就快精神分裂

Albeleung

純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難，課堂以外嘅時間只想他輕鬆學自己喜歡的東西。但自從開始考小一，我開始質疑係咪自己唔夠努力預備唔夠，唔識教佢，冇帶佢考cert,冇去面試班，令到佢唔夠其他小朋友presentable 唔夠 competitive。 我和小朋友感情一直非常好,但自從考小一開始我哋多咗好多磨擦，我開始捉佢練習面試，又成日訓話佢。其實每次話完佢我都好後悔，叫自己唔好再因為面試而話佢。畢竟佢只係5歲人仔，鍾意玩係天性，要佢成日去d陌生地方，見d陌生老師和回答有挑戰性嘅問題，無論結果係點佢其實已經好叻。但係每次面試後，見到佢做得未如理想又忍唔住話佢。我真係覺得自己就快精神分裂。手頭上暫時未有offer, 但好彩仲有d 面試嚟緊。其實我好想放鬆d,好想唔再叫小朋友練習面試，好想只係同佢唔停咁玩….但係我又好驚佢表現唔好，浪費餘下嘅機會,又好擔心小朋友入唔到一間合適嘅學校,往後嘅校園生活會唔開心。我真係唔知應該點做先係對小朋友最好，點樣做先係幫到佢….

tkhhung

喜歡收 品行 自律性 聽教聽話 方便日後培訓學業

Jean1769

老實講，都接近尾聲，你而家點操都唔會有顯著效果，人哋果d K2開始上足一年面試班，你點鬥呢。倒不如疊埋心水操好學術遲d 去叩門

Amymichelle

你話仲有啲面試嚟緊,時間已經不多，盡量鼓勵佢做好吧!已盡力不要太怪責小朋友同自責!趁呢幾個月再好好裝備下去叩門!

Azzurro

去年考小一從來唔練習（如果日常生活裡面有一定鍛煉）
每次面試後只問玩得開唔開心
小朋友心裡很清楚面試做過咩和有咩得著，唔需要大人指導
大人做咩大事情的前後都唔想人問長問短啦，本身已經有壓力

臨時操練，面試班我覺得對小朋友強度太大
臨急抱佛腳，強行短時間扭曲小朋友日常習性
改變日常鍛煉方法比較好
小朋友最有效學習係融入學習於遊戲當中
小朋友輕鬆愉快先會有好表現
本身名幼的話之後叩門筆試和面試依然有優勢
如果唔改變日常方法，之後就算考到好嘅直私，係小一往後日子都好快落後

jaagor

雖然我唔知你target邊啲學校，亦唔知你現時手上有咩offer，但我經歷係當你真正了解每間學校嘅時候，你會發現好嘅學校係有好多間。只要唔執著於一定要考入神校，而又報得夠多間學校，其實總有一間唔難考入又輕鬆嘅happy school會收。

既然你個仔都已經讀得名幼，本身已經有優勢，到最後情況都應該唔會太差。

dirtybb2000

同路人 我仔讀kv
同你一樣情況
不過我地只係報左12間
尋日完左最後一個面試 生活終於重回正軌
睇返轉頭雖然冇offer但面試都令佢學到野
而家唯有寄望幫到佢6月叩門

話唔擔心就假 間間都唔揀佢一定係有原因
呢半年真係最後機會train返好佢
唔好咁快灰心 加油啦

chrisycy

Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...

我手上也沒有任何offer ，但我相信總有啱我小朋友的學校，要耐心等待，明年6-7月出哂抽獎會是機會。

香港教育制度以成績為主導，這是現實，我們小朋友現在做唔到唔代表佢永遠唔得，父母與小朋友關係最重要。

耐心等候總有啱你小朋友嘅學校！

busydaddy

媽媽們也要注意自己心理健康，孩子同爸爸嘅心理健康……

吹水媽媽

Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...

同你一樣讀名幼，亦都冇其他虎媽咁谷到個小朋友日操夜操，我報咗14 間，仲有3 個未放，其他大部份入唔到最後個輪面試。應該都唔會call 到waiting (要call 都call 咗final round個批先）。全世界預咗叩門，應該又會有另一次龍爭虎鬥.......

TY168

吹水媽媽 發表於 21-11-7 10:46
同你一樣讀名幼，亦都冇其他虎媽咁谷到個小朋友日操夜操，我報咗14 間，仲有3 個未放，其他大部份入唔到最 ...

我都係，雖然做好叩門準備，但都重係好擔憂，重好多人話: 下，你私幼都冇offer?

cynicsaturn

我小朋友都係咩都無考，無面試班，而家一個offer都未有。但真係仲有自行/大抽獎，扣門，有D學校仲未開始玩(例如KTS, MS), 仲有一些係六月第二次收生 interview，所以唔好放棄!

k2mommy

我都因為考小事宜近呢幾個月焦慮爆發到要睇心理學家 成日諗其實搞到大家咁有乜謂 好迷失
個個呢幾個月chur盡反而我因情緒問題冇晒動力去同小朋友做任何野 唯有放養 比較之下我更加覺得自己好失敗 好驚拖累咗佢 負面情緒就更多…
Vicious cycle

Darklady

Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...

好老土講一句，考小一係緣份，未必關小朋友能力事
我小朋友背景同你情況一樣，亦係今年考小一，

逢第一Round無得見真人的學校(拍片呀zoom果d囉)，一律炒晒，
我都有懷疑過係咪無額外做其他野而炒，唔好話考cert，我直情外補都無，
去到宜家接近尾聲，發現原來係自己小朋友適合face to face模式面試，
己公佈結果的學校當中，兩間入了second in(全港最多人報平靚正果間直資同近年被捧為神校的私校)，
一間waiting(好考家長誠意果間)，一間出局(小朋友講明唔識所以估到)，仲有幾間等緊結果，

去到昨日某校second in，遊戲不但全部贏晒，老師問題個人果part剛好全部中晒佢識果範，
其他家長分享自己小朋友的題目，有部分如果係問中我小朋友，佢有機會答錯/做錯，
唔係宜家話佢入硬third in，但係自己覺得好神奇，居然避過晒佢有機會唔識的題目，
所以經過呢幾個月經歷，真係好老土講，緣份

Poyau

Albeleung 發表於 21-11-7 00:20
純粹想呻下….小朋友讀名幼，但係我冇特別要小朋友去考cert 或者上面試班. 因為我覺得名幼教嘅嘢已經好難， ...

考直私看緣分 平常心面對

yeeling0101

第一，名幼唔係一定有優勢，老師都係睇表現，認真揾適合佢地ge 人，如果名幼有優勢，佢地一早收曬啦。第二，呢個階段針對性地了解下之後個啲in乜，教下小朋友。
group game嘅，帶小朋友去公園玩，留意下佢待人接物，1：1嘅日常落街，捉小朋友同看更打招呼，落單買野一律交俾小朋友講已經係唔錯training
第三，小朋友待人接物好重要，佢識唔識望住人講野，坐定，唔識個時會頭dupdup話唔知，不經思考一律話：我唔識丫，請問可唔可以教我，定努力點都試同撞，已經俾到好唔同印象老師
第四，cert本身無用，但學到嘅知識幫到你。
第五，我自己睇身邊小朋友offer，就算活動直私，都係揾能放能收，專心小朋友,對答正常不一定talkative, 但都係要坐定，玩時要投入有反應，聽老師指令

YY_2011

有很多不太熱門的學校都有第二輪報名，可以試下。加油！

Ven000

Darklady 發表於 21-11-7 11:04
好老土講一句，考小一係緣份，未必關小朋友能力事
我小朋友背景同你情況一樣，亦係今年考小一，

好認同，真係緣份遊戲
我女屬於好動大膽說話，但經過幾次面見，每次都問啲佢唔識既問題，生字又keep唔中，而聽其他朋友講返，佢個女既問題就係我女識曬果啲。曾經懷疑我同阿女係咪唔夠努力，依家明白這是緣份遊戲吧！

大家一齊努力準備扣門或插班吧！

gigi12345

其實我又唔認同有好多offer 一定係日操夜操
身邊有幾位無上面試班
但本身好主動 多野講 有禮貌 學術唔差的
有時睇小朋友性格

反而識兩個有上面試班無offer second in 都無乜

gigi12345

樓主加油
唔好比咁大壓力小朋友
因為反而另小朋友更加表現唔好
而家反而要增加小朋友自信
多啲鼓勵佢