元朗信義同崇德

bb01

崇德好多活動，未計校方活動，基本上每個學會都會搞比賽及活動比同學，所以返全日制，真係好開心，lunch好忙，我囡當年成日lunch都話要去支持同學比賽。今年返左幾個月全日，我細果個都已經玩左幾個班際比賽啦，人人有份，但係半日制，就真係少好多活動。
其實要了解學校，可以同學生傾，崇德學生好有歸屬感，學校嘅open day,學生係爭相要幫手，學校無挑選過，只要你想做，學校就比機會你。我嘅小朋友由小學怕羞女，變成而家好有自信，學校嘅令人安心環境外，同學仔嘅影響都好大，幸運嘅，我2個小朋友嘅同學都係好純，積極，愛表達有上進心嘅，即使讀書成績唔好嘅同學好朋友，都係有一技之長，響學校都有發揮自己嘅空間，代表學校表演或比賽。

信義都係好好好嘅學校，各有所長，選你自己合適嘅就可以。