幫下我﹗歲半好驚上playgroup，係自閉定社交問題？

chichi730

17個月先開始上playgroup，試左3間，上左7堂，除左其中一堂冇喊，其他堂堂喊，仲越來越嚴重，大家可以幫我分析下佢似唔似自閉定社交問題定點？十分擔心年尾Interview佢一定會喊，點算？
1. 通常佢新playgroup第一堂係後半part開始喊，然後第二堂喊既時間會提早，然後第三堂一去到學校門口就喊住要出返去。
2. 其中一間playgroup通常要入房circle time佢就好驚開始失按大喊，miss行埋去同佢講野佢又好驚，搞到我地要離開班房，但在外面玩滑梯佢又冇事。
3. 另一間直情邊個位都喊，遊樂場又喊，circle time更加喊。佢唔係好似其他小朋友只係頭2堂喊，佢係越喊越嚴重，一定要你離開學校嗰隻
4.只試過一次冇喊，嗰次課室門口玩左陣，入到去班房未係好多人，嗰次全堂冇喊，我仲好開心以為佢冇問題，點知第二堂circle time已經喊
5.去診所、健康院又係，一入房喊到鬼咁嘈，D姑娘都好想趕我地出去、但去商場嗰D又冇咩
6去公園佢尤其鍾意玩轉軚盤，不過在我地多次開導下而家都會玩下其他，不過如果有小朋友行埋來佢就會停左喺到有少少唔知點算，而佢想玩既遊戲如果有其他人玩佢緊就唔敢行過去，會等人地玩完先敢行埋去，唔似其他小朋友咁周圍跑周圍撞，同埋佢好鍾意跟住D盲人路線行。
7. 佢唔鍾意玩messy play，唔鍾意整污糟手腳。
8. 去一個新的室內遊樂場、Playgroup又好，佢會在一個角落玩好耐，唔敢行去其他地方玩(係唔敢，因為佢在屋企係呢到玩下嗰到玩下)，要又呃又TUM好耐先肯行開，唔係就喊，但去多幾次會好少少
9佢語言冇問題，會學人講一句佢講一句，17個月已經識講簡單句子，例如︰爸爸抱BB，打PATPAT，媽媽到
10. 鍾意重覆一D動作，例如開關盒子、開關杯蓋，唔知關唔關平時食飯佢唔肯食，我地要用呢D來呃佢食飯有關。去玩沙佢會不斷咁用手(唔用工具)將沙搬去另1個兜到，但我感覺唔到佢好enjoy
11.佢見到屋企個櫃門未關好一定要人關上，見到地下有垃圾一定要自己或叫人丟左佢，冷氣遙控佢禁完後一定要自己擺回原位
12眼神接觸完全冇問題，見到熟悉既人會好開心咁叫人，但例如去婆婆到，見到姨姨(已見過30次以上)都仲係有D驚驚地。
13喺屋企佢唔肯自己玩，一定要有個人陪住佢喺隔離，你一行開佢會做D危險動作(例如企上梳化)令你行返埋來。
14唔肯俾人捉住隻手教佢野，一定FING開你隻手，所以用餐具唔係好叻
15冇自毁傾向，整親會大喊知痛。
16訓覺要抱先訓到，食飯餐餐要用幾十樣道具又呃又TUM先餵到，仲要餵成個鐘，唔肯自己食野，要餵(簡單和佢鍾意食既水果、小食除外)媽媽表示好攰，但都唔緊要，只想知佢係唔係有少少自閉，定係社交問題，定係正常，只係人人性格唔同？唔知點解決佢驚人問題，堅持留在班房佢係咁喊，走左又好似逃避咁，同埋好擔心幾個月後interview喊，想趁呢段時間幫佢解開心結，謝謝大家幫忙﹗

Wwong071

會不會只是ㄧ位高敏兒? 高敏兒不是一種 diagnose...詳情可以google. 很多介紹的。

LifeisBlue

回覆 chichi730 的帖子

你記錄得好詳細，不如去做評估，有無去母嬰健康院問下?  我記起當年我仔，係母嬰健康院姑娘轉介我去九龍中。