又一村 vs 培道

lancywong

阿仔讀緊金迦N班, K1要waiting

暫時有又一村pm 同 培道pm offer

(對小學都冇特別要求, 主要自行或大抽獎)

我哋係雙職家庭, 下年生咗細B之後, 驚一個工人姐姐湊唔掂...

想註冊培道,可直升私小接九龍城中學校網;但培道私小重皮之餘程度一般兼男生接唔到上中學, 都係大抽獎唔好, 才會考慮培道私小 ~

想註冊又一村寫信排全日,但又唔知排唔排到 ~

想問吓大家會揀邊間註冊 ? 好難揀...

Cherryroy

回覆 lancywong 的帖子

我又係同一難題?小學都幾貴，我都唔知邊間好?

超能爸爸

我大仔今年考小一，細女考K1，你同我情況近似，不過你遲我三年，小小經驗你可作參考。

如果你有心讀金迦，總會入得返。
培道係好有愛心學校，雖然係九龍城校網，但九龍城其他小學很強，培道未必可派到band1A的九龍堿中學，你可去佢個小學網參考佢中一派位情況。

我建議你可先取培道offer，如果金迦收返再考慮。又一村學校我不熟悉，不作任何建議，免影響你決定。

以我大仔考小一經驗，如果你有心栽培，考二線私校作保險線其實不難，況且到你大仔考小一那年更少適齡學童，實在不要太擔心。

至於自行，如果你有25分，除非你要超熱門學校，否則多數沒有問題。20分則睇你保守定進取，如一定要讀津校，建議可選20分會收的地區一線學校。

大抽獎完全靠運，我而家個仔就要等運到。

lancywong

回覆 超能爸爸 的帖子

你嘅分享非常幫到手
我暫時又一村同培道比較，網上睇好多討論都會揀培道；所以我同你建議差唔多… 先take培道，金迦有offer再算；如果有得讀金迦，外補少少…考好一些的直資小學應該有機會～

關於自行…我只有20分，所以機會都只係一半半；非常感謝你的分享

超能爸爸

回覆 lancywong 的帖子

你情況真的和我很相似，我個仔也是20分，我選了神津，所以抽不到。

我現在全力準備叩門，希望叩到心儀的津校收。

我當年這個時候也是培道pm及金迦waiting，也留了培道，但最後選了金迦。

不過如果你想考一線小一，真的需要多一點外補，祝你一切順利。

lancywong

回覆 超能爸爸 的帖子

經常聽人說要外補… 其實如果最後真的讀培道或金迦的話，分別要外補什麼呢？

超能爸爸

回覆 lancywong 的帖子

如果是金迦，我覺得學校
英文：比較著重Phonics和看圖書，這方面可以交畀學校，不過始終一星期得兩至三堂NET英文only，不如私校有長駐NET在班內，所以文法和會話，我覺得需要加強。

中文：面試主要考表達和認字，金迦呢方面ok，不過視乎你小朋友性格，我小朋友比較內向和表達不佳，所以其實應該要參加下小主播班。

數學：這方面金迦教得淺，不足應付面試，一定要加強。

其餘畫畫和才藝表演你也要預備一下，總有學校會考呢兩樣嘢，金迦不會幫你訓練。

如果要預備面試，K1升K2暑假開始準備會比較時間充裕。

當然你要第一輪就成功面試神校，以上也未必夠，要操多啲多啲再多啲。

不過，如果你不著重面試，我覺得金迦不外補上一般小一應該也可應付。

如果第時你唔好彩到我呢個階段要叩門，就要再再再加強中英數練習，因為叩門時已接近完成K3，有些學校要筆試，而對手可能已有小二level。

但我就會從不失去學習興趣和操練間取得平衡，不會過份迫自己個仔。