美國升大學

ckh689

barque 發表於 22-11-29 17:22
見唔少人畢業後都有興趣去consulting firm做。其實consulting 這個行業發展前景好唔好？
...

Consulting發展前景真係唔熟悉，孩子冇apply過，不過佢有好多同學已經有full time offer。孩子話apply consulting，要持之以恆咁做case practices，但佢平時已經太忙，根本冇時間去練習。
最近同細N傾過，原來consulting工時只係比Investment banking好少少 (講緊美國，香港未必一樣)，所以如果想入行，要預咗一樣咁burnout。

barque

ckh689 發表於 22-11-29 21:23
Consulting發展前景真係唔熟悉，孩子冇apply過，不過佢有好多同學已經有full time offer。孩子話apply cons ...

其實在想如果做technology相關的工作會否work life balance 的

dlam141231

ckh689 發表於 22-11-29 21:23
Consulting發展前景真係唔熟悉，孩子冇apply過，不過佢有好多同學已經有full time offer。孩子話apply cons ...

阿仔七月回來探訪我們時, 我有問過他一位要好同學近況 (那位同學好靚仔, 我無辦法唔留心).   原來同學五年前入投行, 今年九月到Harvard讀Master.  然後阿仔就講到, 他認識的同學裏, 入投行的大概有三十個, 畢業五年, 仍在行業的, 大概剩下10人.  有像靚仔同學繼續進修的, 有部份確是因為work life balance原因轉行.

dlam141231

ANChan59 發表於 22-11-29 14:43
有伴都係好事。

阿仔在倫敦都想限朋友一齊住，但朋友都不是在金融中心工作，所以多數住在外面，房價租金 ...

令郎在紐約會留多久?  年青人, 每個大城市居住一下, 是很好的生活體驗.

dlam141231

barque 發表於 22-11-29 22:24
其實在想如果做technology相關的工作會否work life balance 的

我問過個仔, 佢話okay喎, 每週大概工作45至50小時, 而且是WFH時間居多.

補充: 我唸唸吓, 阿仔係入行之後才拍拖, 有時間拍拖, 仲收成正果, 可見工作戀愛兩不誤.

ckh689

做Tech嘅時間一定比投行同Consulting好。至於投行轉工問題，work life balance當然係一個原因，其實亦係呢個行業(美國)嘅常態。上網睇會發現好多有關ib exit opportunities嘅討論，基本上佢哋好多人打從入行開始，都冇諗住長做，轉行未必係因為工作壓力大，好多時候係因為有更好嘅機會出現。

ANChan59

dlam141231 發表於 22-11-29 23:45
令郎在紐約會留多久?  年青人, 每個大城市居住一下, 是很好的生活體驗.

他一直在香港讀書，是几年前升大4暑假在紐約做Intern，只是工作了兩個月。是中大的Global Internship Program。

畢業之後在香港工作四年多，今年初被獵咗去倫敦，職位跳升一級，每周工作35小時，一個星期兩日可以選擇返辦公室開會，其他時間WFH。

dlam141231

ANChan59 發表於 22-11-30 09:34
他一直在香港讀書，是几年前升大4暑假在紐約做Intern，只是工作了兩個月。是中大的Global Internship Prog ...

每週35小時, 真係超筍工.  只係有啲好奇, 包唔包午飯時間, 我仔基本朝九晚六, 每週都有大大小小視像會議, 皆因好多較下層員工, 其實人不在紐約, 散布全美各地, 因為美國有不同時區, 有時視像會議時間不一定跟紐約的東岸時間, 所以有需要時就遲些下班, 但工作時間都好彈性, 我聽佢講, 有時食晏兩個鐘, 上司唔會管, 總之, 工作要做妥.

想起加拿大這裏一位朋友, 家住草原省份, 女兒今夏畢業, 做數據分析, 公司簽約, 說明性質是forever remote, 這行業現在都是這種傾向, 大部份下層員工, 都不再設置辦公室位置.  

ANChan59

ckh689 發表於 22-11-29 21:23
Consulting發展前景真係唔熟悉，孩子冇apply過，不過佢有好多同學已經有full time offer。孩子話apply cons ...

我分享少少自己N年前做全職顧問的經驗，現在我仍然有兼職做顧問。

我有英國機械工程學士及MBA，前后6、7年不同行業經驗，入行之前在跨國油公司做運作管理，專長在策略及運作管理。當年興Total Quality Management and Business Process Re-engineering。

因為我係experienced hired，所以冇乜考case，如果剛畢業冇乜經驗就可能會考case studies。不過，我係有MBA，在學期間做不少，要做亦難不到我，但事實上紙上談兵對實際顧問工作幫助有限。分析問題不難，搵到問題又如何？如何突破，解決，落實，面面俱到才是顧問能力及值錢嘅地方。

顧問行業係服務行業，工作時間不是自己定，係個客定，而且越高層，同時有几個項目要帶要跟要傾，工時可以好長，因為就個客，每個客嘅工作時間習慣不同，所以可能由7點breakfast meeting 去到食宵夜傾都會有，不過我不去夜店嘅。

顧問底層係多多勞力，少勞心，食物鏈底層嘅生活大家都估到，不要被入職人工蒙騙，化作時薪係另類廉價勞動力。到高層肯定係勞心多於勞力，同埋要搵生意，rule of thumb 係1:5，公司俾我或者個部門1蚊，我要幫公司搵5蚊才meet expectation。

我認為做顧問的經驗，一年頂其他行業工作5年，因為project base，第一季度幫一間大學，第二季度可能係一間上市銀行信用卡，第三季係製造業上市公司，第四季可以係電力公司或者公營事業，也可能幫NGO或者政府部門。年輕肯捱做兩三年，係很好的吸收多元化行業經驗。

我很少有等下個項目的機會，反而有四成時間有項目重疊，就會帶出第一個burnout 問題，第二你要做嘅事或者決定不一定係你內心想做嘅，可惜不是你自己公司，客戶說了算，第三跟家庭的時間及需要有衝突。我離開這個行業的最主要原因就係第三點。

人工響當年嚟講，二十幾年前有跨國顧問公司出到年薪200萬挖角，我都不為所動。因為當時我覺得自己開始有點心理不平衡，男人老狗喜歡買嘢俾老婆及自己，冇時間陪老婆，陪阿仔玩，他當時兩三歲，到知道學習遲緩，所以立定決心轉行。

做顧問最大機會係去以前客戶公司做管理層，我決定離職之後有三間上市公司舊客搵我，因為之前跟其中一間有口頭承諾，所以我決定加盟，入職集團總經理。

當時通知期三個月，過冷河期為半年，通知期我放了個悠長假期去加拿大，坐郵輪去阿拉斯加。然後過冷河期去HBS讀咗個Executive Program，因為咁才引起我讀博士的研究興趣。

因為兒子的學習遲緩問題，及不想分隔兩地，她在中國長駐，我在香港，我們夫妻分別一年多時間內分別轉行，家庭收入跌不少，但二十多年過去，我覺得還是值得的。

錢係賺唔晒，快樂根本同錢未必掛鈎。

ANChan59

dlam141231 發表於 22-11-30 10:07
每週35小時, 真係超筍工.  只係有啲好奇, 包唔包午飯時間, 我仔基本朝九晚六, 每週都有大大小小視像會議,  ...

你估中，9-5，唔包午飯時間，所以避開會議時間，可以慢慢食午飯。有個partner如果阿仔返辦公室，經常約佢出嚟食晏或者行公園傾偈，係質錢入佢袋，應該係管理層安排給阿仔嘅buddy。WFH更flexible，最緊要係交到有質素嘅功課。

雖然他們輻射埋歐洲投行及跨國銀行客戶，都係在工作時間視像會議。但英國本土同一個時區，冇你兒子的問題。其他branch offices行matrix，管理上獨立運作，去到技術層面才向倫敦匯報，主管每個月過嚟述職，遇到項目有問題，才搵阿仔及老細幫手，這個情況不多，但俾大客嘅報告出街前就要他們過目。

如果周中有足球比賽，他可以提早收工去睇波。現在世界杯，有波睇，他們會安排會議跟大波（重要比賽）不會重疊，而且絕大部份人WFH。

他說有部份同事較鍾意返辦公室，覺得有人氣，可以傾偈，放工可以去happy hours，阿仔怕咗佢哋，因為這種同事好易中招。

他現在剛入職，年假只係27個工作天，但係真係可以放到假，香港就難少少。

講到辦公室，我有個朋友是跨國企業的高層，疫情期間，他在香港簽新租約，租金自然減咗啲，最大發現係辦公室縮細咗三份一，慳一大筆錢，原因係因為WFH。

2jkidsfather

ANChan59 發表於 22-11-30 10:57
我分享少少自己N年前做全職顧問的經驗，現在我仍然有兼職做顧問。

我有英國機械工程學士及MBA，前后6、7 ...

Thank you for your sharing.

ANChan59

barque 發表於 22-11-29 22:24
其實在想如果做technology相關的工作會否work life balance 的

Work life balance 要睇行業及公司企業文化。

我識一間美國公司，係私人企業，因為係歐洲移民，所以會七月停產，除了銷售及CS之外，全公司放暑假兩個星期。

ckh689

回覆 ANChan59 的帖子

睇完陳sir回覆，真係學到唔少嘢。
Consulting同IB一樣，睇落收入好吸引，但其實計落係廉價勞工。入行嘅年輕人其實都知道，但佢哋會趁年輕去嘗試，因為年紀大一定頂唔順，不過亦因為佢哋捱得打得，先會遇到唔少好機會。有時真係要肯付出，先至有回報。

TTEE1819

雖然我孩子在英國升學，但我好鍾意來「美國升大學」睇野，讓我明白美國升學和生活的最新資訊。

好喜歡你們幾個家長的分享，資料好實用又詳盡；這兩天你們的分享更豐富，令我這個井底之蛙識多左好多野。給你們一百個讚，請繼續分享。

ANChan59

ckh689 發表於 22-11-30 11:51
回覆 ANChan59 的帖子

睇完陳sir回覆，真係學到唔少嘢。

我同意你大部份嘅睇法及見解。

只係補充少少，因為新人入職無乜經驗及專長，係特別特别辛苦，入到好team，同時senior識教、肯教，加上自己努力，係可以進步神速。不過我上面講嘅條件係可遇不可求，屈屈不得志，只係因為五斗米而留低係好痛苦！

慢慢升上去，搵生意，keep住大客才是王道，這個時候不是買青春火花，係買人脈網絡關係，或者你在某個領域好尖，係客戶排隊搵你，你有得揀就舒服好多。

例如我做全港電力公司兩年半，打出名堂，合約之後，另一家公用事業立即搵上門，條件也很遷就我們。另一個例子係替九龍某大學做顧問，合約完咗，港島大學搵上門，港島大學就最多古仔。

ANChan59

ckh689 發表於 22-11-30 03:00
做Tech嘅時間一定比投行同Consulting好。至於投行轉工問題，work life balance當然係一個原因，其實亦係呢 ...

更好嘅機會，我的觀察係有好多係佢哋面前浮過，但是否適合自己對前景嘅想法呢？還有係成功嘅機率係幾多？是否值搏，不是三言兩語可以講清楚。

我上面咁講，係因為自己經歷過高高低低，起起落落的總結，不要悲觀，也不要過份樂觀。

barque

我記得一年前和女兒閑談中聽見她埋怨，唔少師姐/師兄中學時都曾經有過多少理想希望可以為社會服務。但是她們大學畢業之後卻很多時都加入左ibank, consulting 相關的工作。

今年到她自己讀大學了，她雖然仍未找到自己的確實興趣。但是我見她開始找summer internship. 其中大部份公司都係investment 和consulting 相關的。這樣是因為前途？錢途？

ANChan59

barque 發表於 22-11-30 16:54
我記得一年前和女兒閑談中聽見她埋怨，唔少師姐/師兄中學時都曾經有過多少理想希望可以為社會服務。但是她 ...

她在美國讀書？抑或香港？

ckh689

回覆 ANChan59 的帖子

更好的機會，可以好廣義，可能是人工高，又可能是前景好，只有當事人才知道。

我經常對孩子說，很多決定的對與錯，往往是經歷過後才發現，或許會後悔，或許很感恩，事前毋從知曉，當作出決定前，必須的考量、分析都做了，就隨心隨緣吧，也許多年後回望，會發現經歷才是最有價值，最值得珍惜。

barque

ckh689 發表於 22-11-30 21:34
回覆 ANChan59 的帖子

更好的機會，可以好廣義，可能是人工高，又可能是前景好，只有當事人才知道。

非常之同意，每個人都唔同。多嘗試唔同嘅經驗，經歷多咗，總結經驗（iteration)慢慢就會找到適合自己的道路。