KCIS vs KIS year1

多多宝

小女宜家k2，讀本地傳統幼稚園，屋企只有親子閱讀時間會講英文。學校英文語境唔好，每日20min英文堂但無NET，無外補，聽讀寫都算OK，但係oral較弱且有accent。

考慮緊k3申請轉kcis or kis year1（因呢兩間唔使levy同debenture且學費affordable），想利用呢一年時間主要幫助小女：
1. 改善英文發音同daily conversation的fluency；
2.想佢多d機會show and tell，可以大膽同自信d講野；
3.多吸收一些native speaker的表達方式；
4.體驗小學全日返學模式；

因一年後應該都會轉回local school升讀小學，所以無需在意兩間的中學成績同curriculum。

想請教kis 同kcis邊間更易達成以上目標？尤其係1同3。我女中意同小朋友玩但比較驚老師，playground language對佢語言學習應幫助更多。多謝。

Mrscatcatfung

其實都要小學中學讀local school, 為何要入IS 一年，又轉走？不可以找私補嗎？

現在local 小學疫情下，都是半日的。

如果要達目標1和3，投入資源是5年，10年計。否則今年入IS, 明年轉local school. proficieny 便會由小孩離開IS 那刻開始退步。

kinki2130

多多宝 發表於 22-6-16 02:45
小女宜家k2，讀本地傳統幼稚園，屋企只有親子閱讀時間會講英文。學校英文語境唔好，每日20min英文堂但無NET ...

有啲奇怪，讀一年轉返去local school…不如直接請net上門補習？

bonbon1106

可能你會覺得呢個係一個好聰明嘅選擇，但係仲大可能兩頭唔到岸。一年後去返本地學校，再兩年後發現英文唔夠好，又走返去讀國際嗎？仲有，小朋友建立朋輩關係也很重要，每年都要走，每年都要識新朋友，冇歸屬感。到時就唔只學業問題，可能仲有交際問題。

多多宝

Mrscatcatfung 發表於 22-6-16 09:42
其實都要小學中學讀local school, 為何要入IS 一年，又轉走？不可以找私補嗎？

現在local 小學疫情下，都 ...

主要係從佢平時返興趣班（中文教授）情況睇，佢唔中意或者唔知點樣同老師（大人）溝通，只會follow老師嘅指令，同小朋友一起玩好多嘢講。私補效果可能同單向溝通差唔多。

多多宝

bonbon1106 發表於 22-6-16 10:14
可能你會覺得呢個係一個好聰明嘅選擇，但係仲大可能兩頭唔到岸。一年後去返本地學校，再兩年後發現英文唔夠 ...

我知一年唔會好到native咁樣，宜家佢都算英文初學，唔想佢開頭就學錯
朋友，想搵語境好的學校。同埋即使轉校，假期都可以繼續同宜家幼稚園的同學一起gathering，我唔係好擔心朋輩社交呢方面嘅問題。請問kcis平時係學校老師除左中文堂會唔會唔比講中文？完全聽唔明中文嘅小朋友多唔多？

wg_ann

樓主如果因為學英文及準備升小而讀IS，建議搵net外補好過，IS同傳統幼稚園或小學學習模式（功課，測考默）分別很大，適應了讀IS再轉回傳統小學對小朋友來說應該得辛苦。

PSKLAI

我覺得KIS好啲,因為少功課
不過一年後轉返LS可能都要自己加操

多多宝

PSKLAI 發表於 22-6-16 11:20
我覺得KIS好啲,因為少功課
不過一年後轉返LS可能都要自己加操

請問你小朋友轉去kis未？宜家oral有無進步？

多多宝

wg_ann 發表於 22-6-16 11:18
樓主如果因為學英文及準備升小而讀IS，建議搵net外補好過，IS同傳統幼稚園或小學學習模式（功課，測考默） ...

明白教學方式有所唔同，IS重視的溝通同探索能力正是小女宜家的弱點所在，佢宜家向同輩學習or模仿同輩嘅效果好過跟老師學。

西瓜姐姐

回覆 多多宝 的帖子

我明白媽媽你嘅決定呀，我覺得你做得好好呀，同埋KCIS同KIS都係用繁體，將來轉返入津小或繼續國際都可以比自己多個選擇，英文真係要靠語境。你可以考慮下以下方面：
-我覺得兩間學校嘅英文水平可以睇齊
-KIS有ESL（英文補底班）但KCIS無，如果你小朋友英文仲爭少少嘅話， KIS會特別開班教佢，但如果你小朋友嘅英文其實都OK，咁有冇ESL對你來講可能冇分別
-KIS返8-3，KCIS返9-3:30
-KCIS功課會多少少，將來轉出津小會追得無咁辛苦。雖然本身IS都唔多得去邊
-KCIS再平D
-KIS學校playground language 係英文，如果講其他語言老師一定會提，KCIS我唔知
-KIS校舍係咁多個year嘅學生共同，會有其他program由高年班哥哥姐姐帶領弟弟妹妹。但KCIS分兩個校舍，以你小朋友年齡，佢只會見到3-6嘅小朋友。
暫時諗到咁多，希望幫到你！

mandy_ng207

多多宝 發表於 22-6-16 02:45
小女宜家k2，讀本地傳統幼稚園，屋企只有親子閱讀時間會講英文。學校英文語境唔好，每日20min英文堂但無NET ...

好奇一問，樓主小朋友係咪有間25分嘅津小一定入硬？好多學校K3主要係幫小朋友準備考小，無論考直資私校定係叩門，幼稚園都會幫到手，去咗IS咪冇晒支援？

964000

多多宝 發表於 22-6-16 02:45
小女宜家k2，讀本地傳統幼稚園，屋企只有親子閱讀時間會講英文。學校英文語境唔好，每日20min英文堂但無NET ...

如果打算之後LS, 當然揀KCIS起碼keep下中文，預備LS升小一。

super_cat

多多宝 發表於 22-6-16 02:45
小女宜家k2，讀本地傳統幼稚園，屋企只有親子閱讀時間會講英文。學校英文語境唔好，每日20min英文堂但無NET ...

如果你係target 直私小學嘅話，K3 開學已經要準備interview，英文未見進步已經要面試，可以話係用唔著

如果只係想入津小，咁就更加無聊，上到津小就無咁多機會要用到英文，好快就會打回原形講返港式英文

Jane1983

除了折騰和花錢外，讀一年IS，真係幫唔到英文幾多。一讀小學，兩下就打回原形。

PSKLAI

Jane1983 發表於 22-6-16 13:25
除了折騰和花錢外，讀一年IS，真係幫唔到英文幾多。一讀小學，兩下就打回原形。

同意, 識一個小朋友幼稚園英文oral可以, 一上了LS小學即係好似廢晒武功咁, 不過英文答題水平就好咗好多

多多宝

西瓜姐姐 發表於 22-6-16 12:24
回覆 多多宝 的帖子

我明白媽媽你嘅決定呀，我覺得你做得好好呀，同埋KCIS同KIS都係用繁體，將來轉返入津 ...

十分感謝您的意見，很全面。之前確實沒考慮到校舍同返學時間的差別。請問你的小朋友是讀kis嗎？疫情期間的ECL活動如體育等是否都有實體堂可以參加？謝謝

多多宝

mandy_ng207 發表於 22-6-16 12:32
好奇一問，樓主小朋友係咪有間25分嘅津小一定入硬？好多學校K3主要係幫小朋友準備考小，無論考直資私校定 ...

15分呀 都要考直資或者預備叩門。宜家幼稚園中文教嘅幾好且深，但就唔會有面試班果d支援比小朋友，考出面小一主要靠家長。其實呢個年紀小朋友主要都係學習一d群體相處，禮貌品德，生活常識，日常溝通，讀IS year 1應該都可以繼續學到呢d野，一日返6h的學習效果應該唔會差過local幼稚園3h（甚至隨時轉每日半個鐘zoom）吧？學術方面，數學方面幼稚園進度都唔夠直私面試用，中文識字主要靠平時閱讀習慣日積月累。其實有邊方面係本地幼稚園可以學到但係is學唔到的呢？

多多宝

964000 發表於 22-6-16 13:02
如果打算之後LS, 當然揀KCIS起碼keep下中文，預備LS升小一。

請問知唔知kcis會唔會同本地部共用playground？小息會唔會一起玩？

mandy_ng207

多多宝 發表於 22-6-16 14:11
15分呀 都要考直資或者預備叩門。宜家幼稚園中文教嘅幾好且深，但就唔會有面試班果d支援比小朋友，考出面 ...

唔好介意我坦白講， IS應該滿足唔到你。首先IS冇學術，如果你覺得幼稚園數學教得唔夠， IS將會教得更少；放學已經三點有多，小朋友亦好攰，再去補習上面試班簡直係虐待。
IS學習風氣與傳統學校截然不同，上堂冇固定座位，小息都係大家你追我逐又跑又跳，你小朋友適應到嗎？再者升上本地小學，學校要求小朋友坐定定，而你小朋友已經習慣可以在課室周圍走，他會適應嗎？
本地幼稚園K3可以俾你小朋友習慣上小學嘅模式，我知道有啲幼稚園甚至有測驗考試，抄家課冊等訓練，等佢哋上小一嘅時候更容易適應。
小學雜談嗰邊有個帖分享如何在非native環境培養小朋友英語能力，我倒覺得那個帖比較合你用。
對不起用詞較坦白，不喜勿插。
利申：我並不了解KCIS及KIS，只是以一般IS教學模式作為參考