4歲半有適合的測試嗎？

fmf903

小兒3歲時學校老師說他似係資優，叫我們大少少先做測試。現在4歲半可以做嗎？
他很聰明，記得好快，邏輯好好，但就是多動..... 選小學也是煩惱，不知道能否選傳統學校。

王家爸爸

fmf903 發表於 21-5-14 18:48
小兒3歲時學校老師說他似係資優，叫我們大少少先做測試。現在4歲半可以做嗎？
他很聰明，記得好快，邏輯好 ...

老實講，考慮因素反而係測唔測試好。呢點好睇父母既心態。
如果真係想測試，理論上四歲以上已經可以測試，建議搵個有牌既心理學家傾下。

fmf903

王家爸爸 發表於 21-5-16 19:50
老實講，考慮因素反而係測唔測試好。呢點好睇父母既心態。
如果真係想測試，理論上四歲以上已經可以測試， ...

你意思是如知道他的問題，可能影響父母的心情是嗎？
其實我也怕知道是不好的結果....資優會帶來其他的行為問題，我也明白的。現在兒子都是難管教哦。

王家爸爸

fmf903 發表於 21-5-16 23:42
你意思是如知道他的問題，可能影響父母的心情是嗎？
其實我也怕知道是不好的結果....資優會帶來其他的行為 ...

其實每個小朋友既情況唔同，無可能可以三言兩語知道佢係邊一類。加上每家長都有自己既睇法，最緊要係自己開心，小朋友又開心。
我認為每個人都有強弱項，我既做法係，補弱項，而唔係攻強項，因為呢個係對大部分小朋友最有利既。
當然如果小朋友對佢既強項好有興趣就例外，原因係極少數既小朋友真係咁既情況，例如可以坐係圖書館寫足半日故事，故事未寫完，半夜會起身繼續寫；或者好似我前鄰居咁，打半日鼓唔攰，呢種情況就需要鼓勵佢發展強項。

王家爸爸

另外，小朋友多動唔係問題，我小朋友細個既時間都係咁。老師話佢「屁股尖既」坐唔定。佢好奇心強，有老師話佢係螞蟻經過佢都想同佢玩下嗰啲，上堂望住窗口，好似諗緊其他野咁，但係老師問佢問題，佢又識答，而且答得比聽書既同學好。
我估老師都知道，現在好少容易教又聰明既小朋友，最緊要係上堂唔影響其他小朋友，成績又好，老師一般都會包容。

20160901

“選小學也是煩惱，不知道能否選傳統學校。”
如果做測試係為咗想搵適合自己小朋友類型嘅小學，有冇考慮選擇一啲有機會參加面試嘅學校，老師應該會觀察到小朋友係唔係適合嘅人選。
其實好多好嘅傳統學校啲老師都好有經驗，我見過啲老師安排聰明但多動嘅學生擔任各方面嘅職務，令佢哋好忙但係又好充實。

fmf903

王家爸爸 發表於 21-5-17 08:46
另外，小朋友多動唔係問題，我小朋友細個既時間都係咁。老師話佢「屁股尖既」坐唔定。佢好奇心強，有老師話 ...

你的回覆很有鼓勵性！
現在兒子幾乎跟你形容的一樣！但老師說不算是會搗亂，還可以控制住。看似不專心，但所有問題都答對了。有興趣的會非常留心，已經學會了那些就會動來動去。

他非常非常喜歡看百科全書，喜歡看書其實由1歲開始已發現。他1.5歲時自己坐在書櫃旁翻完一本又一本，足足1.5小時先看完。

王家爸爸

fmf903 發表於 21-5-17 23:07
你的回覆很有鼓勵性！
現在兒子幾乎跟你形容的一樣！但老師說不算是會搗亂，還可以控制住。看似不專心，但 ...

我建議你到佢大啲既時候，鼓勵佢睇完書之後仿作，慢慢學寫故事。

20160901

王家爸爸 發表於 21-5-18 11:23
我建議你到佢大啲既時候，鼓勵佢睇完書之後仿作，慢慢學寫故事。

我最初以為係藝術品先可以仿作，後來發現小朋友自己開始仿作童話故事。

王家爸爸

20160901 發表於 21-5-20 08:17
我最初以為係藝術品先可以仿作，後來發現小朋友自己開始仿作童話故事。
...

如果小朋友對寫作有興趣，又寫得唔差既話，高小開始，可以試下參加呢幾個比賽：
1. 虎報既 Story Writing Competition
2. Hong Kong Young Writers Awards
3. Sydney Youth Writing Competition

20160901

王家爸爸 發表於 21-5-20 08:55
如果小朋友對寫作有興趣，又寫得唔差既話，高小開始，可以試下參加呢幾個比賽：
1. 虎報既 Story Writing C ...

大哥哥輸入量真係好大，所以應該寫得唔差，但係其他小朋友可能要啲時間去準備先可以應付到。

celinechan117

王家爸爸 發表於 21-5-17 08:46
另外，小朋友多動唔係問題，我小朋友細個既時間都係咁。老師話佢「屁股尖既」坐唔定。佢好奇心強，有老師話 ...

我小朋友都係咁。佢係一間出名谷的幼稚園讀但好輕鬆...但係老師講野就成日發夢...我家人成日懷疑佢有adhd,你小朋友應該比我個大，你有帶小朋友去做評估嗎？

王家爸爸

celinechan117 發表於 21-8-9 09:54
我小朋友都係咁。佢係一間出名谷的幼稚園讀但好輕鬆...但係老師講野就成日發夢...我家人成日懷疑佢有adhd, ...

除非問題好嚴重，對家長構成壓力，否則我唔覺得需要帶小朋友去做任何評估。其實最了解自己小朋友既係家長，其他人可以幫到既其實唔多。