直私失意圍爐區 - 小一選校

Rank: 3 Rank: 3


	439

121^#

發表於 21-10-27 09:45 |只看該作者

只怪自己內心不夠強大（嘆氣...
我都報十幾間，收reject收到成個人情緒低落，暫時無final round/offer係手真係好驚！
其實都明小朋友幾運氣都好重要，但自己真係會好唔舒服

chrisycy

Rank: 3 Rank: 3


	151

122^#

發表於 21-10-27 09:56 |只看該作者

JoyceNgYY 發表於 21-10-26 19:12
我都好明白大家既心情。。。

我大仔，A仔黎，仲要係兔年細b，我由 pn 到 k1 加埋我諗收過超過30封 reject ...

欣賞你的分享和堅持

我細女未有任何offer ，都是reject ，考家姐那間也是reject

想起小朋友做BB時，可能是餵唔餵到人奶而令媽媽遇到育兒路上第一次大錯折

跟住係幼稚園面試，現在是小學，學習運動員面對失敗和壓力，媽媽如果能堅持下去，學習the best is yet to come 的心態去面對，總會有機會的，只是時間問題

大家共勉之

點評

gabejang

發表於 21-10-27 11:07

kisani

Rank: 5 Rank: 5


	4188

123^#

發表於 21-10-27 10:01 |只看該作者

本帖最後由 kisani 於 21-10-27 10:07 編輯

考直私失意ge各家長介唔介意講下小朋友本身讀卷幼/私幼/名私幼? (唔洗開名) 或者有冇因疫情關係由私幼轉左卷幼? 如果而家睇返轉頭大家覺得讀卷/私同考直私小結果大唔大關係?

果時我小朋友卷幼出身考直私結果好麻麻但好彩都叫有間私小offer backup去抽獎, 中寶後扣返入心儀ge津小

hkhk8888

Rank: 5 Rank: 5


	2835

124^#

發表於 21-10-27 10:02 |只看該作者

成日都話d offer係集中晒晌同一堆小朋友手上, 佢地最終都會放番出黎, 叫大家唔駛咁擔心

但我諗好多家長目標係想自己仔女有能力成為呢一批小朋友

Ven000

洋房

Rank: 2


	59

125^#

發表於 21-10-27 10:02 |只看該作者

我都報10幾間, 第一間出結果係好多人話最易入果間都REJECT, 第二間連面見機會都冇

當時真係懷疑自己同阿女, 之後第一次有得實地面試, 阿女IN完好開心好有信心咁話自己答岩曬, 當然我知道是錯的, 但見到佢果份熱誠真係開心 ! 再去另一間實地面試, 問阿女好唔好玩呀 ! 佢係唔出聲, 再問佢啦 ! 佢竟然好沉默答我.....唔講得 !!! 我果下真係傷心.......傷心係佢咁細個要承受咁既壓力 !!! 我當日沒有再提面試, 只同佢大玩大食 !

tummypooh

Rank: 5 Rank: 5


	3228

126^#

發表於 21-10-27 11:17 |只看該作者

睇左咁多頁，好感慨，突然諗起︰
「其實當初大家點解想生小朋友？」
「第一眼見到佢時，你最希望小朋友第日會點？」

而家回想下，或者到大家六七十歲諗返幫小朋友考幼稚園同小學時的負能量係咁可笑

條條大路通羅馬，可能有人會講，你地成功左個班人更係咁講。
但大家有冇諗過，其實真係唔係每個小朋友都係讀書人，佢地優秀的地方唔係死背爛記，但因為大人的想法而扼殺左佢地的天賦。

讀書只係人生的一步，係重要，但唔係做唔到最TOP就冇左個人生。試問又冇幾多人真係天才？人生苦短，我會選擇平衡，努力過，接受現實，享受同小朋友一起成長。

tummypooh

Rank: 5 Rank: 5


	3228

127^#

發表於 21-10-27 11:24 |只看該作者

另外，除左怪自己做得唔好，放負比小朋友外，不如務實啲，諗下如果全部直私都唔中，抽獎點填表，會唔會填跨區非熱門但又不錯的學校，叩門叩邊間。

如果錢不是問題，會唔會諗下搬去啲校網好啲的地方（我唔會咁做，但有人會）搏下抽獎。

如果係細B，會唔會讀多年K3或讀小一下年同時插小二同埋再考多次小一直私。

Fatjelly

Rank: 5 Rank: 5


	1105

128^#

發表於 21-10-27 12:18 |只看該作者

tummypooh 發表於 21-10-27 11:17
睇左咁多頁，好感慨，突然諗起︰
「其實當初大家點解想生小朋友？」
「第一眼見到佢時，你最希望小朋友第日 ...

小朋友健康就好<--我而家日日都同自己講一次, 今日已經LOOP左十次

無邊個家長唔希望自己小朋友係叻果班
因為晌呢個地方就係WINNER TAKES ALL
有邊個生個小朋友出黎想佢成為社會既底層?
話行行出狀元，但大家心知肚明根本係騙局

雖則話考唔到直私唔等於小朋友唔叻
但某程度都反映左小朋友市場上既定位
感覺已經唔係考唔考到邊間學校既問題

要接受自己小朋友咁細個已經不停比人否定真係唔容易
總會擔心佢係咪以後既人生就會不停被否定?
而咁災難既人生係咪我帶比佢?係咪我唔識教連累佢?

我感謝好多前輩分享柳暗花明既故事
比到希望好多人

tummypooh

Rank: 5 Rank: 5


	3228

129^#

發表於 21-10-27 12:52 |只看該作者

邊個係WINNER？點先係WINNER呢？

讀書最叻的唔一定係WINNER，我以前間學校應該當年都係頗具競爭力的學校，成績係底的（當然唔係全部），而家出黎做嘢的成績應該叻過好多級頭。

行行出狀元，唔一定係騙局，睇你點去解讀。順豐個老闆係一個例子。90年代幫人送信，我估冇人會覺得呢行會有前途，但而家人地已經係國際龍頭的大老闆。所以行行出狀元，係睇你個腦有幾快轉數，有冇把握時機的能力同膽色（我冇.....

）

比人否定唔係問題，自己同屋企人唔好否定佢先係重要。
讀書唔叻代表唔識教？讀書好叻但品格唔好，又叫唔叫識教？

放鬆啲吧，只係一個起點，如果咁快諗呢樣諗個樣，好快跪低~~~

點評

yyshiu

發表於 21-10-28 11:11

sillyorange

別墅

Rank: 4


	691

130^#

發表於 21-10-27 13:43 |只看該作者

Fatjelly 發表於 21-10-27 12:18
小朋友健康就好

你唔使諗到咁灰呀, 而家先小一, 又唔係一次定生死, 小朋友慢慢長大又會唔同, 會進步, 到升中可能入好學校又唔定... 想開D啦... 唔好太鑽牛角尖呀....

fadgare

Rank: 5 Rank: 5


	3466

131^#

發表於 21-10-27 13:47 |只看該作者

回覆樓主:

我仔都係超細b，考幼稚園都冇offer，讀返pn果間，考小面試都唔叻，in咗2x間最後入咗學術型學校，之後再插班直資。天無絕人之路嘅，加油。

hkcsty

男爵府

Rank: 6 Rank: 6


	5024

132^#

發表於 21-10-27 13:48 |只看該作者

如果有waiting已經不是否定啦，已經付合入學水平
只是學校學位有限！

cn1988

Rank: 3 Rank: 3


	154

133^#

發表於 21-10-27 13:57 |只看該作者

tummypooh 發表於 21-10-27 12:52
邊個係WINNER？點先係WINNER呢？

讀書最叻的唔一定係WINNER，我以前間學校應該當年都係頗具競爭力的學校， ...

非常贊同

cn1988

Rank: 3 Rank: 3


	154

134^#

發表於 21-10-27 14:16 |只看該作者

Fatjelly 發表於 21-10-27 12:18
小朋友健康就好

「被否定」係人生必經，亦係人生歷練。如果由細到大佢冇畀人否定過/冇人敢否定佢，只會仲大鑊

Ven000

洋房

Rank: 2


	59

135^#

發表於 21-10-27 14:30 |只看該作者

多謝各位前輩鼓勵及指導 !

其實我想考直資是因為覺得資源比津校較好, 亦不想每日太多功課的,我不是谷虎媽只想開心學習而且阿女比較好動外向.  所以認為直資學校會適合.......我咁諗唔知岩嗎 ?
但經過早前經歷, 考直私遊戲不是我預期所想的.  心想某些學校有機會點知就冇, 某些諗都冇過有機會點知又有得2ND IN, 有2ND IN 唔代表什麼, 只是有一點點希望

阿女會主動問我1ST IN 結果 ?  點解我未有 2ND IN ?  我同學有考邊間, 點解我冇報到 ?  一大堆問題.... 我都不知點回答, 唔想令佢失望 !  我當然明白這場是配對遊戲.

chrisycy

Rank: 3 Rank: 3


	151

136^#

發表於 21-10-27 14:34 |只看該作者

Fatjelly 發表於 21-10-27 12:18
小朋友健康就好

其實即使入咗名校，唔代表一切，香港以成績為主導的教育制度，如果小朋友真係唔係讀書料子，入咗可能成為分數下犠牲品，破壞親子關係

結論係考唔到唔好即刻否定自己和小朋友，要找到生存的空間，先學會管理自己的壓力和情緒

大抽獎派左位先，如同小朋友找出自己的強項加以培育，真係心有不甘之後咪慢慢轉校，見步行步，無offer 不是世界末日

JoyceNgYY

Rank: 5 Rank: 5


	1365

137^#

發表於 21-10-27 14:51 |只看該作者

chrisycy 發表於 21-10-27 09:56
欣賞你的分享和堅持

我細女未有任何offer ，都是reject ，考家姐那間也是reject

本帖最後由 JoyceNgYY 於 21-10-27 15:36 編輯

其實我依傢講得好似好輕鬆，但我實際上都未輕鬆過

要跟一個A仔唔容易。回想真係發覺，學校都會揀啱佢哋既學生。慶幸哥哥無論之前嗰間定依傢呢間，都係包容有愛心。雖然我都會耐不耐收老師電話，但大家出發點都係為佢好，可以點樣幫到佢，而唔係「投訴」叫家長處理。我都有諗過，即使有幸比個神校offer佢，我諗我或者會開心一陣子既，但到時係入面嗰種壓力我諗我承受唔到。

又講吓我個女，佢性格同哥哥相反。之前我因為懶，pn 時只係考咗哥哥以前間幼稚園，係一間happy 又自由既學校，加上老師由佢係我肚入面已經睇住佢，無可否認老師都會好關愛佢。之後K1我諗住試吓幫佢報女龍幼，佢又好好彩考到，但問十個十個都會話，嘩，你由一間咁free 咁happy 既學校轉去一間咁傳統既女校，你同你個女頂唔頂得順架？但為咗個半龍，我都決定轉校。但結果呢？我既擔心係多餘，我女竟然話鍾意呢間女龍多過以前嗰間happy school。佢話啲小朋友乖啲，老師會比指令佢，佢做到老師又會讚佢，佢覺得好開心。

講咗咁多，其實都只係想帶出，只有最適合小朋友既學校，個個話比你聽嗰間好，唔係代表對你小朋友係好。你睇吓每年一開學，總有好幾個(甚至更多)既小朋友不堪壓力而自殺。

大家有時間睇吓呢2段片可能會有另一番領悟：
https://youtu.be/Ku8LCaSmjQg

https://youtu.be/Pcds1zffIS4

Mmxsrus

別墅

Rank: 4


	942

138^#

發表於 21-10-27 18:02 |只看該作者

唔使擔心，遊戲會玩到明年開學前。這場遊戲除了實力，緣分和運氣，還看耐力和心態。
各位加油呀！覺得壓力大的時候，轉移下注意力，不要讓考小佔據全部的生活。

2015papa