學之園vs協恩vs民生

Kidkidling

呢三間的K1，應該點選？學之園喺屋企樓下，另外兩間要坐校車。

kc33

你要津校定直私？

學之園考直私比較出色 家長要長期陪伴學習學校教材

協幼上協恩容易好多 出去考小都可以 但升小無咁多training 同小學唔係一條龍上中學要留意

民生唔熟 留比人答

Kidkidling

多數直私。本身哥哥係民幼生，覺得學之園教得比較好，教材有心機，小朋友學得好，但係無小學backup，家長係雙職，未必有好多時間跟貼功課。怕到時放棄半龍，到時小學又無offer就會後悔。協恩就覺得啲小朋友都教得幾好。

jennylady

心頭高，搏殺型父母揀LH

鍾意民小，就讀民幼。讀龍幼唔可以報太多直私，請假請得多去interview 會比老師話。報下神校，幾間玩下係可以的

HY 唔清楚

twinkle00

回覆 jennylady 的帖子

同意, 心頭高揀LH, play safe 揀MS.
HY 係津校, 無得直升但好似只有協幼先可以扣.  

Kidkidling

咁如果父母都唔算得上係好進取，未必有大量時間訓練小朋友，似乎選民生係穩陣啲，即使學之園完全不用travel又係一間有口碑的好學校，要放棄真係好唔捨得呢

slayerivy

kc33 發表於 21-7-23 00:58
你要津校定直私？

學之園考直私比較出色 家長要長期陪伴學習學校教材

學之園冇小學backup,學校有好多資源俾家長，睇你自己用唔用佢教材，學校亦會教面試技巧。我識嘅朋友係雙職家長，冇乜點教個小朋友，中文認字方面好似弱啲，不過英文同普通話可以，所以都考得唔錯，進取型家長可以揀。

協恩我利申一下，我係用家。協恩其實已經斷晒龍，升小學只得每年嘅留級位，每年66人爭呢9個扣門位。留意一點，呢9個扣門位係公開嘅，唔一定留俾協幼學生，要睇小學校長嘅取態，今年就大部分都收返協幼。協恩好着重presentation skill，基本上係由K1就開始train，中文亦教得深，出去考小一嘅成績都唔錯。

民生升小絕對係有保障好多，K2開始就會有小學老師嚟評估，但你要諗清楚小學係唔係真係想讀民小，因為要升民小係要放棄大抽獎嘅，即係到時都只可以報其他私校，讀唔返學券，一直讀私校嘅開支亦需要考慮一下。

kimlam953

slayerivy 發表於 21-8-9 21:13
學之園冇小學backup,學校有好多資源俾家長，睇你自己用唔用佢教材，學校亦會教面試技巧。我識嘅朋友係雙職 ...

Deleted

happymeme

一定民生！民小，民中都非常好。

Kidkidling

slayerivy 發表於 21-8-9 21:13
學之園冇小學backup,學校有好多資源俾家長，睇你自己用唔用佢教材，學校亦會教面試技巧。我識嘅朋友係雙職 ...

協恩好少位，都比較少用家的意見，多謝你嘅資料，我之前都問過下人，都係話去外面考得都唔錯，可能因為學校的training做得好。不過我唔係協恩舊生，又唔係首名子女，又唔住嗰區，升小應該都好輸蝕，應該會放棄。

宜家學之園開左學，應該會試下先，睇下小朋友適唔適合。好大機會最後讀民生，始終有半龍好似個心好似定啲。

Fishy1122

Kidkidling 發表於 21-8-11 17:04
協恩好少位，都比較少用家的意見，多謝你嘅資料，我之前都問過下人，都係話去外面考得都唔錯，可能因為學 ...

請問樓主最後揀咗邊間？讀得好嗎？

mclh

近好

SawMo

MS 幼上小好似得一半左右, 因為幼多人過小, 是MS朋友告知, 可以fact check 下

keikolau

SawMo 發表於 22-6-8 16:48
MS 幼上小好似得一半左右, 因為幼多人過小, 是MS朋友告知, 可以fact check 下

唔止一半，大約8成，我小朋友讀緊

jbbmom

民生