膽小怕講野, 升小取態應該點?

20170101

我好擔心, 2年時, in K 時全炒, 最後幸入了KV 候補成功。小朋友本身好慢熱,K2 見佢社交有進步, 有好多朋友, 唯獨是對住大人或一班人, 突破唔到心理關口,唔肯講野。

我知道小朋友的性格, 由升K2暑假開始安排上不同興趣班, 什麼故事班, 演戲班, 動靜都俾佢多嘗試接觸, 好遺憾, 都是一樣。怕生, 唔肯出聲,  或者細聲到講左人地都聽唔到。人地問問題, 佢唔肯主動答, 要我重覆問題先肯勉強答。沒有安全感, 分離焦慮, 怕生, 沒自信, 仲可以期望上到比較好的小學嗎? 不求最TOP 的, 但我好怕佢面試唔出聲或者爆喊就咩機會都冇了。

小朋友本身學術方面都可以, 學校是乖巧認真的, 只欠說話自信膽量。
作為家長, 我升小的取態應該是怎樣 ? 明明識但唔講, 我仲可以點幫佢去面對?

獨生小朋友, 沒有經驗,  虛心請教各位。

964000

20170101 發表於 22-1-26 16:18
我好擔心, 2年時, in K 時全炒, 最後幸入了KV 候補成功。小朋友本身好慢熱,K2 見佢社交有進步, 有好多朋友, ...

我小朋友年幼時都超級怕生普，入lift人地望佢一眼都喊，in nursery全部唔出聲，我後來選擇了國際幼稚園日日番去玩同吹水，愈多咀老師愈讚，之後真係改善了好多。傳統幼稚園都係訓練小朋友「乖」，即係聽話/服從/傾偈係跩/坐定定，久而久之有些內歛的小朋友便更加冇信心怕錯唔敢出聲（好乖）
但佢到時大啲又未必你想像中咁差，你小朋友的長處也可以主攻考卷個d, 如SFA或扣門/大抽獎，都唔洗太擔心。

siufung

20170101 發表於 22-1-26 16:18
我好擔心, 2年時, in K 時全炒, 最後幸入了KV 候補成功。小朋友本身好慢熱,K2 見佢社交有進步, 有好多朋友, ...

這類型的小朋友真的比較輸蝕。一面見就蝕章。
我小朋友都是KV出身，又係怕生，見陌生人會口窒窒，慢熱。性格使然好難完全扭轉。唯有慢慢改善。
慶幸的是，KV升小絶對有優勢。好多小學喜歡根記學生。
比多d鼓勵同讚賞佢，當年我個怕羞妹都考入心儀私小。加油

onelittlekid

回覆 20170101 的帖子

回覆 小曳人 的帖子 近年真是少再上嚟睇。。。但同意家長都是關心自己子女先上嚟望吓post，入到所謂''神校''一切隨緣啦。。。 我還記得小朋友考幼稚園到最後只有一間不是心水學校收，仍好記得佢考某幾間幼稚園時有爆喊有唔肯入課室情況發生，做家長都是無奈面對同接受，但其實小朋友有幾多料子家長如真是關心子女一定會從小便知道。小朋友細個英語已比同年紀同學出眾，我倆家長不是英文人但小朋友自細一口native英語（相信是語言天份掛），所以幼稚園已幫佢考堆英文証書諗住幫助考小一，仲報埋小一面試班。最終幼稚園亦以理想成績畢業。 但惡夢再次降臨，仍記得考小一時幫佢報咗好幾間私校直資，都是大家口中''神校''嗰堆啦，但小朋友小時性格怕羞易哭，真是估唔到考小一時佢再次出現考幼稚園嘅情況，爆喊唔肯考。嗰一刻我真是火都嚟狂閙自己小朋友，同校幼稚園同學好多都入到好學校，但自己小朋友最終一個小一offer都無要大抽獎。一直抱住希望抽到地區一線小學。 點知最終抽到地區寶校，失望到極點，當時攞住幼稚園成績叩當區一線/二線小一，仍記得一線叩到2nd in當日小朋友又嚟料閙情緒衰收尾。最終只能入到當區一間二線尾小學。。。 但真正發揮小朋友天賦同建立信心真是小學時期好重要，雖然佢由小一一直考級一到小六，但我倆家長都無幫小朋友插其他學校入小二至小五（回想翻都應該試吓啦但無做到，haha）。因為佢真是好享受呢間二線尾小學嘅學習生活，又玩英語話劇，又英詩獨誦，又奧數，又珠心算，又小提琴，又鋼琴。。。總之咩都試玩吓又比佢攞到一堆獎狀。當然到最後就只會選定幾樣野keep住玩。 好喇，到考中一喇。。。同好多家長一樣想為子女考間好中學，當時自己都唔識分咩叫''神校''，band one原來仲有分1a, 1b, 1c（定現在先會咁細分？）。只知直資可以報多一兩間，津校不可以。但好好彩小朋友今次終於發揮正常，考幾間學校都收取，最終入了所謂''神校''。 我唔敢喺度評論傳統vs地區一線中學喇，因小朋友用家無讀晒兩邊做客觀比較，同怕被人惡意攻擊，但只想講直資中學真是比到我個小朋友大開眼界，上到初中時已學懂生活自律，我倆家長亦放手給小朋友任意行（當然有從中觀察協助啦），最終他亦入到ib課程同大學神科。。。 以上只是自身經歷，不喜勿插。。。

yhchanchan

20170101 發表於 22-1-26 16:18
我好擔心, 2年時, in K 時全炒, 最後幸入了KV 候補成功。小朋友本身好慢熱,K2 見佢社交有進步, 有好多朋友, ...

有冇上面試班，適合嘅面試班應該幫到你，就算唔得，都可以有學術小學backup

Mrscatcatfung

onelittlekid 發表於 22-1-26 20:31
回覆 20170101 的帖子

好替你開心。你小朋友真叻。
學業是長跑，有心終會跑出來。

pccw2017

20170101 發表於 22-1-26 16:18
我好擔心, 2年時, in K 時全炒, 最後幸入了KV 候補成功。小朋友本身好慢熱,K2 見佢社交有進步, 有好多朋友, ...

唔使咁擔心, 搵D關愛或者小班教學的小學會好有幫助. 我的小朋友都係去到中學先至開竅.

hoiki_hk

20170101 發表於 22-1-26 16:18
我好擔心, 2年時, in K 時全炒, 最後幸入了KV 候補成功。小朋友本身好慢熱,K2 見佢社交有進步, 有好多朋友, ...

我小孩正正係哩種, 剛經歷完考小, 幸運地有心儀offer. K1 時n K 全炒, 幸有原校K位. 到考P1, 好驚再0 offer, 報左好多面試班同興趣班, 等佢接觸多的不同既人.
而家玩完考小, 都覺得哩類型既小朋友係比較輸蝕, 但奈何性格又真係好難完全改變, 同埋各有優劣, 又無必要去為考小而改變.
家長可以鼓勵小朋友多0的, 又或者試多0的面試班等佢熟悉個玩法, 可以快0的投入0的......


加油, 祝小朋友有心儀offer.

Azzurro

之前小朋友參加某學校面試
校方後來分享話小朋友有安全感（當然我唔知道如何評價安全感的程度）
我覺得主要係小朋友鐘意講野

我們鐘意同小朋友講野好似 mind map 無限延伸
通過有邏輯的無限延伸，可以把所有事情聯結起來
通過不斷對話，刺激小朋友思考
同時小朋友面對任何話題都知道只要有邏輯，都可以儘管回答，不害怕錯誤

和小朋友對話內容要創新，搞鬼
由於平常對話內容已經比較全面覆蓋
之後去面試就比較難被考到
因為可能早已經被父母考驗過類似話題角度

另外，我經常都同小朋友講我自己做唔到咩野
可能這樣小朋友就容易明白，做唔到事情係好常見，冇咩好害怕
小朋友比大人更要面子呢

Cakemumm

20170101 發表於 22-1-26 16:18
我好擔心, 2年時, in K 時全炒, 最後幸入了KV 候補成功。小朋友本身好慢熱,K2 見佢社交有進步, 有好多朋友, ...

心態好緊要，多鼓勵，你也要對小朋友有信心！

maymay73sakura

我女也係膽小內向型，其實你已經做得很好，又故事及話劇，這些我全部也有join 包括join 埋面試班，但也沒有太大改善到她性格，最後她也有7個offer，結論係性格真的不可能短期改變，有機會小學中學甚至出社會才有轉變，你可以做的便是努力谷小朋友的學術，一些比較學術型學校如SFA 及APS 等，比較靜的小朋友但學術ok 也會收，此外，你在報學校方面報多幾間，無offer 也無所謂，比佢多啲實戰經驗可以令佢無咁緊張，説故事也好重要，interview 前半年，我也近乎每天同佢練習講故事及說話。最後也最重要，無論interview 表現如何，也要鼓勵及讚賞小朋友，可以俾佢小獎勵如雪糕等，建立佢自信心。我女之後熟習左interview 及比較有自信（因為我不停鼓勵及她學術不錯，佢發現啲題目都吾係好難）佢越戰越勇，之後有不少offer 也是後期有的，希望幫到你，祝你小朋友越戰越勇！

hfnyd

同意樓上各位所說, 文靜就是文靜很難跟健談小朋友作比較, 但好處是比較淡定, 表現會平穩, 我自己就有安排小朋友讀面試班, 讓他熟習面試模式及明白考小時有什麼要求, 當然學術都一定要保持水準, 這會讓他肯定自己的能力, 增加自信. 學術好的話, 考出來都不會太差, 我小朋友不算是一手OFFER, 但SO FAR都考得理想, 一般熱門的小學他都有OFFER/FINAL IN WAITING, 就算有些沒有進級, 都不要懷疑他的能力.
加油!

bbkingdombb

我的孩子想當年也跟樓主差不多 面試時一句說話也不會說出 所以選擇了 多活動 老師多鼓勵小班教學的學校 後來各方面都發展良好 社交品格也可以 成績也很好

Lotsomom

K3小朋友會成熟好多，唔駛太過擔心，同意樓上「三私」都較喜歡收學術型小朋友，可以報埋先。「一直」就睇埋佢英文好唔好。

升小係一個過程，唔係結果，千其唔好俾太多壓力小朋友，希望你小朋友會收到心儀offer :)

ptrade

回覆 maymay73sakura 的帖子

可否分享一下點樣同佢講故事同令佢肯講?

maymay73sakura

ptrade 發表於 22-2-10 16:28
回覆 maymay73sakura 的帖子

可否分享一下點樣同佢講故事同令佢肯講?

最重要係多練習，買圖卡及故事卡同佢練習，差唔多每一天也要練，另外也可以報故事班，等佢可以參考其他小朋友的內容互相學習。