AISHK vs Harrow

Kitgarrison

小朋友10月出世細仔現在剛入讀AISHK reception ，上星期收到Harrow K2 offer。屋企住屯門，AISHK 應該好開心， 今日入課室覺得幾好，唔使坐定定，快樂學習。
Harrow 屋企過去近啲，但擔心好谷，知道Harrow 係好好學校，驚而家唔入，遲啲冇機會，始終今年競爭少啲，Harrow 學校寄宿又平過去英國寄宿學校。
想問吓大家意見分析一下。

cheekyhc

Kitgarrison 發表於 22-4-20 13:06
小朋友10月出世細仔現在剛入讀AISHK reception ，上星期收到Harrow K2 offer。屋企住屯門，AISHK 應該好開 ...

2間都係好學校，視乎你睇重d咩

1)校風同教學理念同自己小朋友性格會唔會好大分歧
我自己細個好動同鍾意問野講野，不過入左間小學係比較傳統同保守，果時就唔太enjoy番學
中學轉左去另一間IS，比較開放，真係會令到我鍾意學習
我觀察到我仔仔性格都似我，選校我都盡量搵會欣賞同鼓勵佢好奇既性格的學校
你小朋友性格會係邊間學校讀得開心d，就要你自己判決

2)學制都係考慮之一
AISHK 有IB (有錯請更正)，而Harrow 係A-level
未來IB係國際認受性應該會越來越大，第日出國讀書出路會廣泛d
如果你打算係英國到升大學，Harrow會岩你多d

我自己覺得學校成績好，未必代表我既小朋友一定achieve到，有好多其他因素影響
只要校風唔差，有唔錯學習氣氛，選擇一間佢讀得開心既
冇野比令小朋友愛上學習，主動吸收知識更加重要

964000

Kitgarrison 發表於 22-4-20 13:06
小朋友10月出世細仔現在剛入讀AISHK reception ，上星期收到Harrow K2 offer。屋企住屯門，AISHK 應該好開 ...

10月出世Harrow跟英制9月cutoff 是超大B嗎？如做細B要衡量下小朋友性格能力適唔適合，Harrow係傳統英制加selective， 課程比較structured 和「谷谷地」，聽話K2已教寫cursive, 我地Y2開始學寫（local p1)我都覺得巳經幾早，以前我在LS都p3先學。不過IS就算「谷」得來又冇測驗考試評分，學唔識咪出年再學，相信又唔會好大壓力的。
小學就harrow應該多啲野玩，近啲又好吸引，佢可收50%本地人，我相信如果你係IS讀開，適合學校的將來也不太難插入。

Kitgarrison

回覆 cheekyhc 的帖子

本身報考Harrow 呢間學校最大原因係因為近，聽講唔容易入，所以先試吓。我個仔本身係講嘢幾叻，超級活潑，學習進度都跟得上，鍾意上堂愛發問，係小手肌差少少，係一個需要有規矩嘅小朋友，如果太Free，就唔太適合。
IB同A level 我都有諗過，但係我先生話個仔中學可以俾佢自己再決定，淨係諗小學就得，之前爬文睇其他家長分析，覺得小學小朋友行英式比較好，因為較有規範，我小朋友都需要引導唔係超級有創意嘅人。中學會IB自主學習。
但係琴日AISHK 放學又見到佢好開心，校長同埋老師都好Nice！

AISHK Reception 課程比較淺，Harrow聽講比較谷！
好多謝你俾意見！
我要慢慢同我老公再商量吓！

LLLT

認識一對twins讀Harrow（小學讀到初中），基本上學校俾小朋友自由發揮，小學一啲都唔谷，無壓力，到中學才需要開始發力。

Kitgarrison

回覆 964000 的帖子

請問你嘅小朋友係Harrow 讀緊幾多年級？有幾多年級開始讀？返到屋企多唔多功課做？返學開心？
我聽你分析即係Harrow只係比LS慢一年課程？
我個仔做超大B，活潑好動，好鍾意講嘢表達自己感受，之前讀Anfield ，學校冇功課，小手肌而家先好啲，好少寫字。
我個仔都好需要大量課外活動，消耗下體力！
其實有諗過Harrow如果太辛苦轉返其他IS。

964000

Kitgarrison 發表於 22-4-21 11:19
回覆 964000 的帖子

請問你嘅小朋友係Harrow 讀緊幾多年級？有幾多年級開始讀？返到屋企多唔多功課做？返 ...

我朋友讀緊不是我，課程不同不能和LS直接比較，我只是用學cursive作舉例，因為相對有啲IS好遲先寫字，看家長期望，如何見到「比LS慢一年」？
如果Anfield其實都係British curriculum 轉Harrow應該適應不大問題，我稔都不會「辛苦」卦

little_sparrow

我小朋友Year 1 開始讀Harrow，現在Year 2. 小朋友返學開心，課程幾structured但我唔覺得谷, 每星期交一次功課(樣樣有啲)，暫時各方面都算滿意。

Kitgarrison

回覆 964000 的帖子

明白，我係誤解左！我都覺得Anfield 轉過去應該ok!
多謝你意見。

Kitgarrison

回覆 little_sparrow 的帖子

咁都幾開心 ， PM左你想了解小小問題，Thank you

BlossomAlmond

同意以上咁多位所講。
加多個角度俾樓主參考，Harrow越高年級越難考入，既然Harrow又近你屋企啲，不妨入咗先，過一兩年真係覺得唔適合再轉出去其他IS都冇難度。相反，再遲多幾年想轉入去，未必咁容易。

cheekyhc

BlossomAlmond 發表於 22-4-21 17:33
同意以上咁多位所講。
加多個角度俾樓主參考，Harrow越高年級越難考入，既然Harrow又近你屋企啲，不妨入咗 ...

呢點都重要樓主可以考慮下先入harrow，唔岩再轉走
不過如果你同老公傾完，都係覺得AISHK多d，就唔好再心大心細
相信你小朋友係呢2間學校都可以發展佢既潛力

Kitgarrison

回覆 BlossomAlmond 的帖子

呢個都係我哋考慮嘅因素，Harrow 越高年級越難入，我哋朋友有小朋友year 1 in左冇收。我哋應該都會俾小朋友試吓適唔適合先。

Kitgarrison

回覆 cheekyhc 的帖子

好多謝你哋嘅意見！我先生話因為以目前呢一刻去比較，讀Harrow將來既選擇會闊D，跟唔到可以轉返輕鬆D既學校，只係大人主觀鐘意aishk既環境同氣氛，但係又唔係我哋讀，唔應該將自己既喜好加入去考慮，而係鋪一條最多選擇嘅路，同時要適時放手比子女揀自己想要既路

cheekyhc

Kitgarrison 發表於 22-4-21 20:10
回覆 cheekyhc 的帖子

好多謝你哋嘅意見！我先生話因為以目前呢一刻去比較，讀Harrow將來既選擇會闊D，跟 ...

支持你
決定左就唔好諗番轉頭
相信你地既選擇

宮二

Kitgarrison 發表於 22-4-20 13:06
小朋友10月出世細仔現在剛入讀AISHK reception ，上星期收到Harrow K2 offer。屋企住屯門，AISHK 應該好開 ...

香港哈羅其實只是franchise，而且唔知幾時又會跟北京改名叫「禮德」
https://edu.sina.cn/ischool/hdjl/2022-04-20/detail-imcwipii5344146.d.html?from=wap

Kitgarrison

回覆 cheekyhc 的帖子

多謝你支持，一齊加油！

Kitgarrison

回覆 宮二 的帖子

我有問過我老公呢個問題！佢話香港係特別行政區，正常應該唔會有影響！
不過你都知香港而家幾唔正常！
真係要到時先知

964000

Kitgarrison 發表於 22-4-22 11:49
回覆 宮二 的帖子

我有問過我老公呢個問題！佢話香港係特別行政區，正常應該唔會有影響！

國內好多所謂國際學校，其實只係bilingual 私校，主要收中國籍學生，playground lang也主要是PTH, 借個名牌（Harrow都開了五六間），吸引大陸有錢人，成30W學費一年，target出國，而家冇咗名牌效應唔知會唔會收返平D
國內真正的國際學校只可收外籍人士（包括港澳），有啲要求家長也要外籍才可申請，這些學校在課程改革管制並不受影響，繼續自主外國課程。

LLLT

回覆 964000 的帖子

請問是否改了政策？我了解在國內的foreign language school、bilingual school都係雙語學校（主要收國內人，香港人都得），而international school是叫做國際學校（只可收海外生-包括香港人）。兩類學校收費差距很大。