讀IS參加學界體育賽事?

dem0cracy

我見學界小學體育比賽鮮有國際學校的足跡，係咪多數國際小學都無參加學界賽事(e.g. HKSSF 游泳/田徑)？我考慮緊請求學校幫手報名某些個人項目(學校“被動”組隊)，但想了解多D先approach學校...有人有類似經驗可以分享嗎？會唔會為學校帶來好大負擔？

我小朋友讀緊初小，好鍾意運動，佢最近成日同我講想參加多D比賽，見識多D，所以我先開始研究下。我本身十分欣賞國際小學推行全民運動，唔行精英制的。點估到自己小朋友咁想精益求精，真係唔知點搞...

Jane1983

應該都有參加，好似馬德鐘個仔當年讀FIS係校際都攞唔少獎。

964000

dem0cracy 發表於 22-5-31 14:40
我見學界小學體育比賽鮮有國際學校的足跡，係咪多數國際小學都無參加學界賽事(e.g. HKSSF 游泳/田徑)？我考 ...

國際學校都有join比賽㗎，不過小學參加team sports/球類較多，我小朋友疫情前都j代表學校參加過比賽。但呢兩年小學學界好多野停哂。佢哋唔一定join HKSSF, 有啲係其他比較多IS/公開的比賽。其他因為家長有資源，都會自細發展個人項目，有同學初小已是某项目同齢全港排名第一。
游泳/田徑可能你現在先join出面泳會/田徑會，呢啲項目中學比較積極，正如上面講馬德鐘仔都有代學校出賽，另外KGV，west island呢啲係學界田徑division 1 常客。IS重點項目比較鐘意netball, hockey, rugby, tennis, 女子足球呢啲。
我覺得你即本問下學校體育老師/secretary ，讀得IS可以主動啲，佢哋好樂於溝通相信不會話你麻煩的，總算試過同知道下情況。

964000

dem0cracy 發表於 22-5-31 14:40
我見學界小學體育比賽鮮有國際學校的足跡，係咪多數國際小學都無參加學界賽事(e.g. HKSSF 游泳/田徑)？我考 ...

題外話，你覺得「鮮有國際學校的足跡」，因為IS學生其實只佔全港學校總數約7%, 真係好小衆，所以遇上的base chance 相對低。

ratafan

dem0cracy 發表於 22-5-31 14:40
我見學界小學體育比賽鮮有國際學校的足跡，係咪多數國際小學都無參加學界賽事(e.g. HKSSF 游泳/田徑)？我考 ...

My sons joined many times. Perhaps they are in different divisions

ratafan

964000 發表於 22-5-31 16:31
國際學校都有join比賽㗎，不過小學參加team sports/球類較多，我小朋友疫情前都j代表學校參加過比賽。但呢 ...

They do hv team competitions like soccer

ratafan

Eg South Island soccer was in division 1 too

annie40

dem0cracy 發表於 22-5-31 14:40
我見學界小學體育比賽鮮有國際學校的足跡，係咪多數國際小學都無參加學界賽事(e.g. HKSSF 游泳/田徑)？我考 ...

無論中學或小學，IS比較多參加校聯的team sports, 而非個人單項。事實上IS學生特別多各類運動的香港代表，一些小眾運動在香港無相關比賽，卻在海外拿了冠軍，這些都是個人的努力和熱愛所成就。個人單項上，校聯是小兒科，如果想多提升實力，簡單直接是加強體能訓練，留意有關項目的兒童和少年公開賽，本港，大陸和海外有很多，月月參賽也可以。

964000

annie40 發表於 22-5-31 22:51
無論中學或小學，IS比較多參加校聯的team sports, 而非個人單項。事實上IS學生特別多各類運動的香港代表， ...

佢哋玩的運動項目, 除了大路那些田徑游泳劍擊足球籃球網球等，仲有D比較少人玩，見過有韻律泳和馬術港隊，仲有野外單車賽世界冠軍仲要又讀得書，真係好佩服。疫情前中學田徑係拉大隊去外地參加比賽，不一定join校聯，另外IS界自己有sailing, hockey, rugby等校際比賽，LS較少參予。

964000

所以在IS一樣會發展精英運動，不過全民運動係基本的，運動是生活一部分，傳統IS很重視PE這一科，絕對不是閒科，就算之前有限度面授課每星期返得一兩日時，都會照上PE音樂Art,緊要過追成績。
讀得IS要好好利用這個優勢自少鼓勵小朋友多郁動，培養到一兩個喜愛的運動，唔係到中學甚至將來就唔肯郁.

annie40

964000 發表於 22-5-31 23:07
本帖最後由 964000 於 22-6-1 10:57 編輯

佢哋玩的運動項目, 除了大路那些田徑游泳劍擊足球籃球網球等 ...

講開校聯，IS完全只重參與，不計輸贏，team sports成績全在於孩子的熱血，賽前鮮有老師監督練習，學生課餘組隊練下就去囉，邊個當天想去比賽就去，主力當天忙又或心情麻麻唔去，無人會怪佢，後備去和臨時被拉夫去的，最後都玩得開心，就完成任務了。去比賽的小小兵，那怕少訓練，因體格好，落場時全力以負來個快準狠，竟然又晉級了。

學生因着各人有自人的茶，在外訓練的各種單項，才是至愛。這些都不須學校推動和參與。

beastiebistro

回覆 annie40 的帖子

我多口答個嘴。你講嘅現象，可能係十幾二十年前嘅事。現今嘅IS（起碼學界足球）係絕對認真嘅。我自己踢學界嘅時候（我母校係傳統學界足球班霸）真係唔多理會IS球隊，到最近呢十年，我返母校幫手帶隊，最強嘅對手全部都係IS學校，變咗佢哋唔多放我哋喺眼內。

佢哋唔單只俾錢請最好嘅足球教練帶隊（我知因為好多隊嘅教練係我喺出面踢頂級業餘聯賽嘅對手），賽前訓練絕不馬虎。我有時去足球會比賽／訓練，會見到成批成批嘅IS學生一齊嚟練習（係同大人一齊訓練），然後過一個禮拜喺球場就見到成班都係某IS學校校隊嘅正選。其實體能身材LS學生好難同佢哋爭，基本上除咗DBS同LSC有得同佢哋比下之外，其他差不多無得踢。

964000

beastiebistro 發表於 22-6-2 22:36
回覆 annie40 的帖子

我多口答個嘴。你講嘅現象，可能係十幾二十年前嘅事。現今嘅IS（起碼學界足球）係絕 ...

隨便吹下水，
IS真係好多人踢足球，幼稚園ECA已經男女都踢，我女又儍更更踢了兩年，到大個D就嫌班男仔粗魯唔肯踢了除了男子足球，IS女子足球亦很活躍，小學已經有比賽，不過我見都係IS玩多，本地女校絕少，可能覺得太粗魯。  
另外例如Hockey， IS班細路好細巳開始打，連學校PE堂也有，小學已經有聯賽，本地學校暫時只有D系男女校有hockey team，相對IS是強隊，有次某IS vs Dg 係贏到9:0.
有興趣運動個班，好多到高小已經玩到有成績嬴公開獎項。
可能人少而香港記者唔識比較少提令人感覺IS不活躍運動賽事。

beastiebistro

回覆 964000 的帖子

其實喺學界足球，IS家長嘅投入程度都同LS家長不遑多樣。而家去比賽就會見到大批大批嘅「鬼佬」家長坐喺場邊，踢緊嘅時候佢哋有時叫得仲大聲過啲教練（甚至講晒英文粗口），絕對認真對待...

964000

beastiebistro 發表於 22-6-3 09:17
回覆 964000 的帖子

其實喺學界足球，IS家長嘅投入程度都同LS家長不遑多樣。而家去比賽就會見到大批大批嘅 ...

好有氣氛朋友兒子都係在FIS踢足球日踢夜踢踢到入Eton, 當然佢本身成績都好，佢地真係好迷，希望疫情不要再影響學界體育發展。

annie40

beastiebistro 發表於 22-6-3 09:17
回覆 964000 的帖子

其實喺學界足球，IS家長嘅投入程度都同LS家長不遑多樣。而家去比賽就會見到大批大批嘅 ...

始終是細路仔比賽，家長捧自己孩子場時，也應注意自己的行為帶出的訊息，此風不可長。

beastiebistro

回覆 964000 的帖子

氣氛真係唔錯㗎，尤其係銅鑼灣/掃桿埔呢類比較細嘅球場...

beastiebistro

回覆 annie40 的帖子

都係嘅，可能外國人家長比較肉緊，唔太自覺。都係少部分啫...

annie40

beastiebistro 發表於 22-6-3 12:27
回覆 annie40 的帖子

都係嘅，可能外國人家長比較肉緊，唔太自覺。都係少部分啫... ...

十多年前女兒剛參加博擊運動比賽，埸外家長們特別是LS媽媽喝駡之聲讓人「歎為觀止」，例如：打X死佢，放大招，出招打到佢pk，看清楚，對手和自己個仔才八，九歲咋，駛唔駛咁惡毒，當孩子打輸了，父母面色便黑過墨斗。亦有幾個IS鬼佬爸爸是極品，個女打輸左，爸爸跳出黎要個女「拒絕離場」，兼威嚇裁判，這些父母應該是有情緒病吧。

運動和競技的其中一個好處，是讓孩子體會「天外有天，人外有人」，長遠而言，輸左的得益最終往往比贏左一場小比賽高得多。

beastiebistro

回覆 annie40 的帖子

家長不分國籍，本質都係一樣。有啲謙謙君子，有啲虛榮感上腦掛。家長落力支持係好事，過咗火就...
不個我哋又離題喇。總之有啲運動IS都係認真參加學界嘅，有啲可能真係志在參與。

樓主小朋友想玩嘅運動如非學校主流，或者要揾揾出面分齡公開賽？