學琴只操考試歌？

wlmingbb

小朋友轉了一位琴老師，跟她學了半年，她每次都只跟他操考試歌，半年來沒有教他新嘢。想問吓其實學琴是這樣的嗎？

lflxl

唔正常

Momobaba012

wlmingbb 發表於 22-1-12 18:52
小朋友轉了一位琴老師，跟她學了半年，她每次都只跟他操考試歌，半年來沒有教他新嘢。想問吓其實學琴是這樣 ...

Not uncommon in HK

0030

我女的同學系甘，就學及練考試的四首歌曲，for 考試，我女大半年學和考試歌曲無關的曲目，之後開始學考試的6首歌，學大概4個月之後從6首歌裡選4首歌for 考試，近兩個月就專心練4首歌加試拍片準備考試～

fibe0313

淨係為考試而學的人才會選這種老師。。。但樂器沒有速成的，睇下你本身點解想要個小朋友學樂器，就知該唔該換老師。

LeeCC

wlmingbb 發表於 22-1-12 18:52
小朋友轉了一位琴老師，跟她學了半年，她每次都只跟他操考試歌，半年來沒有教他新嘢。想問吓其實學琴是這樣 ...

確實有一類老師系這樣安排，佢地通常都同人講，佢學生幾多個月由五級跳八級/六級跳演奏級等等，YouTube都有唔少這樣的老師的影片

但其實同時好多這樣情況的都係家長要求只係學考試歌，要最短時間內考級，唔好浪費時間在考試範圍以外的東西，這樣要求的家長與以上的老師，可以說是天作之合，搵到另一半

轉唔轉老師，睇你想小朋友學琴的目的是什麼

wlmingbb

多謝大家的意見。其實這個已經係我轉的第二個老師。第一個在琴行學，發現佢係咁，於是轉一個上門教，最初有講明我唔急考試，想佢打好基礎，練多D睇交譜，學吓不同歌仔。頭幾次都有按我的期望行，可惜之後又變返只操考試歌，冇教新嘢。而家考試歌練到七七八八，唔湯唔水，老師又覺得佢練極都唔夠好，唔比佢考試，我都唔知轉唔轉老師好，又唔知去邊到揾，好煩(emoji)‍♀️

LeeCC

wlmingbb 發表於 22-1-13 23:29
多謝大家的意見。其實這個已經係我轉的第二個老師。第一個在琴行學，發現佢係咁，於是轉一個上門教，最初有 ...

小朋友幾大，準備考幾級？點樣練極都唔好？小朋友是否明白老師要求和指示？老師有無方法幫小朋友改善？如果小朋友太細，又未考過試，家長要與老師溝通下如何幫小朋友有效地練習

其實現在的考試方式無左好多基礎野要考，齋彈四首歌，老師都應該維持教返同級舊制需要學的技巧和知識

Momobaba012

wlmingbb 發表於 22-1-13 23:29
多謝大家的意見。其實這個已經係我轉的第二個老師。第一個在琴行學，發現佢係咁，於是轉一個上門教，最初有 ...

其實係唔係因為按級收費，所以老師希望學生盡快考試，升級加學費？

wlmingbb

LeeCC 發表於 22-1-14 08:02
小朋友幾大，準備考幾級？點樣練極都唔好？小朋友是否明白老師要求和指示？老師有無方法幫小朋友改善？如 ...

認同你講應該要keep住學返應學的知識和技巧。我的感覺是，每次老師上來，只是不斷練歌，沒有學過新嘢。小朋友10歲了，這兩年因疫情關係，原本預備好了要考的兩級，最終因為考試一改再改，後來同老師商量決定唔考兩级，重新由三級再嚟過。學三級歌至現在，一年四個月了，仍未考。自問小朋友已經好努力，每日都有練，未必係最完美，但係一首歌其實要完美到乜嘢地步先可以考試？

LeeCC

wlmingbb 發表於 22-1-15 07:55
認同你講應該要keep住學返應學的知識和技巧。我的感覺是，每次老師上來，只是不斷練歌，沒有學過新嘢。小 ...

現在的考試方式系一口氣彈四首歌錄影，小朋友平時練習做到嗎？


以我小朋友的學琴經驗，三級只要彈得流暢，無彈錯，拍子準，有大細聲，已經過關了

有無老師睇到呢個post，可以講多D，俾D意見？

CM.MUN

其實你先諗清楚自己要求，想小朋友學到咩程度，只係識彈？定係想佢考級用來報中學？定係想佢係音樂上會有發展？係好重要，我唔知小朋友幾歲開始學，但係可以肯定咁講，今時今日8-10歲8級非常多、10-12歲已經演奏級，另外如果真心學，仲要上樂理課，增加樂理知識，對演奏非常重要！

Momobaba012

Pass唔難，彈得好一般也可以

LeeCC

小朋友已經10歲，可以認真同佢傾下自己學琴的目標，是否真的有興趣

zebrama

半年24堂，彈四首考試曲，當用20堂教晒，21至23堂成個流程操練，第24堂錄影，即係一個多月要完成一首，有時考試好難避免會將重心擺咗去考試曲，當然其他部份亦都很重要，大前提花幾多時間練習，同埋想考乜嘢成績

LeeCC

zebrama 發表於 22-1-15 14:14
半年24堂，彈四首考試曲，當用20堂教晒，21至23堂成個流程操練，第24堂錄影，即係一個多月要完成一首，有時 ...

平均5堂學一首歌？每堂1個鐘定半個鐘？

zebrama

LeeCC 發表於 22-1-15 14:25
平均5堂學一首歌？每堂1個鐘定半個鐘？

我當一堂45分鐘，五堂學一首曲呢個只係一個約數字，一堂裏邊要覆兩至三首，如果計覆琴同教其實個時間都好緊湊，非自己能力地跳級考仲未計

wlmingbb

好多謝大家比咗好多意見。我從不要求他要考什麼級數，他五歲開始學，其實我知進度算慢。搬屋、轉老師、加上疫情，所以輾轉攪咗5年，一次試也冇機會考過。我當然知道，而家學琴都唔算得係乜嘢，從來無諗過用來考中校。同小朋友傾過，佢話佢鍾意彈琴，所以一直冇放棄。昨晚問佢仲想唔想考試，佢話少少啦，佢覺得有啲彈到悶，好想學下其他歌仔。我就諗，學左咁耐次次都考唔到試，既然今次考試歌都學得7788，又好唔甘心唔考埋佢。最後傾左，練埋今個月，試下錄影，得就send去考試，如果唔得就唔再考試啦，學其他歌。做父母都想小朋友學得開心。

LeeCC

wlmingbb 發表於 22-1-15 16:45
好多謝大家比咗好多意見。我從不要求他要考什麼級數，他五歲開始學，其實我知進度算慢。搬屋、轉老師、加上 ...

你留意三月考試幾時可以報名，趁來緊的長假期錄定，到時交上去

又或者揀一首練得熟的，去參加下比賽，有個目標，練得上心D

加油

CM.MUN

wlmingbb 發表於 22-1-15 16:45
好多謝大家比咗好多意見。我從不要求他要考什麼級數，他五歲開始學，其實我知進度算慢。搬屋、轉老師、加上 ...

唔一定考皇家，可以考慮考聖三一，聖三一係今年8月已經可以面對面考試