小朋友好反判

sweetapplebb

5年級了還有2星期考呈分試，唔溫習。最大問題連功課都拖到最後先做，搞到夜瞓。就算收埋IPad，佢都可以畫畫搞其他野，唔快快趣完成。同佢好好地講唔聽，甚至會發脾氣，根本逼佢唔到。
讀書好似為我讀，不是為自己。老師話佢學校好乖係靜d,估唔到佢係屋企咁樣。
真係擔心讀1間差既中學，人地發力，佢就原地踏步。皇上急，太監唔急，難教

chitchitboy

女仔定男仔？唯有慢慢解俾佢知利害

sweetapplebb

女仔

Jane1983

佢一直都係唔鍾意讀書、做功課，定係突然咁樣？

呈分上好中學係緊要，但上到之後仲有讀落去的問題，你要搵到佢點解唔肯做唔肯溫，咁唔在乎的理由。否則，而家佢仲細，你可以用父母的威嚴夾佢溫，升中後仍有漫漫長路。

ferrymama

女仔差唔多青春期，我朋友個女都變左另一個人咁...你要加油

qpalzm

sweetapplebb 發表於 21-5-22 11:27
5年級了還有2星期考呈分試，唔溫習。最大問題連功課都拖到最後先做，搞到夜瞓。就算收埋IPad，佢都可以畫畫 ...

非常明白你的無奈, 好似一條蛇鞭極都係一條蛇咁。
你要事事一對一, 人釘人咁教先有進展, 唔係一睇少眼就發夢。但幫得太多呢, 又驚佢太依賴, 唔知幫得佢幾多年。

放手呢, 成績立即下滑, 怕佢派去間band 3學壞, 唔知幾時先開竅, 或到開竅個時已落後太多。

sweetapplebb

回覆 sweetapplebb 的帖子

自從4年級疫情開始改變，整個人鬆曬.同埋反判期，唔會聽人講，講得多，嫌囉嗦。我返part time冇可能一直叮住佢。返半日學番屋企，叫佢做功課唔做，拖到夜晚先做，大家都唔够瞓，我又要早起身，返工冇停過手，還要買餸煮飯，身心疲倦。

宮二

叛，不是判

rainbowcov

sweetapplebb 發表於 21-5-26 19:20
回覆 sweetapplebb 的帖子

自從4年級疫情開始改變，整個人鬆曬.同埋反判期，唔會聽人講，講得多，嫌囉嗦。 ...

完全明白, 很多小朋友疫情, 由於太耐無返學, 成個人散了, 疫情前都唔錯的, 但疫情後真係無野講, 始終係細路, 一鬆散左就好難捉番緊。
加上青春期, 你千萬不要同佢硬碰硬, 要循循善誘, 用其他方法代替講的方法。

另外, 可否一星期可否買一兩次外賣, 咁晚上可多些時間自己休息, 和顧下囡囡。

sweetapplebb

回覆 宮二 的帖子

謝謝提點！

sweetapplebb

回覆 rainbowcov 的帖子

謝謝回應，好提議！

nancyngai79

有時自己唔忍心罵佢，我個都會駁嘴，只可以靠功課班姐姐搞定佢每日功課温習。