蘇浙 K1 2022-2023 offer

abcd123456789

岩岩收到K am offer ,請問有無蘇幼用家比啲意見(emoji)(emoji)(emoji)
語境好嗎？老師有愛心嗎？功課壓力大嗎？升小好嗎？

同時報左高主教，2間學校邊間好啲？如果有埋offer 應該選邊間？謝謝

利申：等緊高主教interview

SYWu215

我都想知

星期日interview，唔夠一星期就出offer PM班，會唔會因為今年人少容易左

wyan16

係啦, 好易入了AM

luzsdavis

abcd123456789 發表於 21-10-24 08:23
岩岩收到K am offer ,請問有無蘇幼用家比啲意見(emoji)(emoji)(emoji)
語境好嗎？老師有愛心嗎？功課壓力大 ...

K1用家:小朋友從0普通話到依家開學2個月明白簡單句子，間中彈詞語，覺得幾surprise.例如國慶節教節日由來、國旗圖案，小朋友係街見到會指著用普通話講中國國旗。

K1雙班主任加助教老師，有經驗有愛心、耐心，班主任最近話阿仔專注力好左上堂會坐定定。

功課暫時無，有中文識字樂每日帶返屋企方便溫習。學校係按主題教認字，唔係由簡易筆劃開始。按主題小朋友印象深刻啲。下學期開始有線條練習，不過最近英文堂派返黎嘅工作紙居然教sunny,yellow,2,circle,hot.我有啲嚇親。學校適合working parents少野跟

如果你有高主教offer,我會建議你揀高主教。宗教學校會再有愛心些同埋始終有中學部。另外係小班啲可能會多啲家校interaction.蘇浙對家長支援比較少。不過蘇小容許大抽獎係佢優勢

abcd123456789

luzsdavis 發表於 21-10-25 17:40
K1用家:小朋友從0普通話到依家開學2個月明白簡單句子，間中彈詞語，覺得幾surprise.例如國慶節教節日由來 ...

謝謝！個日幫佢interview 個老師普通話同英文都好native ! 感覺上語境幾好！
不過佢offer出得好快！擔心間學校係咪甘好！因為吾太熟東區學校！
始終係working parents，盡量都吾想跟太多野
而且報埋蘇浙國際！不過仲未有得in!
請問你對蘇浙國際有啲咩comment

吾知高主教語境係咪一樣甘好！

SYWu215

我個日用講廣東話，無聽到有人用英文，外國人都唔見

abcd123456789

SYWu215 發表於 21-10-25 21:08
我個日用講廣東話，無聽到有人用英文，外國人都唔見

小朋友屋企講英文多，老師面試係用英文！家長就講返廣東話

yinyeon

luzsdavis 發表於 21-10-25 17:40
K1用家:小朋友從0普通話到依家開學2個月明白簡單句子，間中彈詞語，覺得幾surprise.例如國慶節教節日由來 ...

你好, 謝分享, 我另外都想借位問多少少. 見教局個網寫 "音體藝為本校特色課程", 又見話有芭蕾舞室, 想問KCS有冇課外活動 俾家長自費參加? 如有,咩時候多? 星期六? 定下午班放學後? 唔計課外活動, 平日上堂都多活動玩嗎?


見佢地都大班, 現在有返食茶點未? 如有, 係用間板隔開小朋友食?


想問佢地K2, K3學術似傳統劵幼定再淺D?


你小朋友英文對答有進步嗎? 見佢英都少過普好多.


唔好意思, 問得有點多, 請見諒.

luzsdavis

yinyeon 發表於 21-11-3 15:23
你好, 謝分享, 我另外都想借位問多少少. 見教局個網寫 "音體藝為本校特色課程", 又見話有芭蕾舞室, 想問KC ...

芭蕾舞室應該係for小學部。蘇幼係零課外活動的。我見手冊上有活動遊戲時間，上科學堂時亦透過活動教學教授的

依家有茶點時間，會用膠板隔開

學術方面用K1上學期做例子，其實已經有唔少執筆練字機會。英文堂習作會引導學生寫hot,snowy,yellow,數目字等等，但當然係油顏色為目的其次寫下認下字。唔係真抄寫。至於K2-3學術程度方面聽其他家長分享係會有重組句子、簡單閱讀理解。數學就真係偏淺，好似個位加減數。我唔係好識同傳統卷幼學術比較，但可以話kcs學術比上不足比下有餘，足夠應付津小。

KCS始終大班，光靠學校英文堂想英文對答流利係比較困難。如果注重英文，建議kcis,真係會練到流利英文。另外KCS好多普景、英景家庭小朋友入讀，我係廣東話家庭，語言能力開學時較遜色。所以安排上英語會話同phonics班增強能力。

總括黎講，蘇幼學術算中上無偏淺、3年幼稚園聽家長真係少功課，呢樣升小可能要注意下。另外如果target考其他直私，建議K2開始上面試班，練一練對答同補一補學術，到K3學期頭比較有能力面試

yinyeon

luzsdavis 發表於 21-11-13 23:50
芭蕾舞室應該係for小學部。蘇幼係零課外活動的。我見手冊上有活動遊戲時間，上科學堂時亦透過活動教學教授 ...

多謝你的詳細回覆  

其實我都重視中文，因中文真係難過英文好多，kcs普通話語境唔知讀完3年後中文係咪會都唔錯呢，認字方面係咪都ok?

唔知kcs叩門14網津小有冇少少優勢呢? 14網d津小中唔中意ksc? (撇除小朋友面試表現之外咁計)

你覺得學校教品德方面怎樣，另外，kcs係咪真係好傳統，定都係會有引導到小朋友探索，自主學習，培養到學習興趣個d?

謝謝。

luzsdavis

就K1開學到依家而言學校係按主題教認字，所以唔係由簡單筆劃土、大個啲教起。同埋會延伸教句子培養句式感。我覺得學校教得幾好，小朋友幾吸收。因為KCS少功課，所以家長有更多時間培養小朋友閱讀認字能力。

津小自行、大抽獎階段唔睇讀邊間幼稚園的。自行階段計分，大抽獎靠號碼抽。

品德方面學校執得好正，尤其待人接物、禮貌方面，我小朋友依家自動自覺入到課室第一句講老師早安，同學之間好有愛。教學方面我覺得一半傳統一半活動主要睇科目。中英數比較傳統，科學就多活動。