中四選科求意見

serinac

阿女在Band oneA英中就讀，校內成績：
中英文、中西史應該在全級頭15~20%，
Science 、數學、Econ在級平均分或高啲中間徘徊。

阿女就快要決定選課，但她仍然有個別科目在猶豫中……

除中英數通識核心科目外，需要另外揀三科：有Physics 、Chemistry、Bio、中國文學、英國文學、西史、中史、Econ、accounting等可以選修。

選修課揀咗中國文學和Chemistry，剩低一科，仍然在考慮Bio，Econ和西史，未有決定。

她目前比較傾向Bio，但佢覺得要背好多嘢，想轉讀西史，佢曾經提過，如果讀Bio和Econ，將來大學選科或者出路會唔會多啲……

今次全級測驗，她西史的成績，係全級頭五名，好似又加強咗佢讀西嘅信心。

將來職業興趣：沒有明確目標，但唔想做老師、科研等等。

我自己冇讀過西史和Econ比唔到D乜嘢意見佢，我話讀Bio或Econ可能將來大學選科會比較多啲，好睇佢將來的興趣；

而且我同我話人大咗，將來見識多咗，興趣都會改變，而且將來非專業性的工作，對在大學修讀的學科背景並沒有很嚴格要求，一般求職面試，都要視乎個人都要視乎求職者的soft skills,例如個人自信、溝通技巧、語言和應變能力等。

希望各位有過來人的家長俾啲意見和分享一下你地的學習技巧：

1）讀Bio主是不是很難讀，想攞高分有什麼方法？所佔學習時間比重是否很多？我自己A-level 嘅成績麻麻哋，俾唔到好嘅經驗佢⋯⋯(emoji)

2）讀Eco主要讀些什麼，想攞高分是不是也很困難？要花很多時間背書嗎？

3) 讀西史主要讀些什麼，是不是同讀Bio一樣咁多嘢背？邊科容易攞高分？所佔學習時間比重邊個多啲？

4）我同阿囡嘅講法有冇唔妥嘅地方，需要糾正？

不好意思，寫得太多嘢，辛苦晒俾意見的家長(emoji)(emoji)

2jkidsfather

serinac 發表於 22-6-4 10:35
阿女在Band oneA英中就讀，校內成績：
中英文、中西史應該在全級頭15~20%，
Science 、數學、Econ在級平均 ...

如果對bio係有興趣，理應在bio/econ/西史中選bio。

中三西史(或其它文科)高分，不代表中四時應該選西史。
係未來大學選科，揸住 chem 及 bio已經有很多選擇。

中國文學作為其中之一的文科選修科，已經很「足夠」。

serinac

2jkidsfather 發表於 22-6-4 15:38
如果對bio係有興趣，理應在bio/econ/西史中選bio。

中三西史(或其它文科)高分，不代表中四時應該選西史。 ...

請問Bio 同西史，邊科多嘢背啲？

2jkidsfather

serinac 發表於 22-6-4 15:41
請問Bio 同西史，邊科多嘢背啲？

無法比較，但兩科在高中都不是單靠背便可以。

losoco

你千金中三的Science係單科Science定分了Phy Chem Bi?

為何現在已選定了Chem?在Chem這科很有心得和把握嗎?

看你的描述似乎很想選Chem和Bi，是將來大學有甚麼目標嗎?

如果是我，看她中三牌面上的成績，第一科我會選了世史，請記住是世史，不是西史，這科不只讀歐美史的，現時課程包含上世紀歐美、東亞、東南亞和中東等地的重要事件，還有香港歴史。兩份卷，一是分析史料，全答，不只背誦的；二是長答題，七題選兩題。我按多年流傳的cut off分推算過，就算學生無讀其中一個大課題，只要其他課題能夠掌握得好，語文寫作有紋路，便必定取5級或以上。我見你千金中英文皆良好，我認為她能應付的機會不低。

反而，她是否真的適宜讀2科理科，你們要認真研究。

serinac

losoco 發表於 22-6-4 17:00
你千金中三的Science係單科Science定分了Phy Chem Bi?

為何現在已選定了Chem?在Chem這科很有心得和把握嗎? ...

佢哋嗰科係science ，分phy Chen Bio 嚟教，考試也分三張卷。

今晚再問她，佢話揀Chem係因為覺得大學選科會比較多選擇，佢而家讀得一般，成績只係中等，佢覺得老師講得比較混亂，經常都話中四會再教，考試又會考一啲中四嘅嘢。

佢對將來大學選修什麼科目，暫時冇乜頭緒或興趣。

佢身邊嘅朋友和老師都覺得佢係文科人……所以我依家都唔知點樣俾意見佢。

如果全讀文科，比如中英數通識、中國文學、西史（佢哋學校不是叫世界史)和Econ，考試嘅時候會唔會花很多時間係背誦上？

妹妹頭

serinac 發表於 22-6-4 23:17
佢哋嗰科係science ，分phy Chen Bio 嚟教，考試也分三張卷。

今晚再問她，佢話揀Chem係因為覺得大學選科 ...

我覺得，中三既Chem， Bio都只係讀一些皮毛既野，升上中四至開始黍料。我覺得唔好因為大學易揀科，影響依家選科，如果依家Chem只係中間位，即係唔太大興趣，如果升上中四又深左好多，冇足夠興趣，好難捱足3年。

serinac

妹妹頭 發表於 22-6-5 08:55
我覺得，中三既Chem， Bio都只係讀一些皮毛既野，升上中四至開始黍料。我覺得唔好因為大學易揀科，影響依家 ...

我自己係理科生，唔知讀全文科是不是需要大量時間背誦？

如果真係讀文科，請問可以點揀科？

losoco

其實大學要求有Chem或Bi的課程中，有邊D係真的想讀?

如果純粹為留一線出路，我覺得你在Chem或Bi之中，二揀一就好了，就算讀上去發覺不適合，你還有兩文科可依靠

gigayan

妹妹頭 發表於 22-6-5 08:55
我覺得，中三既Chem， Bio都只係讀一些皮毛既野，升上中四至開始黍料。我覺得唔好因為大學易揀科，影響依家 ...

同意，女自己有同其他學校課程做了對比，覺得自己學校中三教的Phy & Chem都係比較簡單，可能教得太深入，怕會影響揀科人數吧。

2jkidsfather

妹妹頭 發表於 22-6-5 08:55
我覺得，中三既Chem， Bio都只係讀一些皮毛既野，升上中四至開始黍料。我覺得唔好因為大學易揀科，影響依家 ...

如果咁講，中三的中史地理西史也算皮毛野。
所以純以中三某些科成績作指標來選中四科目，會中伏。

妹妹頭

2jkidsfather 發表於 22-6-5 21:37
如果咁講，中三的中史地理西史也算皮毛野。
所以純以中三某些科成績作指標來選中四科目，會中伏。

係。所以唔好以成績去選科，真係要有興趣，至可以晌高中三年享受學習。我眼見阿女有好多同學，因中三某科成績好，而選該科，升上中四，第一次考試已知中伏，特別係理科科目。

skywalker167

其實公共圖書館有DSE past paper可以借
另外好似可以裝個apps(公共圖書館的)可以系apps裡面瀏覽以前會考同AL的past paper(當然 不能export成PDF)
DSE貼近會考，先看會考先，AL太深了對於DSE學生來講
但如果會考都覺得太難就可能不建議考慮修果科

可以望下D題目系點先決定....


另外我又建議下我以前的建議
去下載外國的開源免費高中textbook
phy, chem, bio都有得下載
個project叫openstax
望望D內容有無興趣讀再決定
雖然外國同香港的syllabus有些微不同
但好多都重疊
https://openstax.org/subjects/science
不需要捐款或者order a print copy
直接下載PDF就可以看了

DSE BIO比會考BIO多了一大堆野記
而果堆野是以前AL syllabus
我無讀過AL BIO所以不能比意見
我會考Bio B
然後自修報DSE bio來玩，考了2屆都得5
以前會考bio 無甚麼題目吾識做，只有拿不到分
但我DSE bio真的有題目吾識做......

serinac

skywalker167 發表於 22-6-5 23:02
其實公共圖書館有DSE past paper可以借
另外好似可以裝個apps(公共圖書館的)可以系apps裡面瀏覽以前會考同A ...

請問應該download 幾年班的？

skywalker167

serinac 發表於 22-6-5 23:09
請問應該download 幾年班的？

應該chemistry 2e
同 physics high school
一本cover曬成個高中syllabus
課程教學次序或許同香港的有D不同
亦的確有D題目香港沒有教
但基本的可以看了先
另外其實如果是phy的話，香港有機會不同中學的不同課題教的次序會不同
但不清楚chem同bio會否有呢個情況

serinac

skywalker167 發表於 22-6-5 23:19
應該chemistry 2e
同 physics high school
一本cover曬成個高中syllabus

(emoji)(emoji)好的，明白

kwunpa

係香港考試，點會吾駛多多背書，尤其是文科！
如果你女真係文科人，根據你描述，我建議選 中國文學、生物、世史。

化學是理科，如果無興趣無能力，會讀得好辛苦，成績又未必好，如果大學吾係想報醫科及純理科，不建議讀。生物表面係理科，其實在中學階段接近文科，好適合文科生讀，而且保留第時報護士等學科機會。所以建議選生物，而非化學。

經濟與生物就剛剛相反，表面是文科，其實是理科（尤其是大學時）。有理科思維的學生讀更有利。選經濟第時選科無什麽特別優勢，想有優勢不如選科M1 或 M2（如果有數學能力）。既然你女對世史有能力又有興趣，不如選世史。

如果選中國文學、生物、世史，第時大學選科可以選 文學院、社會科學院、商學院{數理有關科系除外}，法學院，再加護士等護理科目。

bbc2018

serinac 發表於 22-6-4 10:35
阿女在Band oneA英中就讀，校內成績：
中英文、中西史應該在全級頭15~20%，
Science 、數學、Econ在級平均 ...

今次測驗，你囡Chem, bio 成績如何？退步或進步？佢自己興趣和能力是最大考慮。因睇到佢必修中國文學又西史特別強，可能偏向文科多啲，修讀2科理科，如果中三成績不是太特出，又不是大學有目標，又不是特別有興趣，高中可能會比較吃力。可能2科選其一比較安全。你囡為何對化學有興趣？B1A呢科會是最受歡迎，學校開班如何？你囡現時成績有把握選到嗎？學校選科是套餐式嗎？數學成績如何？選科根據甚麼標準，排理科成績嗎？可能你自己要諗定plan A，plan B. 呢科一向全級成績比較好才選，你囡信心方面夠嗎？是遇強會愈有鬥心嗎？

serinac

kwunpa 發表於 22-6-6 04:29
係香港考試，點會吾駛多多背書，尤其是文科！
如果你女真係文科人，根據你描述，我建議選 中國文學、生物、 ...

謝謝你的分析(emoji)(emoji)

琴晚再問阿女，問佢點解今次西史測驗成績咁好，佢話因為同個老師好friend，唔想令佢失望，所以特別用功去溫習，其實佢對這個不是10分有興趣，但也不至於抗拒……

我覺得以前中5會考，Bio要攞C (相對於DSE Level 5?)應該不是困難，但係到咗A-Level就深很多。

我唔清楚而家DSE嘅Bio係咪俾我哋當年中5會考的時候深很多？

serinac

bbc2018 發表於 22-6-6 08:20
今次測驗，你囡Chem, bio 成績如何？退步或進步？佢自己興趣和能力是最大考慮。因睇到佢必修中國文學又西 ...

先多謝你的意見(emoji)(emoji)

阿女今個星期才會知道 phy Chen bio 的
成績，佢哋學校開Chem 的班數最多，估計三分二的學生可以選讀Chem。

其實都有睇咗好多網友以前嘅貼子，心裏都有想過你提議的組合3X: 中國文學、Bio 和 History，但聽佢琴晚講完之後，話唔係10分有興趣，便叫佢今個星期同老師和師姐問吓 Chem 、Bio 、History 這三科的意見