中一英中，中二想轉中文中學，點樣選校？

ZLQKAREN

大家好！我住係沙田，囡囡中一入咗間band1B學校,留咗一年，成績都欠佳，學校要留多一次，但囡唔想讀英中，冇晒信心，想轉中文中學，可以中二插班中文中學嗎？交咗好多份band2學校申請表，但都冇消息，點算好？

selina1109

ZLQKAREN 發表於 21-7-22 17:07
大家好！我住係沙田，囡囡中一入咗間band1B學校,留咗一年，成績都欠佳，學校要留多一次，但囡唔想讀英中， ...

有無申請冷門band 2？如黃允畋。

bbforever

ZLQKAREN 發表於 21-7-22 17:07
大家好！我住係沙田，囡囡中一入咗間band1B學校,留咗一年，成績都欠佳，學校要留多一次，但囡唔想讀英中， ...

試下搵直資中文中學，如九龍城創知～

fishballbaby

或者試吓林大輝，雖然也是英中，但是會無原本的學校咁大競爭，囡囡自信心都會好啲

ZLQKAREN

回覆 selina1109 的帖子

我交咗申请表俾梁文燕、楊葛小琳、胡忠、馬崇、馮黃鳳亭，都沒有消息，真係唔知點算，好心急，黃允畋沒有交申請表？這個學校校風好唔好？

ZLQKAREN

我交咗申请表俾梁文燕、楊葛小琳、胡忠、馬崇、馮黃鳳亭，都沒有消息，真係唔知點算，好心急，黃允畋沒有交申請表？這個學校校風好唔好？

selina1109

ZLQKAREN 發表於 21-7-25 15:43
回覆 selina1109 的帖子

我交咗申请表俾梁文燕、楊葛小琳、胡忠、馬崇、馮黃鳳亭，都沒有消息，真係唔知點 ...

其實呢間校風都ok 架，無咩人揀係因為佛教，同埋位置都偏，佢都有英文班。

KITTYCOW2009

ZLQKAREN 發表於 21-7-25 15:43
我交咗申请表俾梁文燕、楊葛小琳、胡忠、馬崇、馮黃鳳亭，都沒有消息，真係唔知點算，好心急，黃允畋沒有交 ...

大包圍，報埋 陳楷、覺光、青年會、五育 呢啲。

洋蔥頭媽咪

ZLQKAREN 發表於 21-7-25 15:43
我交咗申请表俾梁文燕、楊葛小琳、胡忠、馬崇、馮黃鳳亭，都沒有消息，真係唔知點算，好心急，黃允畋沒有交 ...

你交呢幾間都算熱門，如果仍未有音訊，再交青年會、覺光、劉百樂、陳階、黄允畋，佢收你先再揀。

Plant_flowers

唔好將自己焗限係沙田區，其他區都搵下，都就嚟9月你要快啲喇

bbq2008

如果升中二可行嗎?

tjbb168

跨區得唔得? 可試葵青區, 都好多中學, 不過現在放暑假, 你碰碰運氣.

王家爸爸

ZLQKAREN 發表於 21-7-22 17:07
大家好！我住係沙田，囡囡中一入咗間band1B學校,留咗一年，成績都欠佳，學校要留多一次，但囡唔想讀英中， ...

個人認為，你首先考慮既係小朋友係唔係真係因為英文追唔上先至成績差。
如果唔係既話，從英中轉中中，只係從一個坑，跳去另一個坑。
如果係英文追唔上先至搞成咁，咁需要考慮既係，當初入到間band1B學校，小朋友一定係B1學生，即係英文唔應該有大問題。點解小朋友會從叻學生變成咁，中間有啲嘜野改變咗。而呢啲改變又點樣令小朋友冇晒信心。
我估你想轉中文中學，學校都會考慮上面講既野。你交band2學校申請表既時候，點樣令老師無呢啲疑慮，會係申請成敗既重點。

王家爸爸

Plant_flowers 發表於 21-7-25 19:49
唔好將自己焗限係沙田區，其他區都搵下，都就嚟9月你要快啲喇

沙田係大區，如果沙田都唔得，其他區唔會容易得去邊。

ZLQKAREN

回覆 bbforever 的帖子

創知校風點樣？好唔好？創知和惠僑比較，哪一間好點

ZLQKAREN

回覆 王家爸爸 的帖子

首先多謝你的意見。囡囡小學成績係幾好嘅，操行都係A，佢嘅成績都係b1尾咁,我當時進取咗，選擇b1不，但保第一輪面試就取录了。后尾因疫情關係，網上上課，至佢鬆散咗，成日打機，再加上全英教學，令佢成績一落千丈，留咗一年班，成績好咗好多，但都未達標，依家佢唔想到返去讀，一定要轉中文中學，唔係後果更嚴重，佢都決心話轉中文中學，一定比心機讀，依家插班咁難，唔知點算，想考慮直資惠僑或創知，可以俾啲意見嗎？謝謝

ZLQKAREN

回覆 王家爸爸 的帖子

首先多謝你的意見。囡囡小學成績係幾好嘅，操行都係A，佢嘅成績都係b1尾咁,我當時進取咗，選擇b1中，但係第一輪面試就取录了。后尾因疫情關係，網上上課，至佢鬆散咗，成日打機，再加上全英教學，同學競爭激烈，失去信心，令佢成績一落千丈，留咗一年班，成績好咗好多，但都未達標，依家佢唔想到返去讀，一定要轉中文中學，唔係後果更嚴重，佢都決心話轉中文中學，一定比心機讀書，依家插班咁難，唔知點算，想考慮直資惠僑或創知，可以俾啲意見嗎？謝謝

ZLQKAREN

回覆 王家爸爸 的帖子

首先多謝你的意見。囡囡小學成績係幾好嘅，操行都係A，佢嘅成績都係band1尾咁,我當時進取咗，選擇band 1中，係第一輪面試就取录了。后尾因疫情關係，網上上課，至佢鬆散咗，成日打機，再加上全英教學，同學之間競爭激烈，令佢失去信心，成績一落千丈，留咗一年班，成績好咗好多，但都未達標，依家佢唔想到返去讀，一定要轉中文中學，唔係後果更嚴重，佢都決心話轉中文中學，一定比心機讀，依家插班咁難，唔知點算，想考慮直資惠僑或創知，可以俾啲意見嗎？謝謝

王家爸爸

ZLQKAREN 發表於 21-7-28 11:13
回覆 王家爸爸 的帖子

首先多謝你的意見。囡囡小學成績係幾好嘅，操行都係A，佢嘅成績都係band1尾咁,我當 ...

我既意見，如果你囡囡第一輪面試就取錄咗，咁學校當時一定認為你囡囡有能力讀，而且可以讀好。
疫情之下上網課，唔係個個小朋友都適應，我自己小朋友都鬆散咗，DSE都同預期有落差，幸好小朋友睇好多美劇，英文講得地道，所以大學面試無問題。
我估失去信心，係你囡囡既最大問題。不如建議佢趁暑假，唔好打機，改為煲美劇。起碼英文會多咗信心，可能效果更好。
至於轉中文中學，問題未必一定解決到，例如中文專有名詞唔係想像中咁容易記。

ZLQKAREN

回覆 王家爸爸 的帖子

佢話轉讀中文中學，一定會努力追上去，佢唔係唔想讀，係唔哂信心，一定要讀中文中學，等佢有返啲自信