有一樣唔知有冇家長會咁做,自己綠下故事在MP3機,讓孩子隨時都可以聽.起碼我到現在為止,孩子間中都會開玩笑的說我"笨笨豬"故事,你話佢記得幾咁深.
想佢投入啲,亦都從初小參與一些會話比賽(見議係校際嗰啲就夠),自然就更會睇多啲及講多啲,又可強化自己文字知識及對人陌生感,對將來面試都有幫助.

Azzurro

睡前閱讀嘅習慣
一天伴讀具體多久？
是不是以前讀不夠多？我的小朋友以前一天伴讀 2-3小時
k1 或以前基本上都係我讀，少部分小朋友嘗試讀出來
k2 差不多一半一半
k3 差不多都係小朋友自己睇了，當然要求伴讀都無任歡迎，為了拉近親子關係

其實重點唔係自己讀與否，每個人有快有慢
最重要係對書本依然有興趣

慢遊

lambeanmama 發表於 22-8-29 10:48
中文書，我一直仍在伴讀。情況同你小朋友一樣。我仔今年底便九歲了，最近在半推半就情況下才第一次自行閱 ...

同意係字量不足加無信心。
所以有諗過係咪選材唔合適，但太易嗰啲，通常內容又唔夠吸引...

慢遊

lushi201708 發表於 22-8-29 14:18
識字量和識字速度都會影響閱讀興趣。我和小朋友一起讀，每人讀一頁，有趣的內容會讓小朋友想要讀下去。
...

一人一頁，係咪橋樑書？有無啲書名可以參考下？thanks

慢遊

天外之人 發表於 22-8-29 15:06
回覆 慢遊 的帖子

因為未夠吸引力,興趣未夠,我會覺得2歲起叫小朋友與父母陪讀會好痛苦,慢慢會做成討厭.   ...

小朋友係非常鍾意我哋講書，唔講會唔開心嗰隻，但又偏偏唔自己睇

慢遊

Azzurro 發表於 22-8-29 17:21
睡前閱讀嘅習慣
一天伴讀具體多久？
是不是以前讀不夠多？我的小朋友以前一天伴讀 2-3小時

一日伴讀1至1.5個鐘，但我覺得佢對文字唔係好敏感，唔覺得有經歷過文字敏感期～

Azzurro

我認為學語言係一個整體套餐，我的係

1. 伴讀 廣+普+英
2. youtube peppa pig 英
3. 經常聊天 廣+普+英
4. 經常一起玩遊戲 廣+普+英

你介意描述一下伴讀以外的配套嗎？

Azzurro

https://www.hkpl.gov.hk/tc/exten ... -children-cantonese
兒童故事時間
基本上每個圖書館週末有一天固定有講故事時間給五歲以上小朋友
可以考慮讓小朋友參加，也可以和導師討論一下

慢遊

Azzurro 發表於 22-8-30 08:59
我認為學語言係一個整體套餐，我的係

1. 伴讀 廣+普+英

基本上，所有時間(伴讀丶遊戲丶日常生活)都係廣或英，普通話係出去學丶畫畫班都係揀普通話。小朋友說話用廣丶英表達都無問題，但就係唔太喜歡認字丶讀字。有時候會自己看 dog man, 因為都是漫畫，少字多圖畫，但只限看英文～

慢遊

Azzurro 發表於 22-8-30 09:03
https://www.hkpl.gov.hk/tc/extension-activities/event-detail/210148/storytelling-for-children-canton ...

謝謝！

加樂爹

英文閱讀簡單好多, 配套Youtube, Movies, 科普/歷史/歷奇...例如TVB 都有好多, Do you know?  崇山峻巔行, 羅馬奇蹟, Inside the factory...,  從小按主題比佢睇, 唔好限定只係故事書, 適時買英文書, 比D Guideline 佢找資料答下你簡單問題係好有用.  因為幼稚園已有教英文併音, 佢跟下影片等講下講下, 去圖書館見到近似既書, 讀下讀下, 比家長讚下, 就有興趣讀下去.  

我認為書不用限定要合程度, 主要由佢對其媒體的興趣度決定, 書本太淺可能反而欠缺趣味.... Harry Porter 在小二初已讀完4本, 科普書有本訂購叫How it work, 我自己評估都起碼中學程度, 我唔需要佢明幾多, 但只要佢會追住去看, 不會先以語文程度, 再選那類書學習, 能隨意去找知識...呢個做到就很好了.

加樂爹

中文係難...要記多生字才能有效閱讀.
可能中文本身在語法結構上, 詞語多用性複雜.
簡單例子好似有大陸/台灣中文句, 每個字你都識, 就係唔明佢講物.
咁會讓我暸解阿仔既困難.

阿仔現在小二, 阿媽讀適合佢既文章, 要阿仔自己讀.
我就以興趣為考慮點, 額外給他"諗書", 佢坐起度聽, 完成一小段後, 我就問書.

但始終都是要識字, 我用學校課文, 每日半個鐘, 讀默3-4行, 總之抽到約5個生字, 要佢記寫....希望日子有功, 佢有能力及感到舒暢地用中文學習.

有個Apps 叫香港小學習字表, 好多小學推介用, 筆劃次序, 粵/普發音, 相關詞句...都好用.  我利用佢一筆一筆寫, 去幫阿他記憶, 通常佢看3-4次就可以, 我就要佢試寫....我認為呢個方法幾好, 起碼避免左佢發夢既時間

notcool

回覆 慢遊 的帖子

小朋友大聲朗讀嗎？ 例如 你讀了幾句小朋友朗讀幾句....

可以從有對話的書開始。 我沒有書單，但通常會去圖書館瀏覽，然後自己拿起並閱讀，看看是否有趣

天外之人

回覆 加樂爹 的帖子

英文係容易好多,閱讀真係唔需要刻意咩題材書本,最緊要係有興趣先係重點. 所以我覺得解決好中文,英文就冇咩太大難度.  我孩子小學中重於英,到現在上了中學英重於中,英文運用(Whatsapp及手機和電腦所有程式)及講野可以勒勒聲到唔知佢講咩(我能力有限),試過上那些幾日的遊輪,全程所有英文溝通佢一一包辦及解決,所以相信佢應付自如.

honeybibibibi

慢遊 發表於 22-8-29 09:48
自小朋友2歲起，我哋都有睡前閱讀嘅習慣。而家小朋友6歲，仍然好鍾意親子閱讀時間，但就唔鍾意自己閱讀。我 ...

我同你情況一樣
由細到大都伴讀
小朋友升小三，我仍有睡前伴讀。
小一時我都有呢個問題
但小二開始，佢已經會自己睇書啦！
自從學校有晨讀時間，而且帶佢去左圖書館自己揀書，閱讀自主的習慣就開始了。

慢遊

加樂爹 發表於 22-8-30 14:18
中文係難...要記多生字才能有效閱讀.
可能中文本身在語法結構上, 詞語多用性複雜.
簡單例子好似有大陸/台灣 ...

謝謝分享！

慢遊

notcool 發表於 22-8-30 16:35
回覆 慢遊 的帖子

小朋友大聲朗讀嗎？ 例如 你讀了幾句小朋友朗讀幾句....

佢唔係好鍾意咁樣，成日叫我讀～係咪應該要堅持同佢輪流讀呢？