deleted

rowanmama

deleted

daijuju

你好。我仔自小很喜歡數學，畫畫也是畫一堆數字，排序等。細個佢喜歡玩IQ珠，lego，大個玩boardgames。他表達也是麻麻，當年根據醫生建議2歲就比佢返pn，之後返全日，開朗健談咗好多。開頭佢自己睇書睇片學數，之後發覺佢不愛寫step，就請老師根據課程來教佢，這樣也比較有系統。佢好中意上深嘅數學堂，亦可能想有人同佢傾下數吧。而家佢都好喜歡玩奧數比賽，同時學緊高中數學，我哋會比佢一直學落去，不過就唔考慮跳級，因為佢都enjoy同齡生活，同同齡小朋友玩，同埋我地都想佢繼續學習社交人際同完善其他科目。我覺得學習數學令佢更有自信，因為佢可以發揮所長。沒必要襟住佢，佢學得好開心的。當然其他弱項也不要忘了提升。

iloveapplepie

rowanmama 發表於 21-11-4 10:47
我唔會話小朋友數學資優，但佢係好鍾意。未夠一歲時最鍾意既玩具就係月曆，睇書都鍾意睇頁數，未識講野就用 ...

請問你的小朋友在邊度學數呢? 我都搵緊啱的課程, 謝謝

poutpoutfish

iloveapplepie 發表於 21-11-5 13:38
請問你的小朋友在邊度學數呢? 我都搵緊啱的課程, 謝謝

我地仲細個，自己係屋企玩下數學遊戲咋。幾粒波子都可以有好多種玩法，可以分類可以計下數（eg十粒波子眯埋眼爸爸拎走左部分淨返七粒要小朋友估拎左幾多粒）可以統計（eg今晚想食咩全家投票）…再唔係淘寶都好多數學教具。

但最近參加一啲比賽就買左新加坡數學練習題試下，好易上手。

坊間數學機構聽朋友講都係操卷，或者教考試技巧，我覺得不如自己係屋企玩下，保持興趣

poutpoutfish

daijuju 發表於 21-11-4 19:52
你好。我仔自小很喜歡數學，畫畫也是畫一堆數字，排序等。細個佢喜歡玩IQ珠，lego，大個玩boardgames。他表 ...

謝謝分享！

我地都3歲開始返full day，的確小朋友語言、自理、社交各方面進步左好多。有時同齡社交力量可以好大，同學之前各有長處，可以互相學習。

當一個興趣都好。我小朋友之前淨係得數學一個興趣，而家終於可以百花齊放。

rowanmama

iloveapplepie 發表於 21-11-5 13:38
請問你的小朋友在邊度學數呢? 我都搵緊啱的課程, 謝謝

又或者可以試下khan academy嗰啲apps？我見好多家長都有用。。

小曳人

孩子年幼對數字有興趣，的確係最容易就係訓練佢數學
但事實上，好多細路三兩年轉一次興趣，而數學嘅出路有限，所以我係會接觸多d其他事物，培養其他興趣，數就唔駛點理，放d書响屋企，佢自己會攞嚟睇
我仔無讀奧數，不過都有去奧數比賽玩下，初中已考IAL 兩科數，但你叫佢大學讀數？佢話No way! 數學太悶！

其實除非上到高小遇到高人，發現佢真係人上人，否則，我傾向發展多方面嘅能力

剛好前幾日同一位孩子係數人嘅爸媽傾開，原以為佢係數人，點知"補習老師" 發現其實佢不求甚解，其實一直都係記性好，初中嘅佢，現時沉迷biomedical science，第時想讀醫

真係唔駛太早鎖定單一學科...

daijuju

poutpoutfish 發表於 21-11-5 22:11
謝謝分享！

我地都3歲開始返full day，的確小朋友語言、自理、社交各方面進步左好多。有時同齡社 ...

我仔也喜歡運動，游泳，打波，不過暫時最喜歡始終係數學。佢也喜歡參加群體活動例如圍棋，合唱團等。

iloveapplepie

poutpoutfish 發表於 21-11-5 22:07
我地仲細個，自己係屋企玩下數學遊戲咋。幾粒波子都可以有好多種玩法，可以分類可以計下數（eg十粒波子眯 ...

多謝分享呀

我都認為自學最好, 可以因材施教
我仔仔細個時我地都有同佢玩吓啲簡單數學遊戲, 不過都好簡單
其實我都唔係好知點講....我仔仔性格有啲特別, 自己教佢係有啲困難

情況係咁的, 恕有啲長...
仔仔本身無表現出對數學有興趣,
在k2停課其間, 學校無堂上, 我地想教吓佢啲簡單加減數(之前數手指都未教過佢)
仔仔竟然話早已自己諗到計多位加減數的方法(我地完全唔知有咩啟發佢)
之後教佢3,4,6的乘數表, 想再教佢其他時, 佢就話已經知道規律, 便一口氣背晒其他乘數表(甚至發現到9的倍數的特別規律)
過多一排, 乘數概念較穩固後, 想教佢除數, 佢又話識....
我話無人教過你又識? 便故意俾條雙位有餘除數佢計, 佢真係心算計到正確的商和餘數

雖然啲數佢係計得啱, 但佢計的方法係自創, 所以計算戶法係有啲特別,
以及因為係全心算, 在計較多位數運算時, 速度上會計得慢過紙算
再俾多啲位數的計算佢, 其實個腦已經計唔到

當我地想教佢傳統的計法,
由於佢有好強的自尊心, 同埋佢認為自己已經諗到方法,
佢唔俾我哋教...堅持用自己的方法
所以就算佢識四式運算, 都仲未識用傳統直式方法計

另外, 佢有ADHD, 唔會坐定聽我地講嘢
而且佢經常在意想不到的情況下會情緒爆發到失控,
試過見佢諗一條問題好似諗唔到, 係咁易提咗佢一下, 佢就失咗控, 因為佢要自己諗
教佢係嘔心瀝血, 一來教唔到啲乜, 二來影響親子關係

因此現在我哋教數的方法都係啟發性,
有意無意地在生活中或遊戲中滲啲數學概念俾佢就算。
傳統的教學就交番俾老師,

早前我哋便俾佢去間數學連鎖學校上課,
對於老師的教導, 好彩佢係會聽,
不過每周一小時課程, 佢半小時做晒教師俾的堂課和家課,
老師卻叫佢擦番啲家課留番屋企做, 然後要佢畫公仔或者伏低訓一陣...
我地同老師了解過情況後, 老師就將同類的題目加倍俾佢做... 真係唔知好嬲定好笑,
所以學了幾個月便停了。現在繼續找吓合適的實體課程....

講番, 我個仔仔細個時, 興趣都係好單一, 迷上一樣嘢就會異常沉迷,
佢的社交好弱, 唔同同齡的同學玩, 有感統(五感都異常)和情緒問題,
專家評估話佢係接近自閉(話差一兩項徵狀理論上就係)...
所以我會引誘佢玩好多時下細路鍾意的玩具, 遊戲機和睇卡通片,
一齊同佢研究策略, 討論劇情等...
又同佢參加唔同的群體活動
等佢可以同其他小朋友相處, 多啲話題, 容易融入啲
比較希望佢可以均衡發展

rowanmama

iloveapplepie 發表於 21-11-5 13:38
請問你的小朋友在邊度學數呢? 我都搵緊啱的課程, 謝謝

借小學教材返黎，小朋友鍾意自己睇

rowanmama

iloveapplepie 發表於 21-11-6 22:15
多謝分享呀

我都認為自學最好, 可以因材施教

我地都希望均衡發展，但事實係有啲嘢係天生，點幫都只係去返中位數。例如我小朋友協調弱，我地每日放學去運動班2hr，而家運動能力都只係普普通通。叻既例如數學就唔駛搵老師教自己學。

數學計算比佢慢慢摸索，理解好過就咁背公式。我小朋友都唔識傳統直式，佢覺得計數要由左向右做最快。