國際學校轉本地學校

AnBird

差不多全部人都係想 LS 轉 IS，其實好想知有冇人會／想轉返 LS，原因係咩呢？

poonseelai

AnBird 發表於 21-5-20 23:24
差不多全部人都係想 LS 轉 IS，其實好想知有冇人會／想轉返 LS，原因係咩呢？ ...

經濟轉差，失業，學費變成一大負擔

conniewktang

AnBird 發表於 21-5-20 23:24
差不多全部人都係想 LS 轉 IS，其實好想知有冇人會／想轉返 LS，原因係咩呢？ ...

其實讀IS好難返轉頭，讀LS, 孩子完P3已變沉默，沒創意，失信心同討厭學習，資優孩子更什，重復操練使孩子越讀越蠢不想思考，只背答案，沒有主見。如果不是家中經済出問題，我估冇人會咁做。

suki224

我認識有兩個小朋友是IS 轉LS
一個是中學才轉， 完全適應唔到， 成績當然唔好
另一個是8歲轉， ok, 適應到， 成績也不錯
其實我覺得小朋友年紀小， 轉環境都會比較易適應， 加埋大人睇緊d

相反有識小朋友中學才由LS 轉IS, 一樣讀唔掂， 成績唔好

suki224

轉校原因： 1個是經濟問題， 另一個是父母其中一方覺得小朋友讀返LS 會適合佢小朋友

Moonlight819

其實除了經濟原因，真的想不到為什麼要由IS轉回LS！

kinder.bb

識有朋友係維記小學教職員, 呀仔免費入讀小學, 中一升港島傳統B1中學, 宜家中二, 讀得好開心.  個仔本身係叻, 英文底好, 媽咪又係中文老師, 所以連呀仔中文都唔差, 所以去邊都無問題.  
而朋友轉校理由係話啲同學偏向有錢, 唔想呀仔太比較.

Jane1983

有見過轉番LS，初小和升中都有。初小果個係因為家姐讀得麻麻，亞媽因一d事對學校有芥蒂，後來轉走細仔。升中果個係經濟問題。

細路哥叻，中文ok，其實亦可以適應到。你同個細路講屋企無錢，一齊共渡時艱，佢唔會say no，但肯定唔係對佢最好的安排。

cassy_w

聽我老公講, 佢有朋友 IS 轉 LS, 因為覺得個仔太得閒同埋唔知個仔學左咩, 不過個仔仲係初小, 好似都適應到

964000

AnBird 發表於 21-5-20 23:24
差不多全部人都係想 LS 轉 IS，其實好想知有冇人會／想轉返 LS，原因係咩呢？ ...

除了經濟原因，我見過幾個，都是初小轉，通常係盲中中入咗IS幼稚園，家長本身對IS認識都不深，之後才發現課程/育兒理念與期望不符，於是初小轉番LS。
另外有小朋友讀讀下覺得唔啱IB, 好憎做project, 寧願背書做卷，呢D可以會轉行A level, 都未必會去LS。
LS去IS都有機會不適應，見過有神校轉IS Y7第一年要留班, 佢之後去外國讀A level算了。

kinder.bb

964000 發表於 21-5-21 09:48
除了經濟原因，我見過幾個，都是初小轉，通常係盲中中入咗IS幼稚園，家長本身對IS認識都不深，之後才發現 ...

其實真好睇個細路本身.

964000

cassy_w 發表於 21-5-21 09:43
聽我老公講, 佢有朋友 IS 轉 LS, 因為覺得個仔太得閒同埋唔知個仔學左咩, 不過個仔仲係初小, 好似都適應到 ...

呢個係幾常見的原因，因為冇功課帶回家又不用溫考試，不過網課完很多家長都改觀了

ckmammy

如果小朋友係記性好嗰種，讀 LS 可能開心過讀 IS。 只要背曬所有課文考試就一定高分。相反， IS 中學經常要做資料搜習， 每樣功課都要寫長篇大論，又要創意， 寫完又要解釋你嘅諗法， 有啲人真係未必鍾意。

melobi12

cassy_w 發表於 21-5-21 09:43
聽我老公講, 佢有朋友 IS 轉 LS, 因為覺得個仔太得閒同埋唔知個仔學左咩, 不過個仔仲係初小, 好似都適應到 ...

其實真係唔明白，得閒啲唔好咩

993rs

除左經濟負擔，「合適」都係一個原素。
我細B做野好鐘意有分數、有排名，有同冇係兩個學習態度。PIS冇呢樣野，我認真地考慮轉返 LS。當然收唔收、中文係另一個問題。

大B則要有空間比佢搵學習既興趣，所以由 LS轉左 IS。

conniewktang

ckmammy 發表於 21-5-21 10:21
如果小朋友係記性好嗰種，讀 LS 可能開心過讀 IS。 只要背曬所有課文考試就一定高分。相反， IS 中學經常要 ...

其實不一定，我仔本身資優（經過EP評估）,記性范疇好高分，在一缐津小小五考過級一，完小五轉IS，多projects, 多嘢寫，一樣ok, 冇見過佢溫生字或串字或背書，考Social Studies的History一樣ok, 他說喜歡讀IS, 比讀LS 開心好多，雖然每天有功課，功課也不易，他仍愉快學習又學到嘢，入學讀Grade Six ，一樣拿High Academic Achievement 獎。

964000

993rs 發表於 21-5-21 10:54
除左經濟負擔，「合適」都係一個原素。
我細B做野好鐘意有分數、有排名，有同冇係兩個學習態度。PIS冇呢樣 ...

其實佢仲細個，大個有目標就唔同哂。
我反而唔想小朋友太早大緊張分數和排名，想培養鬥心和毅力可以從課外活動着手，
學業上佢有責任感，肯嘗試和喜愛上學就行了。
所以學校啱唔啱都好視乎家長期望。

kinder.bb

964000 發表於 21-5-21 13:54
其實佢仲細個，大個有目標就唔同哂。
我反而唔想小朋友太早大緊張分數和排名，想培養鬥心和毅力可以從課外 ...

都係㗎，身邊有個小朋友，都算叻仔，小三時在傳統直資名校全級考五名內，但除咗書本上考試要讀嘅嘢之外，其他都唔願意花時間去睇，連睇課外書都同媽咪講唔使考，就唔需要花時間去睇，跟住個媽咪即刻小四同佢轉IS，雖然知道一定上到中學，但係個名媽知道個仔太着重分數所以都唔繼續讀。
另外好似我自己個仔，成日處於中游位置，點努力雖然可以攞到高啲分，但係始終排位都唔及人哋走得快，最後信心自己都失去左。

唉，所以真係個個小朋友都唔同，太早有分數同埋排位上嘅比較，唔一定係好事。

ckmammy

conniewktang 發表於 21-5-21 13:43
其實不一定，我仔本身資優（經過EP評估）,記性范疇好高分，在一缐津小小五考過級一，完小五轉IS，多projec ...

當然一定有個別例子例外， 唔係個個小朋友都鍾意寫嘢。 High Academic achievement 獎係獎學金？IS 平時極少考試測驗，其實係點樣計分呢？

964000

ckmammy 發表於 21-5-21 14:25
當然一定有個別例子例外， 唔係個個小朋友都鍾意寫嘢。 High Academic achievement 獎係獎學金？IS 平時極 ...

好多IS中學會有, 中學大把測驗