讀 IS的父母 預計小朋友會否在香港工作？

lovebb2

Radiomama 發表於 21-4-5 10:49
不過點解你咁concern係咪留港工作?

我未必會移離香港，即會同子女 在不同地方居住。

Activehealth

Radiomama 發表於 21-4-5 07:57
買apartment果類？但如果佢想考慮其他國家嘅大學呢？咁點算？

不談政治，近年發生的人和事，我已學懂全球分散投資的道理。

一早已有澳洲置業的計劃（澳洲公民），問題只係澳洲邊個city. 如果仔返澳洲讀大學，當然會選方便他返學的地點。如果他決定去其他地方入大學或再進修，如英美加或歐洲，亦會在當地再置業。

當年我原生家庭（父母家）在澳洲有幾千呎兩層大宅連前後花園，深感屋大無工人做餐死嘅感覺。還記得媽剛做完手術後不能爬樓梯返睡房，要在樓下偏廳放床的狼狽狀況；外國老人家在樓梯摔倒失救的新聞比比偕是。之後各家人回流返港或搬過省發展，大屋一直丟空，花園要僱用花王定期剪草，大屋還被匪徒爆格潛入驚動警鐘，騷擾了鄰居要當地親友善後，之後忍痛出售，大部家當送人棄掉。之後決定不再買大屋徒增自己煩慮。

更有朋友留下大屋給在澳讀大學的子女居住，引來子女的一班豬朋狗友閒人留連，朋友唯有下定決心換碼成一個兩房小apartment ，給兩兄妹一人一房來導絕。

所以我只會買兩至三房電梯直達小apartment, 避免行樓梯、保安、打理花園、閒人等問題，不會考慮大宅。

Apartment 銀碼較小相對簡單，若將來不住，會考慮出租或丟空也沒問題。

ckmammy

見個個都唔想子女將來留喺香港工作，真係好捨得同仔女分開嗎？我自己喺外國住咗十幾廿年， 最終都係回留返香港，因為所有屋企人都喺香港。 過幾年個仔都會去外國讀大學，但畢業後真係希望佢返嚟香港同我哋一齊。如果佢留喺當地發展落地生根，咁就呢世都唔使旨意再有機會同佢一齊。

lovebb2

ckmammy 發表於 21-4-5 11:43
見個個都唔想子女將來留喺香港工作，真係好捨得同仔女分開嗎？我自己喺外國住咗十幾廿年， 最終都係回留返 ...

你表達能力好好，表達到我想講的心底話，我想講但寫不出這意思。

一方面會捨不得，但另一方面會想 如子女在外地生活工作，他們可能會更幸福，更有前途。

ckmammy

lovebb2 發表於 21-4-5 11:52
你表達能力好好，表達到我想講的心底話，我想講但寫不出這意思。

一方面會捨不得，但另一方面會想 如子女 ...

喺外國工作有無前途因人而異。我先生喺美國工作十幾年， 我哋一直都以為好有前途，後來公司部門要關掉裁員，成年都再搵唔到工 ，所以迫住我地提早回流返香港。反而返到香港好快揾到工仲有得發展。 始終我哋唔係外國人面孔， 要爬上高位都唔輪到我哋黃面人。 我驚個仔步我地後塵，倒不如喺外國讀間有名大學， 返嚟香港工作可能仲吃香。

Radiomama

ckmammy 發表於 21-4-5 11:43
見個個都唔想子女將來留喺香港工作，真係好捨得同仔女分開嗎？我自己喺外國住咗十幾廿年， 最終都係回留返 ...

香港地方細，過去的日子大家都可以跟父母同住到成家立室。但未來還會一樣嗎？做好接受轉變的心理準備，對自己和子女都會好一點。

ckmammy

Radiomama 發表於 21-4-5 12:24
香港地方細，過去的日子大家都可以跟父母同住到成家立室。但未來還會一樣嗎？做好接受轉變的心理準備，對 ...

都未諗到將來買屋既問題。我都係由美國自己樓千呎屋搬到香港租700呎屋。 個仔而家先十幾歲，到佢成家立室都廿年後，到時先再諗啦。 如果佢叻搵到錢，住屋唔係一個問題

I/LOVE/3T

呢個無一定答案，要睇下個小朋友性格取態。

有親戚及朋友各有同齡兒子（佢哋互不相識），呢兩個小朋友讀書時行條路幾乎一模一樣，同於初中時到英國讀寄宿學校，大學Imperial College London讀數學 後轉到牛劍讀金融相關嘅碩士課程。朋友兒子比較大膽，喜歡挑戰，畢業後去日本進入一間國際金融機構投資部工作，發展相當不錯。 親戚兒子係一個怕羞仔，性格比較內向，畢業後回港進入中資金融機構投資部工作，發展也相當順利。


一個覺得新環境有挑戰先係人生，另一個覺得回歸自己嘅成長地同父母一齊先係人生，無話邊個比邊個更正確。

chbch

lovebb2 發表於 21-4-4 12:57
讀 IS的父母 預計小朋友將來會否在香港工作？

想知多d

不會.  孩子的所有cousins都在外地, 自他們懂事開始已灌輸將來回流讀大學然後留下工作的意識, 而為了適應, summer school已讀過10年.
就算讓他們選擇, 應該不會選香港.

nunupipi

我希望佢有能力係外地，香港或内地工作。有朋友大學先去外國讀書，頭两份工係香港，跟住派去美國工作順便進修再被派去歐洲，但佢係希望第時返亞洲或中國工作，我覺得咁先係放眼世界。

思澄爸爸

Radiomama 發表於 21-4-4 17:22
在港讀IS, 往外國升大學；第日會否回來，看機遇。不過就算返嚟，都應放眼大灣區、中國、亞洲，不可能限於香 ...

請教，他們現在讀什麼制的IS呢？如果將來去澳洲讀大學。

Radiomama

思澄爸爸 發表於 21-4-5 23:07
請教，他們現在讀什麼制的IS呢？如果將來去澳洲讀大學。

如果諗住去英美澳加、在港的IS讀A level, AP, IBDP都可以，不是問題。

b3410

ckmammy 發表於 21-4-5 11:43
見個個都唔想子女將來留喺香港工作，真係好捨得同仔女分開嗎？我自己喺外國住咗十幾廿年， 最終都係回留返 ...

香港太細，擔心將來適合的工作唔易搵。如果有合適的工作，留港也好好。佢哋自己事業為重，父母可以四圍走探佢哋。

b3410

nunupipi 發表於 21-4-5 18:57
我希望佢有能力係外地，香港或内地工作。有朋友大學先去外國讀書，頭两份工係香港，跟住派去美國工作順便進 ...

正是我所想

kinder.bb

其實，真係好視乎畢業時嘅經濟環境，而最重要係個小朋友自己喜歡邊一度，仲有邊度易搵野做。
我自己都係外國大學畢業，當其時覺得香港機會多啲，雖然屋企人仍然在外地，自己都返嚟香港闖一闖。而家我個仔，佢自己就嚮往外地生活，地方大啲，環境舒適啲。到最後係點，真係無人知。始終，我個仔都只係Gr 7，到畢業仲有差不多十年。果時又唔知咩環境囉。
香港十年前同宜家都變唔少啦。
而外國工作，又要睇你做咩職業，你話完全變種族階級咩！？大部分高高級都係白種人，你要上位，都唔易。（不喜勿插）
當然，都係果句，香港第日係點，無人點，最緊要小朋友自己強啲，見多識廣，第日佢鍾意係邊，佢自己決定。

heebo

lovebb2 發表於 21-4-4 12:57
讀 IS的父母 預計小朋友將來會否在香港工作？

想知多d

其實真係好難預計將來小朋友喺邊度發展，不過相信父母有一定的影響。我一向由個女自己決定，佢報乜嘢大學、選乜嘢科，我都係由佢喜歡，畢業之後係咪做返相關嘅工作唔知，更加冇諗過會唔會返香港工作。
朋友個仔IS畢業後去UCL讀建築，現在倫敦工作。我阿女幾個學長都係大學畢業後返香港工作，一個讀education， 返母校教書; 一個在Ivy League讀chemistry，返香港 started up a bio tech lab 公司和做相關investment 工作; 另一個都係美國畢業，喺香港做作曲、電影配樂工作。

heebo

kinder.bb 發表於 21-4-6 16:56
其實，真係好視乎畢業時嘅經濟環境，而最重要係個小朋友自己喜歡邊一度，仲有邊度易搵野做。
我自己都係外 ...

非常同意！我有個表妹UBC畢業，再去LSE 和 Tufts讀碩士、博士，父母得佢一個女，當然想佢留喺自己身邊，但係佢搵到好工，之後喺英國、德國、紐約不同的大企業工作。

Jenjanjan

其實好睇際遇。如果搵到好工，支持佢哋係外國開始，累積了一定經驗再回來亞洲。

小寶貝兒

Radiomama 發表於 21-4-4 17:22
在港讀IS, 往外國升大學；第日會否回來，看機遇。不過就算返嚟，都應放眼大灣區、中國、亞洲，不可能限於香 ...

係，我哋都係咁諗

小寶貝兒

其實我係打算個女將來係邊度落地生根既話，我哋會跟埋去住附近，我女都話第時會買埋屋比我哋住佢附近 ，好sweet