請教油蔴地天主教(海泓道) 小一課程

Snoopy_mama

想請教一下新油天用家, 學校小一默書和測驗次數多嗎? 範圍是否多及深? 學校會否要求家長每天幫小朋友備課呢? 還有每天功課量大約有多少? 謝謝大家!

mayyylai

Snoopy_mama 發表於 21-11-4 15:55
想請教一下新油天用家, 學校小一默書和測驗次數多嗎? 範圍是否多及深? 學校會否要求家長每天幫小朋友備課呢 ...

油天係兩測兩考，小一上學期唔算多黙書，下學期就會正常，範圍其實真係唔知有冇教深，但起碼開學嘅英文科已經唔係教 ABC，備課，我相信間間學校都話要，睇家長啦。  
黙書通常係一個星期中文，一個星期英文，至於小測就間唔中

Snoopy_mama

回覆 mayyylai 的帖子

咁好似無傳聞中咁谷, 是否因為新校長比較著重培養小朋友學習興趣呢? 因為聽上次學校簡介會, 校長好似好積極推動STREAM教育. 另外,請問功課是否多抄寫和需要家長在旁協助嗎?

prettywuman

一年三考呀…我覺得有一半時間都係一星期一測一默

Ps:用家

Snoopy_mama

prettywuman 發表於 21-11-5 23:16
一年三考呀…我覺得有一半時間都係一星期一測一默

Ps:用家

小朋友每天多會喺學校內完成功課嗎？多唔多時間發展其他興趣？

prettywuman

Snoopy_mama 發表於 21-11-6 13:22
小朋友每天多會喺學校內完成功課嗎？多唔多時間發展其他興趣？

咁學校無乜比時間你去完成功課..睇下你會唔會利用小息時間…我覺得功課唔叫多…因為我果個都仲係初小階段

tkinwong

新油初小其實相對輕鬆，學校唔係點谷，但如果家長放輕手腳，除非小朋友身係好叻會自動讀書，否則很大機會只是中遊位置。新油學校唔谷，但家長大多是進取型。

至於課外活動，這兩年返半日學，大多數係zoom上課外活動，除咗樂團、體育類這些課外活動。學校係有好多課外活動讓學生參與，唯在返半日嘅情況下參加課外活動，有好多實際問題要考慮。