英文中學是否英書英教

travelman

有人話有英中是英書中教，但应该唔会啩？教育署应该唔俾，请问会吗？如果有，边间英中是這样？谢谢各位！

YolandaTam

其實除非係英文 EngLit 或者老師唔識中文，否則大部份都係英書中教。

ppsfung

travelman 發表於 22-5-20 12:41
有人話有英中是英書中教，但应该唔会啩？教育署应该唔俾，请问会吗？如果有，边间英中是這样？谢谢各位！
...

教署無理由唔俾老師用中文講解吧！
主要睇學生程度和老師習慣。
保一的科學、通識科都會中英混合。相信其他學校都有這情況。

acgy

YolandaTam 發表於 22-5-20 14:10
其實除非係英文 EngLit 或者老師唔識中文，否則大部份都係英書中教。

英文中學唔係應該大部份英書英教咩?

jesswu

acgy 發表於 22-5-20 14:36
英文中學唔係應該大部份英書英教咩?

試想香港教師即使大學畢業，除非出過國，否則有幾多講英文有native 程度？
如果就住講書，可能表達不足，學生難以明白。
如果native 般流俐，除非英文強的學校校或ncs多的學校，否則一般土生土長中學生，又是否人人應付全部野轉曬明珠台呢？
任何一方勉強行事，教學效果都唔會好。

Rpp

標榜英中英教，實則英中，八成中文教學，兩成英文教，兼英文係港式口音，有啲學生口音還比老師好。，

小鹿揀學校

jesswu 發表於 22-5-20 15:02
試想香港教師即使大學畢業，除非出過國，否則有幾多講英文有native 程度？
如果就住講書，可能表達不足， ...

坦白講，香港地⋯
英文好的人到大學係唔會讀英文嘅.…
Chem 好的人到大學係唔會讀 chem 嘅…

可以到 jupas 官網睇吓 教育大學 收番嚟的學生有幾多英文有星？
看後就應該現實d，唔好期望理科老師可以同學生用英文有效溝通！

jesswu

小鹿揀學校 發表於 22-5-20 15:13
坦白講，香港地⋯
英文好的人到大學係唔會讀英文嘅.…
Chem 好的人到大學係唔會讀 chem 嘅…

最弊唔係人人咁理智。
以爲叫得英中就全部用英文，津校變國際。
我以前b1a讀，除英文科/Eng lit全部廣東話教。學校會考成績依然非常不錯。

其實上堂最重要吸收到明白到。如果夾硬用非母語進行，教師學生都辛苦，效果亦唔會好。試想，如果上課有野唔明要用英文問，相信肯舉手的同學即刻減半。
學生或家長若咁着重聽講過程，應該另外強化oral和listening

Rpp

jesswu 發表於 22-5-20 15:27
最弊唔係人人咁理智。
以爲叫得英中就全部用英文，津校變國際。
我以前b1a讀，除英文科/Eng lit全部廣東話 ...

開頭可能用英文講課十分鐘左右轉番廣東話，講講下老師英文表達開始唔清楚，學生又聽唔明，師生好似一齊塞住，乾脆廣東話講課。

我囡津小教英文老師口音都重，比英文口音佳同學經常指正，老師唔敢嬲嘅。

hohoho36

問過我仔，大部分是英文教，但都有用中文講解，唔係實唔明啦！

travelman

咁其實間間做英中都得，band 3學生讀也沒有問題

travelman

hohoho36 發表於 22-5-20 16:17
問過我仔，大部分是英文教，但都有用中文講解，唔係實唔明啦！

咁就正常 如果全程廣東話，就係中文教學，講深入嘢或解釋就用廣東話 就可以理解

catf2

travelman 發表於 22-5-20 16:19
咁其實間間做英中都得，band 3學生讀也沒有問題

咁又唔會啦. B1 同B3 學生淨係英文科既程度都唔同啦..
~我女讀o個間大部份時間用英文教, 有同學唔明時就會附加吓中文解釋

~Eng Lit. 一定全英文教啦..佢個鬼佬校長親自執教

jesswu

travelman 發表於 22-5-20 16:19
咁其實間間做英中都得，band 3學生讀也沒有問題

咁又唔得wor  
英中教書過程即使用廣東話，課本功課考試都全英。b3英文程度不止是聽講較弱，更加是閲讀書寫能力都弱，剩係一條數學應用題，用英文出，好多B3已解讀唔到

travelman

B3學生差 其實主要是小接觸及懶散，大部分不是智商及能力問題，其實中文教也一樣，香港人最差是聽之後是講，閱讀及書寫反而可以操

黑咪喵

travelman 發表於 22-5-20 12:41
有人話有英中是英書中教，但应该唔会啩？教育署应该唔俾，请问会吗？如果有，边间英中是這样？谢谢各位！
...

樓主可以向教育局反映下意見㗎🤭！事實上普通津中極少真係英書英教，除非真係好top嘅傳統英中可以做到英書英教，其實就算學校完全英書英教，試問普通小學升上去嘅英中學生真係可以聽得明老師所講？…

tkinwong

黑咪喵 發表於 22-5-20 18:29
樓主可以向教育局反映下意見㗎🤭！事實上普通津中極少真係英書英教，除非真係好top嘅傳統英中可以做 ...

反映完意見，咁就要再減英中數目啦，例如得返最top 嗰班老師和學生先可用英語為教學語言，例如全港前15-20%。

Rpp

chitchit0520 發表於 22-5-20 18:02
我見我仔學校，大部分老師英文口音都不錯喎!不是港式，不過也確實不是全部英書英教，我知道數學不是。
...

聽過區IA中學校長的簡介會d英文口音不但港式，sentence structure and vocab 都用得唔係太好，好卡下好唔流暢。