有冇2022入讀救恩學校小一 - 小一選校

Rank: 5 Rank: 5


	1365

2^#

發表於 21-6-1 04:58 |只看該作者

回覆樓主:

我小朋友讀緊，你想知啲咩？

ipchai

Rank: 2


	60

3^#

發表於 21-6-1 10:51 |只看該作者

JoyceNgYY 發表於 21-6-1 04:58
我小朋友讀緊，你想知啲咩？

你好，請問小朋友是否真的可以做到愉快學習？即係返學開心得嚟又學到嘢？學校面積似乎不大，請問內裏的設施和環境怎樣？學校沒有中學直上，到高小時讀書壓力會很大嗎？

mkwlsab

Rank: 2


	83

4^#

發表於 21-6-1 11:20 |只看該作者

我想問下語境如何？好似好多科目用中文教，擔心英文程度。

Vividada4472

Rank: 5 Rank: 5


	1593

5^#

發表於 21-6-1 14:57 |只看該作者

if pick for Happy School then academic wise would not be that pushy.

Rank: 5 Rank: 5


	1365

6^#

發表於 21-6-1 15:06 |只看該作者

ipchai 發表於 21-6-1 10:51
你好，請問小朋友是否真的可以做到愉快學習？即係返學開心得嚟又學到嘢？學校面積似乎不大，請問內裏的設 ...

本帖最後由 JoyceNgYY 於 21-6-1 15:33 編輯

愉快學習係一定可以的，而且絕對學到野(我指正常程度)。我小朋友因為今年上zoom 太懶散我先至幫佢搵個小學老師幫佢補習，補習老師話佢地啲野一啲都唔淺(唔深但絕對唔淺)。我諗可以愉快學習既原因係：

1. 少測考壓力，少功課。連默書一年都唔會超過10次，雖有評估，但其實有留心上堂，唔溫都唔會太差 (利申：我小朋友絕對唔係天生麗質嗰種唔洗讀既 type)。家長普遍都唔係虎媽 / 怪獸家長，同學之間競爭唔大。

2. 普遍老師都好有愛心(雖然有幾個我覺得一般，但都唔係差嗰隻)，我小朋友之前上zoom 遊魂太勁啲 tenses 一塌糊塗，返咗學後我見老師有特別幫佢再溫一次，幫佢用highlighter 間住啲keyword 教佢點睇幾時轉 form 。做得好時老師會稱讚佢哋，做得唔好老師會鼓勵佢哋。

3. 要相信 Happy School 唔係等於 Hea 讀。咁點解學到野？學校同老師係用咗好多「花臣」既。例如我記得初小時，中文啱啱要開始學形容詞，佢哋首先係要畫一張佢哋設計既雪糕甜筒，之後用形容詞去形容支甜筒，最後仲真係有真既甜筒食！學形容人物表情，會用比卡超做sample。又例如學寫書信，佢哋有係學校寫封家書，寄番屋企比父母。就連平時啲功課，因為校本課程啲工作紙全部學校自己既，啲題目好多時subject 係佢哋自己老師同學名，題目也好update，例如會係佢哋最近發生或者經歷既野。唔好睇少呢啲細節野，小朋友做功課時都覺得好開心 (特別見到自己個名時)

設施還可以，基本野都有，課室設計得好舒服 (search 吓救恩啲video會見到)，有音樂室，視藝室，操場，禮堂(用教會嗰個)，圖書館(佢哋叫學習中心) 藏書量豐富，也鼓勵閱讀。沒有既設施，例如足球場，游泳池，都會安排帶出去附近政府場地學習，唔會因為冇而冇得學。沒有小食部，因為學校推行健康飲食。食飯學校可訂lunch box ，係課室食。

冇中學(其實都有匯基係聯繫中學，每年收約30人)就一定要努力考呈分，壓力係一定有既。但除非係真一條龍，otherwise 其實都係要努力。不過又咁講，每年有差唔多8x 人畢業，你只要keep 到頭一半，都一定係band 1。每年九成入英中，大部分人係考既(包括自行)，少數人要等派位。佢哋升中成績唔錯，可以上學校網睇。救恩屬於中西區，對女仔特別有利。另外，可能因為救恩不嬲好多機會做 presentation，所以大部分同學去面試都係好 presentable.

總括來講，如果用academic比，咁一定都有大把學校勁過佢，但睇家長條線係邊。我覺得學番佢應該要學既野就足夠，其餘時間應該係攞黎玩或睇課外書或學佢鍾意學既野。

最後，我用多一個例子。疫情前小朋友都參加咗學校管絃樂團。每星期 standard 要留校練習約 1.5 小時(同其他學校興趣班時間一樣)。曾經參加過一個公開比賽，都只係係2個月內加操咗3，4次，每次都係 1.5 小時。冇要求在家再操或拍片比番學校(我知有其他學校會咁做，make sure 小朋友在家有練習)。最後，佢哋攞咗銀獎。我有在現場睇，當時攞金獎既係 CKY。唔洗等公佈結果，佢哋一出黎表演時已經覺得非常impressive，同我地跟本冇得比。但比我揀，我寧願佢攞銀獎。對小朋友黎講，佢練咗，有獎攞已經好開心。對我來講，最重要係佢有付出，但唔需要比十成力去做，give up 哂佢可以玩可以做其他野既時間。希望你明我講咩。

Rank: 5 Rank: 5


	1365

7^#

發表於 21-6-1 15:28 |只看該作者

mkwlsab 發表於 21-6-1 11:20
我想問下語境如何？好似好多科目用中文教，擔心英文程度。

英文唔會差。雖然得一個NET，但學校好多教英文既老師應該係外國讀過書，都係有外國口音。英文堂一定要講英文。大量機會要用英文做 presentation。平時學校都鼓勵睇多啲英文課外書，亦會用課外書做教材。其中一個可以引證佢哋英文唔差就係佢哋考中學成績一向都唔錯。我唯一覺得如果將來入英中，數學可能要比啲時間學番啲專有名詞，其他應該冇問題(之前咁多師兄師姐上咗去，如果讀唔掂，每年都唔會再收番咁多救恩學生啦)。

Rank: 5 Rank: 5


	1365

8^#

發表於 21-6-1 15:31 |只看該作者

Vividada4472 發表於 21-6-1 14:57
if pick for Happy School then academic wise would not be that pushy.

本帖最後由 JoyceNgYY 於 21-6-2 12:57 編輯

You are right. Don't expect they can be the top xx in HK, but it doesn't mean that they are not competitive. Try to find a way that can be balanced as you wish.

ipchai

Rank: 2


	60

9^#

發表於 21-6-1 19:17 |只看該作者

JoyceNgYY 發表於 21-6-1 15:06
本帖最後由 JoyceNgYY 於 21-6-1 15:33 編輯

愉快學習係一定可以的，而且絕對學到野(我指正常程度)。我 ...

非常感謝你詳細的資料，十分有用

mkwlsab

Rank: 2


	83

10^#

發表於 21-6-1 19:42 |只看該作者

JoyceNgYY 發表於 21-6-1 15:06
本帖最後由 JoyceNgYY 於 21-6-1 15:33 編輯

愉快學習係一定可以的，而且絕對學到野(我指正常程度)。我 ...

多謝你詳盡的分享！

janamama

複式洋房

Rank: 3 Rank: 3


	350

11^#

發表於 21-6-4 19:43 |只看該作者

JoyceNgYY 發表於 21-6-1 04:58
我小朋友讀緊，你想知啲咩？

您好小女來緊9月入讀小一我pm左您小小問題

document.au