不捨心情

Yvonnehoney

真係好矛盾
1314歲要比佢出去讀書，絕對知道這是一個好嘅選擇，而呀囝自己都好想去，我希望透過海外留學，佢可以學會獨立、且增廣見聞。
但我個心其實好不捨，唔知點解，我有幾晚已經自己喺度流眼淚(emoji)，既有唔捨得，又有擔心，有冇人可以俾啲鼓勵我，其實呢個係咪必經階段，我幾時先可以克服到呢

dlam141231

Yvonnehoney 發表於 21-4-12 05:37
真係好矛盾
1314歲要比佢出去讀書，絕對知道這是一個好嘅選擇，而呀囝自己都好想去，我希望透過海外留學， ...

是必經階段, 不捨是正常, 擔心是正常.  

至于幾時可以克服, 我的經驗, 兒子離開身邊差不多八年, 我已克服百分九十九, 還剩一分.  每趟機場送別, 我都要拥抱兒子一下, 嗯, 真是不捨得.

令郎十三,四歲, 留學, "他好想去", 多麼理想, 那裏將有一片藍天, 他將接觸許多新奇有趣的人和事, 想想也興奮.

好好計劃行程, 珍惜孩子在身邊的時光.  現在通訊視像也都方便, 掛念他, 他就在電腦屏幕上.

cshp

回覆 Yvonnehoney 的帖子

我囝上年才過英國讀書，回想他在香港讀書時，他真係讀到氣咳、讀得好辛苦。所以我建議佢出去睇下呢個世界，佢又話OK。
由安排尋找學校，面試。自己都用平靜㗎心態去面對，但到囝囝真係要離開，心底真係真係不捨，一直都唔敢係阿囝面前流露，當返到家中，望到佢瞓開張床及家中無咗把聲，眼淚就不受控湧流。

上年12月，我囝放聖誕假回港，當我見到囝囝的成長、獨立、自信。使我想到我一直的不捨及擔心都是值得。今星期我囝要再次返回學校，又要離我已去。不捨心情再次湧現，有前輩家長同我講過，失而復得、得而復失的感覺比佢第一次飛走感覺更加強烈，但我清楚，一切出發點係為了孩子好都係值得。

我們作為家長，可尋找多些活動，令自己的生活同孩子一樣精彩。共勉！

6x6=36

睇呢個帖，眼淚係咁流，我好掛住阿女
原本上年9月佢出發去英國，因為疫情延至上星期出發，到佢飛之前幾日，我又有d後悔咁早比佢去留學，好唔捨得佢我想暑假快d嚟，可以見到佢，希望疫情快d消失！希望英國機可以直飛香港！

jacma2020

我都有同樣問題，仔今年13歲想安排下年9月畀佢個英國讀year 10, 但真係唔捨得離開佢, 所以而家有掙扎緊, 我一齊陪佢過去生活，讀英國day school

jacma2020

但如果陪阿仔過去英國生活和讀書，我又唔捨得香港老人家和其他親人， 非常矛盾

cfs

Yvonnehoney 發表於 21-4-12 05:37
真係好矛盾
1314歲要比佢出去讀書，絕對知道這是一個好嘅選擇，而呀囝自己都好想去，我希望透過海外留學， ...

我仔都係13出國,佢自己想去的,所以見到佢開心又期待,我地都無唔捨得,大家仲傾下唔知果邊點架呢,上堂又點架呢,訓教又會唔會咁架呢, 大家都好多個問號,一齊買野準備,過程都幾開心架. 入左學校我地就飛走喇,頭一星期影都唔見,到weekend先聯絡我地,原來頭一星期好busy好多野要學習,所以無時間聯絡,我地會同自己講,無聯絡即係無問題發生,生活得好開心又習慣啦. 見到佢一兩星期習慣晒,又生活開心會分享有趣事情,你唔捨得既心情會慢慢無架喇,科技又先進,唔傾電話都可以whats app比隻公仔黎睇下.加油啦,見到佢開心就足夠

ema

回覆 Yvonnehoney 的帖子

可以借機自己重拾一些興趣或學習新事物，我就選擇學法語德語，皆因小朋友到了英國也剛開始學，我便在香港學，可以同佢哋有更多共通話題。另外又多了很多和自己朋友食飯，以前根本不可能。
現在視像通話太容易，我和小朋友的 FaceTime常常長開。小朋友離開有不捨但小別勝新婚呀！

KIMLIFEINUK

Focus on the good things, the positive impacts on your son's education and personal growth.



It must be hard but all parents here are so brave and strong!!




Take care

SmileSmileSmile

Yvonnehoney 發表於 21-4-12 05:37
真係好矛盾
1314歲要比佢出去讀書，絕對知道這是一個好嘅選擇，而呀囝自己都好想去，我希望透過海外留學， ...

一定不捨得，不過當你見到下次佢返來時成熟成好多，獨立左好多，你就覺得好開心

Koala_Chu

Yvonnehoney 發表於 21-4-12 05:37
真係好矛盾
1314歲要比佢出去讀書，絕對知道這是一個好嘅選擇，而呀囝自己都好想去，我希望透過海外留學， ...

好明白你嘅心情, 我囡2年前剛15歲就去英國讀書, 過去前兩個月我已經開始情緒低落, 之後每次返嚟再過去都有少少難過, 但見佢讀得好開心, 好enjoy嗰邊生活嘅時候, 我覺得值得, 加上見到佢個人進步, 獨立, 有自信, 我覺得當年選擇無錯

okmk

我也是過來人，我家啊大四年前出洋留學，直接入U雖然已18算稍大，但對於一個溫室長大的香港書蟲來講，日後幾年生活上的所有事情要她自己處理，我的緊張擔心完全無法釋懷，送完她開學之後我兩老回到香港情緒不知幾低落，後來發覺到這樣下去唔掂的是自己，還要保住健康身體去儲英鎊呢，於是振作精神，以運動來提升活力，也真是好幫到自己。去年到啊細，不知道是因為讀寄宿學校衣食住行都不用擔心，還是因為已經有了一次經驗呢，這次完全適應。 同樣，每次假期回來，看到她們變得獨立、成熟、開心、有自信了，心底裡贊同我們的決定正確！確實呀，短暫的分離是好不捨得，媽咪們忍住眼淚呀，有舍才有得，時間的腳步好快，好快就到我們的收成期了！

旦花湯

回覆 okmk 的帖子

如果佢哋大學畢業後決定留在那邊工作，甚至成家立室，落地生根，我哋又點樣呢？

SmileSmileSmile

旦花湯 發表於 21-4-15 22:18
回覆 okmk 的帖子

如果佢哋大學畢業後決定留在那邊工作，甚至成家立室，落地生根，我哋又點樣呢？ ...

恭喜佢揾到自己條路

okmk

我們不會push她努力為那個方向闖，畢竟古言有雲「父母在，不遠遊」，但如果有那一天，相信也是孩子認為是適合自己的選擇，那麼我也會支持佢為佢開心，海闊天空任鳥飛

大笨鐘

旦花湯 發表於 21-4-15 22:18
回覆 okmk 的帖子

如果佢哋大學畢業後決定留在那邊工作，甚至成家立室，落地生根，我哋又點樣呢？ ...

即使讀 local 學校，遇到另一半決定移民，你放唔放手？呢刻計劃讀書，就諗讀書先。小朋友離開吓父母會獨立好多。

catcatgrace

小朋友嚟緊八月會去英國入讀中一寄宿。囝囝從來未離開過我哋，去嫲嫲屋企sleepover 佢都會掛住我哋的。
雖然好唔捨得，但囝囝本身性格外向，唔怕佢適應唔到，
唯一最擔心佢唔適應嗰邊寒冷天氣，唔識為自己保暖，怕佢病。

請問已讀緊寄宿嘅小朋友家長，有冇呢方面經驗可以分享，我知病咗學校都有註校護士醫生，但始終係擔心。