面試班的感受

aiko_0428

上面試班上到作為媽媽既我真係好沮喪，大家媽媽有無同感？初初原意諗住可以比小朋友熟悉下面試既應對，但無諗過最後連作為家長既我都對自己小朋友失去信心，咁到底曬咁多錢同時間為左乜？最後我最後一堂都唔想比小朋友上，我覺得我自己都好無力😔

zebrama

點解？老師同你反映？

ipki

發生咩事?
正常老師會堂堂話返你知小朋友情況

aiko_0428

初初都上得唔錯，但越上就越差，我指小朋友表現，每次拋個問題比我，我聽完又唔識點處理，越聽越唔開心，攪到我好沮喪，初初都好比心機同小朋友學習下，到依家覺得連自己都無晒信心，我點比信心叫佢加油

jessicasaisai

你意思係個老師把問題拋番給你？

zebrama

唔好唔開心，面試班只係教一d基本模式丶程序，練習都係交俾家長，俾d耐性，慢慢來

aiko_0428

係，話佢坐得唔好，要我訓練佢耐性要坐得耐d,本身我小朋友無問題，佢只係好動d,所以面試呢個遊戲唔岩佢玩

aiko_0428

老師都表明佢初初表現好好，但依家有倒退情況，聽完我只係啞左，咁我究竟做緊咩，好似上面試班害左佢，到頭來我得到d咩野

jessicasaisai

面試班唔代表面試結果，繼續努力(emoji)(emoji)

aiko_0428

多謝大家安慰😞

aiko_0428

回覆 ipki 的帖子

有呀，好同唔好都會講，但到後期接收到既就係佢表現唔好，我真係越聽越唔想聽，我都好無奈，聽完真係好抑鬱，試過放學情緒崩潰到我一手撕碎張評分紙

bbellchung

aiko_0428 發表於 21-8-23 17:29
上面試班上到作為媽媽既我真係好沮喪，大家媽媽有無同感？初初原意諗住可以比小朋友熟悉下面試既應對，但無 ...

唔講差啲，點嚇到你怕繼續課金。萬一考唔上，佢又可戴定頭盔～(拿，我話咗啦，你唔同小朋友練，咪考唔上囉！)考到，榮耀又歸於面試班。
每個人都有優缺點，何況一個4、5歲嘅小朋友？畀啲信心自己小朋友。考小係緣份遊戲。考唔到，亦唔代表小朋友唔好。加油啊！

lflxl

唔值得為咗呢啲唔開心呀！家長比啲信心自己同小朋友。可能只係內容悶同氣氛太嚴肅，小朋友無耐性好正常。我仔上完面試班都係比老師話學術欠缺，我對最後結果都好平常心嘅。十項全能都要睇臨場發揮。所以唔需要介懷。唔好因為外人而否定你小朋友。

aiko_0428

回覆 bbellchung 的帖子

多謝你，所以我決定唔上面試班，比小朋友多d時間玩下

aiko_0428

回覆 lflxl 的帖子

你講得好岩，多謝你，無比較無傷害，我應該多d欣賞小朋友好既地方

lovelovebabe

我小朋友都有去面試班，結論覺得唔上好過。

bkin1025

aiko_0428 發表於 21-8-23 17:29
上面試班上到作為媽媽既我真係好沮喪，大家媽媽有無同感？初初原意諗住可以比小朋友熟悉下面試既應對，但無 ...

面試班D老師好多都好嚴格, assume 你係要報神校咁勁操你個仔/女, 但係太嚴好多時反而有反效果, 特別係對嗰D 好動既小朋友, 你應該要立刻換老師OR 換面試班.
我個仔嗰陣就遇到個好嚴既, 話唔鐘意上堂, 我地即刻換左個冇嚴格有愛心既, 上得好開心.

唔係話嚴格既老師唔好, 有D小朋友谷得, 有D小朋友唔谷得, 要用其他方法教, 最重要係搵適合既老師俾你個仔/女.

sheepmeimei

我覺得上中英數or講故事班都已經足夠，直私同叩門大致上都係考學術傾下計。
千祈唔好比呢件事影響到自己同小朋友關係呢！
小朋友好快唔記得件事，唔好再責怪自己

Orhome

媽媽懸崖勒馬做得好！考小一，小朋友自信心同父母情緒都好關鍵，比啲信心自己小朋友，祝妳地成功。

aiko_0428

回覆 lovelovebabe 的帖子

無錯，上完都唔知得到d咩，情願多d時間陪佢出去玩好過