華夏盃

王家爸爸

jazzcf 發表於 21-8-17 12:03
想請教, 小朋友對奧數有興趣, 如果將來打算參加華夏盃比賽, 應該o係邊學最好?

Thank you!

其實睇目的：
如果平時數學概念好，又諗住求其攞個二等奬/銀獎，三等奬/銅獎，當集郵，其實裸考就得。
如果想攞一等奬/金獎，甚至特等獎，咁就參加主辦機構既課程。

王家爸爸

jazzcf 發表於 21-9-27 12:09
想請教:

已經上緊主辦機構的奧數課程, 請問如果只係上幾個月, 有機會奧數比賽中有獎嗎? 只有三等獎已經滿 ...

其實好睇小朋友既情況，我小朋友以前無參加課程，都可以攞到二等獎，亦試過金獎。
小朋友一般都係睇餸食飯，如果參加，我諗你既目標應該定高啲，咁小朋友就自然會勤力啲。

王家爸爸

jazzcf 發表於 21-9-27 14:00
多謝指教!

你小朋友好犀利!

都係嗰句，你叫小朋友玩奧數既目的係嘜？你需要知道自己既目的，先可能可以定目標。然後先至根據目標去定要做既野。

王家爸爸

jazzcf 發表於 21-9-27 14:52
明白, 我初步想培養小朋友對奧數的興趣, 至於參賽及獎項, 都係錦上添花!

簡單啲講，奧數有啲似數學雜技，學奧數同數學就好似學雜技同運動。問題係你係想小朋友對雜技有興趣定係對運動有興趣。雖然運動叻，身手好，學雜技都快啲。同樣道理，雜技叻，身手好，學運動亦會快啲。但係雜技同運動，始終唔係同一樣野，而升中時，學校睇既係運動，唔係雜技。而學奧數同雜技，真係純粹為咗興趣，無興趣好難做得好。而玩運動既人去參加雜技比賽，可能純粹係貪得意。