其實考完呈三, 淨返考個畢業試仲有冇用?

哈比族

cafeva 發表於 21-5-26 08:18
何需閣下勞心

解唔解決到你問題

qkhui

我記返起仔仔小六最後一次考試. 仔仔都有同樣問題問我. 因所有呈分試都考完. 這次成績有用嗎? 當然在我自己心底都好清楚, 作用有多少?但我都同仔仔一齊好努力盡力噉溫習. 跟之前O既無分別. 因我希望仔仔知道. 盡力做好每一件事係自己O既責任. 最起碼回想返. 自己可以同自己講. 我每次都有盡力去做.
當派卷時, 老師有向全班同學面前讚仔仔. 話好欣賞你最後一次考試都好盡力. 因其中一科考到100分. 老師係知的. 我相信家長都知. 到小六. 要取100分事實唔容易(除非是學霸, 我仔絕對不是). 要答o既野好多. 仔仔當時都好開心. 回來同我講. 當次仔仔取了4個學科獎(自己班- 中/常/聖/體). 現在仔仔都大學了. 但每次提起都好開心,好深刻. 算係一個不錯的小學生涯.

chanwendy

我女當年三次呈分試都算有心機溫書, 結果成績一次比一次好, 又一早有直資收咗, 佢為自己立下目標, 大考都要努力, 目標係要拎最佳進步獎, 讓自己可以畢業前終於上台拎一次獎, 最後比佢成功咗.

今年到細仔, 三次呈分試一次比一次冇心機, 但成績郤一次比一次好, 又有直資收咗, 而家的評估真係要鬧先肯睇吓, 佢冇乜心話要拎獎, 佢覺得佢要拎獎要付出更大的力, 佢覺得唔值得. 佢實可以合格畢到業, 我只能得閒氹吓佢如果考試都考得好就點點點, 引吓佢唔好個心散到執唔返咋.

kirstyau

話唔hea就假，尤其已有學校收   我都盡量要阿妹努力D溫。