谷成績vs預備面試

dayedaye

多謝大家建議，我會仔細考量。

dayedaye

因為我自己都係性格内歛，當年係派入band 1中學（現在計係band 1b)吧。

以前屋企人就係因為覺得我内歛，成日逼我同人講嘢，又逼我參與樂器表演，有點適得其反，令我好尷尬、挫敗，後嚟更係反感，連樂器都唔再學（太常要我無預備好就喺人面前彈奏）。所以我唔想逼個仔太緊……

我上到高中、大學，甚至出嚟做嘢，因為個人慢慢成熟，即使無改內歛本性，都建立到social and presentation skills。高中同大學都有參加個人嘅歌唱比賽，因為成熟左，其他範疇嘅成功經驗又多左，加上預備好，又真係自己喜歡嘅活動，就唔會怕羞。所以我諗，係要比時間個細路仔成熟吧？

如果當年要我面試，我應該幾驚下。

Chowying

dayedaye 發表於 21-7-19 15:42
因為我自己都係性格内歛，當年係派入band 1中學（現在計係band 1b)吧。

以前屋企人就係因為覺得我内歛，成 ...

你冇唔啱， 的確要時間 畀細路仔慢慢長大成熟。 但係咁樣唔代表就唔練習 ，你最清楚自己嘅細路，適量咁樣去學都係需要㗎。當年a level英文oral 考試， 四個人一組， 考試前喺預備室我哋先至知道同咩人一齊考， 傾計發覺，第一個 畀我好半至一級咁， 第二個低我半級左右， 不過可能爭生爭死之後個grade出嚟係一樣同我， 最後嗰個簡直係差中之差，band 5 咁。

考完出嚟結果點樣呢， 低我半級嗰個 唔願意講嘢， 我已經問佢問題，佢都只係答 yes一個字， 全場人望住佢， 反而我話差中之差嗰個文法錯曬，發音好難聽但係好積極講嘢。 結果討論 完結 嗰陣 嗰個所謂差我半級嘅男仔只係講過兩個 單詞. 呢個係現實嘅悲哀，我都睇唔到佢會點樣合格。

純粹分享下 。
其實話去練習或者面試班只係學下並唔係要逼到你一步到位。

dayedaye

Chowying 發表於 21-7-20 18:32
你冇唔啱， 的確要時間 畀細路仔慢慢長大成熟。 但係咁樣唔代表就唔練習 ，你最清楚自己嘅細路，適量咁樣去 ...

Ic(emoji)
又未至於咁誇張，殺到埋身，其實係會講嘢(emoji)

dayedaye

Chowying 發表於 21-7-20 18:32
你冇唔啱， 的確要時間 畀細路仔慢慢長大成熟。 但係咁樣唔代表就唔練習 ，你最清楚自己嘅細路，適量咁樣去 ...

考公開試之前，大部分人都有經歷過intensive training吧⋯⋯唔出聲，即係想自殺啫。

Face3366

dayedaye 發表於 21-7-19 15:42
因為我自己都係性格内歛，當年係派入band 1中學（現在計係band 1b)吧。

以前屋企人就係因為覺得我内歛，成 ...

咁我覺得係你屋企人用錯方法，致令你覺得係逼你同人溝通。嘗試多D鼓勵，自然輕鬆D，相信會有所改變。

Face3366

你谷，其他人也在谷，所謂的劇場效應。所以小五谷成績其實都頗講策略。孩子能夠配合已經成功了一半，否則也要視情況而定。

Chowying

dayedaye 發表於 21-7-20 21:03
考公開試之前，大部分人都有經歷過intensive training吧⋯⋯唔出聲，即係想自殺啫。
...

那男仔比我感覺係非常慢熱， 有啲人可能喺學校同識嘅同學一齊冇問題， 但同陌生人就好怕講， 奈何面試嘅重點其實就係會同陌生人一齊講嘢。當年我有 特登 去補習社， 混埋唔同學校嘅學生練習oral discussion part， oral 果 part 出黎我有 B 嫁，所以都鄧個男仔慘，佢基本唔差。

miriam

版主按：含有PM回文，請看基本版規第一項

JojoDad

dayedaye 發表於 21-7-16 14:35
想請教，今年小朋友升五年級，由於小朋友性格內歛，估計六年級都未必成熟到面試可以對答如流。咁其實係咪全 ...

如是者，先谷好呈123，面試嘅嘢，前中學主任告訴我其實自行先斎睇成績已經決定左超過8成人選，面試時就睇下個細路是否正正常常，過下場就算啦，不過D portfolio 現時已可開始准備，好似上面話斎，揾間平平地的面試班熟習下就夠了，順便佢同你砌個portfolio 的框架。
另外想問下樓主邊區？

Sappy_Kerry

Chowying 發表於 21-7-16 14:44
兩樣都要，其實你而家暑假就應該搞搞面試啲嘢啦， 咁多時間。

當年我其實小四就幫個女揀老師練習 面試 ...

重覆，del

JojoDad

王家爸爸 發表於 21-7-16 16:17
如果小朋友性格內歛，迫佢面試時對答如流，相信需要付出相當大既代價。反而如果目標係自己住嗰區嘅英中，咁 ...

我地1C/2A邊緣人就係咁戰略”碌”左入間英中，讀得算幾好。

dayedaye

JojoDad 發表於 21-7-26 22:27
如是者，先谷好呈123，面試嘅嘢，前中學主任告訴我其實自行先斎睇成績已經決定左超過8成人選，面試時就睇 ...

葵青。

其實都同時想同佢考直資，好似英語語景好啲咁，但都疑慮真實情況係咪咁（畢竟直資要比錢，都要多考慮）。

我自己小時候係地區英中長大，工作都係用英文揾食。但好老實講，我覺得地區英中除左上堂同課本有用英文，其他範疇英文語景好一般，學生亦因為老師逼先會睇吓睇英文書。

Face3366

以我個人經驗：如果目標係地區B1c英中，我覺得成績好嘅話，機會係百分百。面試係熱門直資及神校先玩嘅游戲，不過都係成績行先。即係概括咁講，成績好（當然係講區內),而目標不太進取嘅，基本不用怎操面試。留返D心血溫好書罷啦⋯⋯

dayedaye

Face3366 發表於 21-9-8 12:09
以我個人經驗：如果目標係地區B1c英中，我覺得成績好嘅話，機會係百分百。面試係熱門直資及神校先玩嘅游戲 ...

都有諗直資，但唔係神校，較心儀匯基（東九龍）。

葵青區內心儀安柱，B1b。

佢小學本身多人派保良局83，間學校整體成績認為ok。但因為現時小學，我對學校嘅英語語景已頗為失望，所以都幾擔心青衣嘅中學，就算band 1，都英語語景欠佳…..

Face3366

dayedaye 發表於 21-9-8 12:19
都有諗直資，但唔係神校，較心儀匯基（東九龍）。

葵青區內心儀安柱，B1b。

語景呢家嘢好難奢求，唯有自己爭取機會多D同人講。

Face3366

面試講英文其實要執生。有時候遇到唔識嘅單詞，可以用意義相近而咁岩自己又識嘅字代替，并唔影響你表達嘅意思。

dayedaye

Face3366 發表於 21-9-8 12:39
面試講英文其實要執生。有時候遇到唔識嘅單詞，可以用意義相近而咁岩自己又識嘅字代替，并唔影響你表達嘅意 ...

明白，謝謝你意見

ihui

kirstyau 發表於 21-7-16 14:53
本帖最後由 kirstyau 於 21-7-16 14:53 編輯

一定成績先。面試既野，平平地每星期上一堂網上外藉1：1  ...

那裡搵到這些網上外籍一對一？