回覆 sissielo 的帖子
唔好意思，還有疑問，再請教各位王錦輝用家：
1）我女普通話（PTH）係零。我自己會PTH，拼音都得。我明白，普教中+PTH班主任下，阿女幾個月至半年，應該會pick up到PTH一些口語。但用PTH去學中文，我好擔心，佢中文會一落千丈。因為我們日常都用廣東話多+有時英文，我也一心打算用母語（廣東話）去教女兒大大小小人生的事情，因為母語表達最得心應手。所以，覺得就算佢pick up到PTH classroom language，但因為生活無用PTH，所以要用PTH去學一些詞彙的意思、寫法，甚至寫作，應該會好吃力。請問有無相同背景的用家？是否要外補PTH，才能生存？否則等於放棄中文？如果佢有興趣，我外補也無妨，但她有抗拒，我明，因為同一個中文字，要記兩個讀音，係好混亂嘅。
2）音樂合湊課：有無用家係小朋友本身無學樂器，就只在王錦輝上音樂合湊課？我總覺得入得王錦輝的都18般武藝，但我只給我女接觸過音樂課程及不同樂器，無正式學，我打算讓她試學琴、或喇叭，但如果抗拒，我就不想迫她。請問如果咁樣，會否好難在王錦輝生存？或是小朋友會因為在課堂上，跟大部分同學仔表現差好遠，唔開心？有無用家可以分享經驗？
3）我覺得我女兒有我引導的話，尚可以應付學校的暑期作業。但講到閱讀能力，她是喜歡睇書，但必須有我讀給她。她自己只喜歡睇圖畫，我引導下，佢其實是可以自己read到pip and posy 的內容的，但慢d lor，所以佢唔鍾意自己睇。我知道假以時日，我再讓她多看書，總會進步到能夠速讀。但比起王錦輝的同學仔，恐怕她是嚴重的滯後，我怕她長期跟不上教學進度，會有長遠影響。我知學校不會給小朋友壓力，這是很好的。我怕的是，阿女根本不適合這校的程度，就算沒有校方的壓力，但長期小朋友無成功感，恐怕會消磨所有學習興趣，為免這事發生，我就要同佢外補，才可以跟上。有無用家可以分享，你們的小朋友，是否本身入去讀時，已經識得好多學校教嘅嘢？是否本身之前已經外補好多，所以入去讀不吃力？像我女的能力，無外補是否不行？
我知道，王錦輝小一係honeymoon，無考試，無名次，但繼續讀上去，課程是否好艱深？小朋友是否多數外補才能讀得好？
補充：我100%肯定，我女不是能力過人所以入到王錦輝。佢係連第一次面見，已經不能完成（中途被foul出局）。有第二次面見（in家長）是因為阿媽，即係我，寫信求翻來的，而且都in 得唔好。所以我肯定，係移民潮、或音樂椅效應，導致我女有last minute offer。 | 
發表於 22-7-2 21:13
小朋友有無限可能
