delete

pkjanel

delete

Lotsomom

現時牌面，我會選CKY第一，有CKY唔考慮CAIS/YMCA⋯因為CKY已經有晒你想要嘅野，校風亦到好好。

大抽獎下年6月先有結果，St Jo/軒銅唔駛根本諗住，本身亦唔易抽⋯難得仔仔適合CKY又有offer屋企又afford到，諗唔到點解唔take⋯

993rs

pkjanel 發表於 21-12-21 05:11
自覺CKY及YMCA及CAIS都適合我仔。YMCA 小班，英式，中學直資。CKY 大班d, 但校舍設備又好d, IB 成績好（但 ...

我覺得「岩活動教學」，咁就「讀IB」係一個 misconception。其次我完全唔會質疑 St Jo 仔既英文國語、以至海外升學能力。

CKY同CAIS係好唔同既學校。但CKY好、CAIS好，要自覺地睇好多書、寫好多野。有部份小朋友數學表現好特出，但造句諗半日都寫唔出野，我會認為 A-level、 DSE 更適合。某程度睇 IB 係要文理兼備。

另一角度，學校提供 10年時間比小朋友去適應、慢慢學習點去學習，呢類 IB schools 都比 local school 寬容、冇升中壓力。個人認為學習階段冇理由咁早就為小朋友set 定框架：靜就DSE、活潑就IB，反而係我認為應取決於兩種模式當中，邊一個更適合佢將來既路。直接講，唔係 IB 適唔適我小朋友、小朋友適唔適合IB，而係我 foresee 佢日後學習階段條路點走而決定 IB 定 DSE。

我唔認為單純既成績、心水既排名有太大參考價值，EK 離不開排成績、排歷史。反而如果你有目標要去英/美/加/澳，再去諗 DSE/IB/A-level會值得花心機去比較。

964000

pkjanel 發表於 21-12-21 05:11
自覺CKY及YMCA及CAIS都適合我仔。YMCA 小班，英式，中學直資。CKY 大班d, 但校舍設備又好d, IB 成績好（但 ...

以你的要求，我係你主要會考慮CAIS vs CKY, 如學費不是關鍵到就不考慮local了，前兩者在英普語境，學習方式，課程設計都相信比本地好，得一粒仔又afford到點解唔揀更開心學習（我冇話local唔開心呀fans不要打我）。
至於好朋友，自細一起長大，不是不停轉校的，一般都會keep到不少。
另外就算你在St Jo，如果初/高中巳走，人地都未必記得你，始終你冇經歷過一起DSE 的出生入死，我地中同而家都有聯絡，但中途走個批巳名都唔記得。

macychu1988

如果唔理價錢，我會選擇開心學習，IS一定係首選。 CKY 都係HaPpy learning , 但入面都會睇成績，家長都谷，就算你唔想谷，我逼不得已要做，如果唔係差距太大，不過你小朋友入都CKY 能力都有番咁上下。
如果你小朋友kinder IB, 我估都係VIC 個類學校。CKY 都係類似，學校唔谷，家長自己谷。

YMCA 我完全唔會考慮，我唔當佢係IS 。

CAIS 係另一個best option , 唔理價錢，我一定會選擇佢。入面係一個大家庭，老師，同學都好包容，少比較，努力發掘小朋友長處。我都想小朋友入到去讀，但都幾難考到

b3410

如果唔考慮學費，應該主要係CKY VS CAIS，咁我覺得CKY綜合來講更加優勝。除非你哋想讀更加IS 的IS

Soundervolt

964000 發表於 21-12-21 11:32
本帖最後由 964000 於 21-12-21 15:49 編輯

以你的要求，我係你主要會考慮CAIS vs CKY, 如學費不是關鍵 ...

Brotherhood同有冇一齊考公開試冇關係，男仔之間有佢地嘅chemistry ，球場一齊打波吹水，一齊溫書一齊曳，師兄做師弟Mentor….….阿仔之前去睇醫生，醫生知道阿仔係師弟，雖然互不認識亦傾過不亦樂乎。阿仔去外國讀書，廿幾個師兄弟嚟送機，Winter Brake返嚟又大把同學聚會。就算讀過幾年都可以體會到Brotherhood嘅味道。

1998Ruby1998

港青基信小學同港青基信中學應該係冇關係？雖然收嘅機率唔低但唔係絕對收...

St Jo 抽到嘅話咁應該係最經濟嘅選擇。但如果唔理學費，咁當然係 CKY VS CAIS。

以上咁多間都係可以適應到外國大學，所以只係考試制度方面考慮大啲。St Jo 首先要經過呈分試，唔係收曬小學部，touch wood 成績唔得/失手咁就入唔返（到時候再考港基、啟思、宏信等都得嘅...），然後再考 DSE。DSE 都可以入到外國大學，冇話認受性低，只係啱唔啱個學生，GCE 同 IB 亦係一樣道理。

CKY 同 CAIS 都係直升，升學壓力相對低，唔洗驚到時後考邊間中學。CKY 應該就中文好啲嘅，學費又平啲，一樣都係 12 年，咁似乎 CKY 好啲。不過 CAIS 宗教氣氛濃厚啲。讀宗教個氛圍係會唔同啲，容易啲有「大家庭關愛」嘅感覺。另外據網上報導講， CAIS 本身行 AP，但啱啱 8 月開 IB。

PTL_L

1998Ruby1998 發表於 21-12-21 20:30
港青基信小學同港青基信中學應該係冇關係？雖然收嘅機率唔低但唔係絕對收...

St Jo 抽到嘅話咁應該係最經 ...

Ruby,好認同你講「DSE都可以入到外國大學，無話認受性低」我睇EK咁耐，俾我感覺就係去外國升大學一定要讀IB,考IGCSE;考DSE,只可起香港讀大學。

964000

Soundervolt 發表於 21-12-21 20:18
Brotherhood同有冇一齊考公開試冇關係，男仔之間有佢地嘅chemistry ，球場一齊打波吹水，一齊溫書一齊曳， ...

Maybe la，你仔咁sociable, 相信去邊都多朋友。

pkjanel

其實考邊個制度我不是太concern, 主要個教學方法係會令小朋友build 不同character 呢點最重要。

964000

pkjanel 發表於 21-12-21 21:43
其實考邊個制度我不是太concern, 主要個教學方法係會令小朋友build 不同character 呢點最重要。
...

Agree, 其實乜野制度最後都入到大學，主要係睇你想小朋友經歷怎樣的學習過程，有甚麼體驗，性格培養更是從小開始。
CAIS-CKY-Local school 是一個spectrum.

supermom1

喜歡IB, 大校舍選CKY, CAIS要俾56萬debenture 兼加拿大課程完全唔考慮，YMCA一個英國回流朋友選了，comment 都好positive，老師好caring

wg_ann

除非心儀IS或對英文有高要求, 否則正路應揀CKY，一條龍，中英兼備，而且考入CKY的學生有一定能力。
CAIS要俾annual capital levy或debenture, 英文是IS的程度，但中文亦相對local schools較弱，因學校有規定7成係foreign passports, 學生能力差異較大，但家長們亦相對較少壓力。

pkjanel

delete

kitkitkit23456

pkjanel 發表於 21-12-21 05:11
自覺CKY及YMCA及CAIS都適合我仔。YMCA 小班，英式，中學直資。CKY 大班d, 但校舍設備又好d, IB 成績好（但 ...

以下只係個人意見。請各位家長多多包涵。謝謝。

睇完你的要求、背景同埋經濟能力。會首先剔走St Jo。

如果期望小朋友既英文水平可以native或者接近native，咁會覺得你可以主要考慮CAIS同YMCA。另外就係校方有基督教背景，會比較warm同caring。

如果你比較concern中文可以有native或者接近水平，同埋緊張要有一條龍升中，咁CKY應該係你杯茶。

建議你問下自己心裡面把秤，邊樣係你最重視，咁相信好快就會有答案。

另外都建議你可以聯絡校方，同你安排school tour，親身感受下間學校。都會對你下決定有幫助。

要記住既就係，沒有最好的學校，只有最適合的小朋友的學校。

b3410

pkjanel 發表於 21-12-22 13:05
諗住先試CKY, 若跟唔上，未來轉去CAIS 難嗎？（有foreign passport)

其實IS到了高年級，如果想轉其他學校，唔算困難。特別是快到升中，有人去外國讀書，也有轉其他學制，也有人轉去中學比較強的學校。

wg_ann

pkjanel 發表於 21-12-22 13:05
諗住先試CKY, 若跟唔上，未來轉去CAIS 難嗎？（有foreign passport)

有foreign passport在Y7或更高年級轉IS應該唔難，因為唔少人會在中學番去home country度讀，唯一考慮係英文程度能否達標，始終IS同LS在英文程度上有一定距離。
但亦有人講過IS最值得讀的是小學，建立和LS不同的思考模式。

CXW

wg_ann 發表於 21-12-22 14:50
有foreign passport在Y7或更高年級轉IS應該唔難，因為唔少人會在中學番去home country度讀，唯一考慮係英 ...

如果選擇CKY 之後轉IS , 肯定唔需要擔心英文程度

deco99

本帖最後由 deco99 於 21-12-22 18:19 編輯

點解cky成績好就話係家長谷？我識嘅cky家長都唔谷，一對兄弟cky畢業，從未補習都入咗港大/中大醫學院