想大家比比意見

JUDYCHAN1221

而家孖仔讀緊私幼全日N班，K1有區內熱門卷幼，上學期時候一心諗住直升，本住試下無妨心態面試熱門卷幼，又好好彩收左AM班亦已註冊，直到而家6月都仲糾結緊邊度好(emoji)請大家比比意見

私幼
1.一個地鑯站，由於太懶，一直都係揸車接送
2.環境好又寬敞
3.語境好，但之前停課亦都走左唔少老師
4.學費貴，仲要起個孖

卷幼
1.就屋企樓下，出門口至學校5分鐘內
2.聽聞學術係區內卷校比較好，又多活動
3.校舍較細亦較舊

本身諗住辛苦幾年都比佢地讀私幼，為考直資作好準備，但由於之前停課走左唔少老師，可能走左十個之後先請返3-4個，而呢個學年我見都換左至少兩個班主任，外藉老師由開學時6個，而家得返三個，有個主任就解釋係因為老師自己走佬而又未能即時請到人補上，結果就令我覺得好飄忽，好唔穩定咁，同時又擔心卷幼學術不足，當然如果選擇卷校會外補啦，但始終唔及私幼既根基紮實
請問有冇過來人媽媽可分享下卷幼考直資既經驗？先謝謝大家(emoji)(emoji)

susu007

回覆 JUDYCHAN1221 的帖子

我覺得卷幼幾好呀，兩個小朋友可以慳啲錢去參加興趣班，面試班等，可能考直私出嚟成績會好好呢

超能爸爸

我個仔今年考小一，以我經驗，我覺得私幼考小一是有影響力的，但又不至於券幼完全冇機會，因為牽涉太多因素，例如你小朋友的性格、天資和後天栽培，還有不同私幼影響力也不同。
券幼始終受教育局資助，它不可能教一些私幼會教的東西，所以，我會認為私幼絕對有幫助，但小朋友面試時是否outgoing和talkative反而最重要。

我小朋友係讀券幼，我感覺上考直私要下多一點功夫。

bbellchung

JUDYCHAN1221 發表於 22-6-13 17:44
而家孖仔讀緊私幼全日N班，K1有區內熱門卷幼，上學期時候一心諗住直升，本住試下無妨心態面試熱門卷幼，又 ...

錢唔係問題就梗係私幼
起碼相對地無痛學習(語境、課程深啲)
萬一要外補係錦上添花

如果卷又對考直私或學術有要求
家長就要跟得再貼啲
放學同假日又要周圍學多啲自谷

如果你間私幼教師流失率咁高，會唔會反而轉校好啲？

Lightwriter

私幼係咪可以完全唔外補？如果卷幼私幼最終都要外補，咁我寧願讀卷幼，起碼慳返d錢睇住黎谷。

如果睇過兒童心理學，其實唔建議小朋友咁細就成日轉老師轉校。老師來講，班主任都算幾close, 轉左有無覺得對個仔有影響呢？

如果間卷校老師好穩定既，我會一勞永逸轉過去再慢慢跟。

JUDYCHAN1221

Lightwriter 發表於 22-6-16 00:07
私幼係咪可以完全唔外補？如果卷幼私幼最終都要外補，咁我寧願讀卷幼，起碼慳返d錢睇住黎谷。

如果睇過兒 ...

我覺得現階段既全日班私幼學術足夠，不需外補，但最大問題就係間學校既行政方面，所以令我有點卻步

Lightwriter

JUDYCHAN1221 發表於 22-6-20 09:34
我覺得現階段既全日班私幼學術足夠，不需外補，但最大問題就係間學校既行政方面，所以令我有點卻步
...

如果係咁，我會選擇繼續讀，因為車對孖b返唔同既學習班仲煩，咁一次過係學校谷晒學術係最方便，當係用錢買時間。

至於學校老師成日走，新既質素又未知既問題，係解決唔到。一係你搵間唔使外補既私幼而同時師資穩定，先可以正正解決呢個問題。

卷幼係入到直私的，好多時睇小朋友性格先，再睇屋企點教育同support, 同埋睇你target 既直私係咪神級啦。