用戶登入
用戶名稱:
密      碼:
搜索
教育王國 討論區 小學雜談 中、數成績差(p2),如何補底?或者有無補習社推介 ...
查看: 4869|回覆: 22
go

中、數成績差(p2),如何補底?或者有無補習社推介

Rank: 5Rank: 5


1476
發表於 22-6-29 07:50 |顯示全部帖子
小朋友現在p2,考3完結,得英文合格,英、數全抄,要如何幫佢?次次見到啲咁成績,我都忍唔到大喊。

Rank: 5Rank: 5


3913
發表於 22-6-29 09:52 |顯示全部帖子
Cherryroy 發表於 22-6-29 07:50
小朋友現在p2,考3完結,得英文合格,英、數全抄,要如何幫佢?次次見到啲咁成績,我都忍唔到大喊。
...

讀中文小學定英文小學? 中和數唔得係因為中文?

Rank: 5Rank: 5


4157
發表於 22-6-29 10:21 |顯示全部帖子
本帖最後由 Raccch 於 22-6-29 10:54 編輯

回覆 Cherryroy 的帖子

有時小朋友初小成績未必好理想可能係因為未開竅,特別係細B初小會比較明顯,後面高年級有可能會改善。留意下學校其他同班同學成績,如果有部分都是唔合格可能係學校程度較深,但係如果大部分同學成績都比較好,同自己有差距,會唔會係小朋友有學習障礙?如果係津小,有時老師留意到小朋友有可能有學習障礙都會同家長講返,見社工或者做下測試睇下乜問題。
補習社方面,以前我女都參加過一些連鎖補習社,但係我覺得用處不大,只能當係多幾份卷操下。有啲補習社老師責任心不強,求其講下就算,唔理你小朋友是否明白。私補會針對性強點,不過好的私補都好難搵,最清楚小朋友弱點的還是父母。

Rank: 3Rank: 3


268
發表於 22-6-29 21:57 |顯示全部帖子
中文數學要找出困難地方,認唔題目問乜,唔識計?要逐樣處理
首先,你要安排閲讀圖書,從圖書潛而默化咁認中文字
其次,反覆溫習常見字二百個
第三,閱讀中數卷的題目,解釋,重做,打好基礎
第四,數學可找類似練習
第五,利用暑假補底,可請私人老師教授;如果肯聽你話,而又有時間,你自己慢慢教番
第六,人生要讀嘅書好漫長,初小還是基礎,如果你情緒唔好,去到五六年級你會抖唔到氣、訓唔著、無時無刻都想喊。其實喊都無用,你要相信你可以改變你小朋友,可以陪伴佢走過每一個困難。當今次中數炒,除非付出比別人更多的努力才會扭轉情況,千萬不要把負面壓力加諸在孩子身上。在他眼中,你就是他的全世界,他會見你的憂傷,會自責自己嘅表現令你不開心。所以過去就就過去抹乾眼淚,重新上路。

廢話太多,希望你唔好介意,歡迎你再話我地聽有什麼部署

點評

hkgra    發表於 22-6-30 15:05
cakebite    發表於 22-6-30 07:03

Rank: 3Rank: 3


139
發表於 22-6-30 11:43 |顯示全部帖子
Cherryroy 發表於 22-6-29 07:50
小朋友現在p2,考3完結,得英文合格,英、數全抄,要如何幫佢?次次見到啲咁成績,我都忍唔到大喊。
...

係好傷心,要睇吓佢平時的學習、功課那裏出問題,佢唔温習?唔識字?

現在是初小,有時間,最重要唔好為分數失去左學習動機

Rank: 4


660
發表於 22-6-30 15:20 |顯示全部帖子
回覆 chrisycy 的帖子

唔好為分數失去左學習動機,講得好.  儘早提昇興趣感,特別係中文,初小的程度估計家長都有能力教好,多啲用玩方式令孩子提起學習興趣.

Rank: 5Rank: 5


1476
發表於 22-6-30 19:59 |顯示全部帖子
回覆 Raccch 的帖子

99覺得未開竅,我自己覺得佢完全唔鍾意用腦諗野。中文作句完全唔識,唔去諗。

Rank: 5Rank: 5


1476
發表於 22-6-30 20:01 |顯示全部帖子
回覆 siujanjan 的帖子

中文小學

Rank: 5Rank: 5


1476
發表於 22-6-30 20:13 |顯示全部帖子
回覆 chrisycy 的帖子

唔知點解對住份中、數卷就好似唔知做咩咁,中默又無問題

Rank: 5Rank: 5


1476
發表於 22-6-30 20:17 |顯示全部帖子
回覆 2009kid 的帖子

其實到而家我都日日叫佢做練習,暑假仲諗住搵中文補習,數學就同佢預習p3啲野。學校算top,但佢嗰班啲成績就唔好好嗰批。

Rank: 3Rank: 3


268
發表於 22-7-1 06:46 |顯示全部帖子
中文作文最好由模仿開始,時地人,有範句,轉時地人,如果故仔就學定幾個開頭,少少罐頭文,開到個頭就易d寫落去。
一定要培養閲讀,個人會多好多想像空間、場景畫面等,做練習都可以分拆使用,如果對寫字做卷討厭或厭卷、無動力,會得不償失。奶奶讀好多書?湊過好多比較出眾嘅兒孫?如果唔係,其實都係想話你聽,唔好逼得佢咁緊,小心弄巧反拙,一般初小培養興趣,主動學習,你陪住佢玩咁學係一個愉快嘅學習過程。逼佢日日做練習可能佢打從心底討厭,先摸熟佢喜好再少量使用,且多鼓勵。
另外。6-12係一個關鍵時期,建議你睇吓教養嘅書。孩子配合你當然最好,但不配合嘅佔大多數,因為愛玩係天性,但覺得學習係好玩,條路先可走得更遠

Rank: 3Rank: 3


268
發表於 22-7-1 07:09 |顯示全部帖子
朋友女小二級二,超100人學校,佢極小做練習,天天捧住圖書看,中文認到好多字,係考試前寫一寫詞語,而數學係媽媽出題,口答,答啱就讚賞,而佢會笑笑口叫媽媽再出題。佢嘅學習體驗係相對愉快。
可能你的學校要求高,唔合格你會覺得好大件事,但相對一些二線小學嚟講,可能已經中上,二三年級數學應該玩緊乘數,呢啲都可以換個方式背熟。媽媽,繼續相信你嘅子女!
再者,一定要培養佢自信,跳舞、音樂、體育、朗誦、視藝…有冇邊一樣係比較叻或會令佢感到自豪?當學業得唔到滿足感,起碼人地問起「小朋友,你最叻係咩呀」當佢擁有個份自信,心理非常好,咁學乜嘢都唔係難事。
我阿女初小時日日一齊玩,一齊睇圖書一齊玩配字,互考數學,互送貼紙,大家都有本「學業進度表」,我會專登計錯數等佢批我一個大交叉再取笑….
廢話太多,抱歉!
希望你明白愉快學習的神髓,我小朋友普通津小,中文小學,初小成績由4x名上到3-4年全級第7,學習係愉快,佢好配合我同我一齊跑,親子關係好好,不強逼,累就休息,因為學習好漫長,當你心情好,我們再來玩

Rank: 5Rank: 5


4157
發表於 22-7-1 11:38 |顯示全部帖子
回覆 Cherryroy 的帖子

只係P2可能未識學習或者考試的方法,好多地方可以改善。不要灰心,先控制住自己的情緒先。慢慢努力,好多嘢都唔係即時見到效果,要持之以恆先會見到改變。考完試可以先幫佢分析下試卷,好似數學唔好,究竟邊啲題型扣分最多?如果係應用題部分,係列式不對(可能係睇唔明題目)定係列式正確但答案計算錯誤(運算能力不佳)呢?再作相應的針對練習,假以時日應該會見到改善。

Rank: 5Rank: 5


1476
發表於 22-7-1 12:18 |顯示全部帖子
回覆 Raccch 的帖子

佢運算同解應用題都唔得。好似昨晚我問佢10點正去到11時正,即係過左幾耐,佢都可以唔識。完全唔用腦去諗,我見到就好嬲連爸爸都火埋,再咁落去,都唔知點做好。

Rank: 5Rank: 5


1476
發表於 22-7-1 12:19 |顯示全部帖子
回覆 2009kid 的帖子

我囡間唔中睇中文,英文反而睇多,所以英文就一直進步。但我要點做先幫到佢。

Rank: 5Rank: 5


1476
發表於 22-7-1 12:23 |顯示全部帖子
回覆 chrisycy 的帖子

我囡相對係勤力,叫佢溫書佢都會溫。問題在於我覺得佢唔鍾意用腦去諗。未做就話唔識。一係見到係字就寫,唔會去詳睇清楚

Rank: 4


624
發表於 22-7-1 22:14 |顯示全部帖子
先唔好假設佢唔用腦先。既然你話佢勤力,都考完試,放低d練習、唔好補習先。
未行動前,先還完基本,睇吓小朋友有冇欠缺咗啲乜嘢有利學習條件,例如習慣?環境?老師?學校?呢啲有冇問題要改善先?如果呢個部份無野要改,就要試吓唔同溫習方法同方式。

另外,最重要係小朋友都要一齊訂下小目標同作戰計劃。暫時可以每天默幾個生字,用詞語造句,做10題唔同數學題先。唔肯睇書,可以抄文章,朗讀文章,用番P2課文、閱讀理解啲練習嚟抄同讀,仲有益。

建立番啲P2基礎,P3開學先再算啦。一開學就要跟貼進度,要每天疏理所學知識,唔好再積弱。

唔喜歡思考,係麻煩啲,傾多啲計同朋友玩多啲,活動多啲,慢慢嚟。唔好死做練習,要全人發展,讀聽寫講,多動手又多動腦,訓練小朋友自己的事自己做,考試成績會有改變的。

Rank: 4


624
發表於 22-7-1 23:20 |顯示全部帖子
Cherryroy 發表於 22-7-1 12:23
回覆 chrisycy 的帖子

我囡相對係勤力,叫佢溫書佢都會溫。問題在於我覺得佢唔鍾意用腦去諗。未做就話唔識 ...
似乎學習態度也有些問題,亦缺乏內在動力。要靠家長日日講道理,同埋唔好怕煩,唔好咁容易比答案佢,迫佢等佢自己找答案,多鼓勵讚賞。加油!

Rank: 4


516
發表於 22-7-2 02:32 |顯示全部帖子
Cherryroy 發表於 22-7-1 12:19
回覆 2009kid 的帖子

我囡間唔中睇中文,英文反而睇多,所以英文就一直進步。但我要點做先幫到佢。 ...

本帖最後由 emmywky 於 22-7-2 02:33 編輯

我小朋友係睇電視學幕、餐牌學中文字,k3基本上已經冇乜中文字唔識,老師以為佢成日睇書添,之後上到小學佢都keep到中文、數、常識9x分,所以其實唔一定靠睇書,用身邊嘅事物去吸引佢學反而更易吸收,我用另類學習。

中文學好,其他科自然容易理解,所以一定要解決中文字嘅問題。

Rank: 4


624
發表於 22-7-2 07:40 |顯示全部帖子
Cherryroy 發表於 22-6-30 19:59
回覆 Raccch 的帖子

99覺得未開竅,我自己覺得佢完全唔鍾意用腦諗野。中文作句完全唔識,唔去諗。
見你提到99。99有幫手跟功課同溫習?上一代,傾向怕煩/好幫手d孫嘅嘢,仲要覺得佢未開竅。會唔會係佢成日乜都幫個孫解決、解答?我只係估下啫。
唔好比99參與啦,佢幫唔到你。未開竅,就係要有方法去打開, 你再分析下日常係咪有d基本習慣同小朋友學習過程要調整下。8-10歲已經係最後階段開發智力,唔好錯過咗,一定要多動腦筋。
你需要登錄後才可以回帖 登錄 | 註冊