九龍真光評價

Didian

請問有沒有九真用家學校評價？全職父母較難應付功課？默書範圍是否很多？

Ladyfafa

同問，請問有用家分享嗎?

darkgard

九真，都幾谷。你以為佢英小，佢中文都中考得深。

不過，學校細細，聞說老師都好有愛心。

kitkit89

中文深呀，大女當年同學，小一第一次中默已經半課書

bape0060

kitkit89 發表於 22-7-13 18:47
中文深呀，大女當年同學，小一第一次中默已經半課書

家長頂得順就可以，九真係重視學術谷谷型

Didian

我就是怕小女應付不到，自己又全職返工，所以看吓用家分享學校果點滴。如果太過谷，再作考慮！

happyschooling

呢個世界有補習嘛！想要學術又點可能唔谷

Happyheiley

回覆 Didian 的帖子

九真係谷, 如果小朋友應付得到, 學術水平會幾好, 不過都要家長一齊努力。同埋學校校風都好好。

Sammi_Yim

回覆 Happyheiley 的帖子

其實九真，同11校網聖心津，或者SFA，邊間谷啲？

粉紅芭比

一年級數學下學期教到3位數加減，教得快。

中文都正常，睇下你小朋友中文水平如何。

英文下學期考卷有11頁，教得到深。

另外，有英文SCI 科，唔知其他學校有無，呢科考試計入常識分。

功課開學個陣好多，有家長同學校表達完，而家正常4-5樣，測驗、默書都密，最癲試過中、英默書同2科測驗同一星期發生。

學校要求一人一樂器，每月拍一條片，計落音樂考試平時分。

今年聯繫九真中轉左做英文中學，DSE成績好似唔錯，值得考慮。

Didian

回覆 粉紅芭比 的帖子

妳是九真用家？想問吓你全職媽媽？小朋友讀得辛苦嗎？知唔知道追唔上多人留班？另外除學費外，有什麼額外交比學校支出？在學校學樂器貴不貴？唔好意思太多問題問，謝謝！

粉紅芭比

Didian 發表於 22-7-14 21:37
回覆 粉紅芭比 的帖子

妳是九真用家？想問吓你全職媽媽？小朋友讀得辛苦嗎？知唔知道追唔上多人留班？另外 ...

學校無咩額外支出，除左你要坐校車，同每個學期交書簿費，全年3學期，3次考試。

因為疫情關係，學校樂器班就zoom 上，一年20堂以上，由2千尾到4千幾都有，視乎你抽到咩樂器，並唔係你揀就有。

如果唔係疫情，要放學留學校學，無校車要自己接，好多家長寧願出面自學，慳時間。

學校好少留班，因為要開大會教佢地既老師同意，仲要寫報告，所以好少叫你留班。如果不幸留班，家長可以轉校家麻，九真讀完一年跳船應該唔難。

大部份家長都係雙職家長，無論你去邊間學校放工返到屋企都要跟功課、溫默書同測驗，慣左其實無咩野。

Didian

回覆 粉紅芭比 的帖子

非常多謝你詳細解釋，聽完你講知道多了。多謝晒你呀！

pinkladycat

粉紅芭比 發表於 22-7-15 06:21
學校無咩額外支出，除左你要坐校車，同每個學期交書簿費，全年3學期，3次考試。

因為疫情關係，學校樂器 ...

你好 我都想問下 ，樂器原來係抽？即係冇得跟自己興趣去學？
咁點先可以入到學校弦樂團？ 係咪一定要係學校學先入到？  弦樂團有樹琴嗎？       
唔好意思好多問題 ，多謝你   感激

粉紅芭比

pinkladycat 發表於 22-7-16 00:05
你好  我都想問下 ，樂器原來係抽？即係冇得跟自己興趣去學？
咁點先可以入到學校弦樂團？ 係 ...

本帖最後由 粉紅芭比 於 22-7-16 10:32 編輯

如果要跟學校樂器班學要抽籤，會俾你排有興趣既5個樂器，基本上小一都會抽到，因為二年級以上好少跟學校學，因為成效一般，2個同學一齊上，放學要留校學（如果可以返全日個陣）無校車，要自己接送。

如果自己出面學，無咩限制，除左學校唔納入樂器計劃既鋼琴同結他，詳情要問清楚老師。

開學後，學校會出通告問有無興趣加入樂團，當然要甄選，有要求連續吹幾多個音或者要演奏曲目，所以要勤加練習或外面學。

豎琴都係樂器計劃入面。但學校無呢個樂器班上。

pinkladycat

粉紅芭比 發表於 22-7-16 10:31
本帖最後由 粉紅芭比 於 22-7-16 10:33 編輯

本帖最後由 粉紅芭比 於 22-7-16 10:32 編輯

多謝你祥細解答 即係如果學豎琴就入唔到樂團 因為我女諗住學，如果係我叫佢學第2樣了
唔入樂團會唔會扣分 ，或可以入合唱團其他？另外女童軍也有嗎

粉紅芭比

pinkladycat 發表於 22-7-16 12:57
本帖最後由 pinkladycat 於 22-7-16 13:04 編輯

多謝你祥細解答  即係如果學豎琴就入唔到樂團 ...

本帖最後由 粉紅芭比 於 22-7-16 14:54 編輯

小一會有合唱團選拔，到時入左就會係MI 堂（類似多元智能堂咁上下）去練習，其他同學會上耕種或普通話趣味活動堂。

豎琴可能都可以加入樂團，到時問一問清楚老師。

學校好似有女童軍，不過疫情影響，好似無課外活動，到時8月有入學簡介會可以問下學校。

樂團應該係自由參加，所以無扣分呢樣野。

Didian

回覆 粉紅芭比 的帖子

反而我想知道老師對成績如有追唔上，會否關愛？小女自信心麻麻，怕佢被老師責罵吓，佢就很驚

pinkladycat

粉紅芭比 發表於 22-7-16 14:54
本帖最後由 粉紅芭比 於 22-7-16 14:55 編輯

本帖最後由 粉紅芭比 於 22-7-16 14:54 編輯

多謝你呀         

粉紅芭比

Didian 發表於 22-7-16 17:47
回覆 粉紅芭比 的帖子

反而我想知道老師對成績如有追唔上，會否關愛？小女自信心麻麻，怕佢被老師責罵吓， ...

我見老師都幾關愛，考試有進步同考得好都會有小禮物，鼓勵佢地努力。

我見疫情個陣，有個別老師約個別同學zoom補堂。

不過，學校對小朋友既操行都有要求，有心理準備幼稚園上小學會有d改變，會嚴厲少少。