請問有冇家長可以分享Malvern St James Girls school ？

linlin1

請問有冇家長可以分享？校風？宿舍生活？學術成績或其他方面？

sleung2020

linlin1 發表於 22-5-14 08:41
請問有冇家長可以分享？校風？宿舍生活？學術成績或其他方面？

成績可以睇排名

linlin1

sleung2020 發表於 22-5-14 15:43
成績可以睇排名

請問那個網站排名參考性高些？

sleung2020

linlin1 發表於 22-5-14 21:07
請問那個網站排名參考性高些？

https://www.risesmart.com.hk/gcse-%E6%8E%92%E5%90%8D-ranking-2019/

Poyau

linlin1 發表於 22-5-14 21:07
請問那個網站排名參考性高些？

參考 DfE 網頁
All students over time - results
Grade / Average Point Score (APS)

A level performance
https://www.compare-school-performance.service.gov.uk/schools-by-type?step=default&table=schools&region=all-england&for=16to18&basedon=A%20level%20performance&show=All%20students%20over%20time%20-%20results

Academic qualifications^
https://www.compare-school-performance.service.gov.uk/schools-by-type?step=default&table=schools&region=all-england&for=16to18&basedon=Academic%20qualifications&show=All%20students%20over%20time%20-%20results

^ Including A level, Pre-U, IB etc

linlin1

謝謝各位回覆

karanica

千祈唔好選Malvern St James! 校長說話漂亮，實際另一回事！

Poyau

karanica 發表於 22-6-27 14:27
千祈唔好選Malvern St James! 校長說話漂亮，實際另一回事！

願聞其詳

meejh

Please share if/when convenient

karanica

我唔知講唔講得，版主如果唔得請告知！
我親身經歷，剛過去呢年小女去MSJ讀 Year 7, 由於佢好細，所以B字頭就介紹MSJ比我，話學校細, 有照顧國際學生經驗，所以介紹呢間！
講下小女，成績普通， 英文verbal 好ok, 在香港讀咗一年國際學校，好有motivation!
MSJ話自己唔係exam factory, stem 好好，咁facebook佢又成日update 情況，感覺唔錯！
小女12月時返過香港，當然開學時好多飛機取消，MSJ 話可以online teaching, 實際上係唔得，基本上online teaching老師只係影住個黑板，我覺得咁都好！但我哋班機10日後先有位，中間只上過一堂，因為老師只call 過我阿女一次！MSJ話返去老師會教返阿女，實際當然無！
之後Easter 前，我哋發覺阿女有D追唔上，咪打算請tutor, 我亦過咗英國陪阿女溫書，因為Year 7已有phy, chem, biology, geog, history, drama…學校教唔識我無怪學校，覺得阿女上Year 7即中一，需要時間去適應，所以Easter 請tutor 網上教下佢！
Easter 之後同學校開過會，話阿女無motivation, 咁我提議要多讚加鼓勵會好D！
我都未察覺原來係麻煩開始！
阿女點解無motivation, 原來學校高壓統治，成日鬧學生，尤其是被老師標籤咗壞學生嘅學生！
小女就係果D「壞學生」！full boarding, Year 7 8.30pm交哂D電腦，ipad,電話出嚟！Year 9 就9.30pm交！我阿女有時遲交，咁就比demerit, 咁我明白，無跟school rules 嘛！但我阿女就覺得not fair, 點解Year 9 可以遲交！咁老師係咪應該同佢哋解釋個分別，MSJ 就無只係鬧和比demerit!
又有一次，Year 7 果班在pcse堂上溫書，阿女當時補考不在堂上，Year 7 果班有部份同學在溫習時間用google hangout傾計，當然被老師發現，之後老師問邊個唔關事，我個女就舉手，老師就話 very disappointed in u! 比咗demerit 我女！我女好嬲，於是在prep時間將不滿用粗口 (Fxxk 你阿媽果D）寫咗在張紙上，阿女當然不對！老師即刻要我哋online見家長，話阿女思想污糟，叫我哋即刻要找心理學家比佢睇！同埋停阿女兩日課！又話學校有搵counsellor 見阿女，話阿女好rude, counsellor 話唔再見阿女！好我哋都知阿女不對，於是即刻找個在香港有15年經驗的教育心理學家星期一見阿女(星期五見家長），咁都好快！見完後因之後一個禮拜放term break , 所以term break 後交report 然後再约時間同阿女做counseling!不過講真阿女比人屈，在紙上發洩下都有理由！同埋佢D粗口其實在身邊同學，電視學返來，知道係粗囗，實際意思就唔知！
我個教育心理學家話阿女如果有人對佢唔好，佢就對人唔好，有D self protection! 要慢慢開解！學校個counsellor 係fresh grad, 無乜經驗，所以開解唔到阿女！同埋阿女將不滿寫在紙上，之後打算掉，唔記得咗，比同學執到！
Term break 完第二日(Tue) 已交咗report比學校，另外再email問幾時做counseling! 學校就無覆！到Friday 又話見家長，一見就話嚟緊9月無位比阿女！我覺得學期尾你先講，根本無可能搵到學校，不過算啦，反正阿女都唔開心！不過我覺得我個EP都未同阿女做counseling 學校就話唔收，即係一早無打算比機會佢！
第二個禮拜四，又發生几件事，話阿女唔交功課，對老師好rude，又令boarding house 警鐘誤鳴，即日要走同叫我帶佢睇精神科！大佬，即日走，我在香港！Guardian 因學校話小朋友有behavior 問題，只可以睇住五日，唔敢比host佢多過五日！所以我即安排小朋友去朋友屋企及即飛過嚟！
咁我問過阿女，佢話佢做齊功課，唔知點解老師死都話佢無交，佢都唔明！咁對老師rude又點呀，佢話佢同隔離位同學都有數學唔明，但老師只教隔離位，唔教佢，叫佢自己睇書，之後又叫佢去黑板做呢條佢唔識的數，特登難為佢，佢返埋位又話佢D字肉酸，我女回贈老師一句叫老師換個隻眼，佢即刻知衰講sorry, 但老師就狂用粗口鬧小女！
警鐘誤嗚就小女和同房唔想瞓，用D水噴個煙霧感應器，同房提議，先噴，叫阿女又噴，一人一下，第四下我女噴就響！同房唔認話全部關阿女事，阿女講咗sorry及想解釋老師都唔聽！
我認阿女百厭，但學校用鬧和禁制只有反後果，尤其是對靑春期的細路，必須令佢哋明白，唔係鬧交！宜家阿女讀書無哂興趣！我交阿女比學校時好鍾意返學架！
總之校長講得漂亮，實際只收乖學生！
仲有好多⋯⋯

karanica

所以各位打算選MSJ要三思！

sleung2020

karanica 發表於 22-6-27 22:16
我唔知講唔講得，版主如果唔得請告知！
我親身經歷，剛過去呢年小女去MSJ讀 Year 7, 由於佢好細，所以B字頭 ...

老老實實，傳統寄宿學校可以比你所講嘅更加嚴，我女學校都好多罰則，就你所講，你個女本身多少都有啲責任，高年班遲收電話，甚至唔收電話，好正常，你個女反應太大，當然我唔會話學校完全冇錯，既然你個女已經對學校反感，希望你已經轉咗另一學校讀

meejh

Oh no so sorry. 希望你囡囡現在ok. 突然話冇位有冇搞錯！ 好冇heart唔care. 有冇同agent講？
你囡個經歷好差. 俾咁多錢有啲咁嘅待遇！希望她冇陰影. 我都為我女找學校-隔山買牛現在有啲擔心…

karanica

仲有好多架！頭先講漏咗！
唔交電話、電腦，比老師罰一個禮拜無得用電腦、電話，fine！應該罰喇！但係D notes, 課本，功課又放在MS team 度，咁用唔到做唔到功課正常掛，但老師又罰你無交功課，咁想點呀！
學校自己講好注重stem, 但係online learning, internet connection又唔掂！又怕學生上D色情網！咁不如學校好似香港D學校安個software落學生部ipad度咪得！

karanica

我女仲有講學校有好多rules都無同我講，我點知邊D做得邊D唔做得！我在香港學校做又無問題，在MSJ做就即比人鬧！
Example: 有一次阿女忘記帶水樽去health center借咗個杯裝水，護士叫我個女可以攞返課室，咁我個女攞住杯水在走廊行返課室比另一個老師鬧攞住杯水行返課室，咁即係點呀！
我最嬲係學校唔係應該先話比學生聽咁樣點解唔得，佢再犯先鬧嘛！MSJ係一嚟就鬧！

karanica

仲有喎，食飯時叫阿女食菜，我阿女食咗但老師無睇到，老師又迫阿女食菜，我阿女係果D食少少就飽的人，然後又比老師話！
咁阿女係食少少就飽，然後很快就餓，返宿舍食野又人鬧！我每次接阿女都好似好肚餓咁…

karanica

既然係中學，應該好明白青春期D細路好爆嘛，D老師係咁鬧係咁鬧，D老師仲在大班人面前粗口鬧！係粗囗！
我宜家問返我阿女你有冇錯，佢承認自己有錯架！
我覺得就算當時阿女做錯，你狂鬧佢，佢有反應正常呀！作為老師唔係應該等事情冷靜落嚟再分析下個情況，再教導學生嗎？

karanica

據聞有一年英文GCSE 教錯書添！
宜家周圍都收到full哂，佢仲有位，自己衡量下！

964000

karanica 發表於 22-6-27 22:16
我唔知講唔講得，版主如果唔得請告知！
我親身經歷，剛過去呢年小女去MSJ讀 Year 7, 由於佢好細，所以B字頭 ...

你的待遇，其實唔止一間學校，有時真睇好唔好彩，唔排除有啲老師係會歧視亞洲人，有D英國老師其實都好傳統，要高高在上，感覺香港IS風格比較開明（雖然都有D好傳統的尤其年紀大個D）
我朋友女去了top 10 boarding school, 都比個新來剛畢業年輕老師針對，評分故意比佢F級（但佢呢科GCSE係A*)，又不停demerit佢，激起哂個女仔的情緒，愈攪愈彊，之後又係叫佢睇心理。

meejh

964和karanica: 照你咁講這不是單一事件. 好多時好多其他學校都有這樣情況. 好恐怖. 我以為在英國讀書好free好開心.
964有沒有tips可分享？點get pass and get A*. 又change school? 遇到這樣情況應該點做？