小二教數問題

uranusur

我仔小二，學咗三位數加減法。做數時，佢成日都由百位開始計。遇到進、退位時，佢就反兜之前做嘅位數（我覺得咁做好煩又易錯）。此外，佢成日心算，但有時粗心計錯（尤其是加減混合題）。就算要寫直式，佢都係先心算咗個答案，再抄去直式。我教咗幾個月，佢都唔肯改。大家有冇遇過咁嘅情況，點樣教佢好呢？

titma

uranusur 發表於 21-3-23 18:50
我仔小二，學咗三位數加減法。做數時，佢成日都由百位開始計。遇到進、退位時，佢就反兜之前做嘅位數（我覺 ...

你個仔其實係有進位，借位觀念，但調轉咗來計。最初係邊個教佢咁計？

uranusur

titma 發表於 21-3-23 21:54
你個仔其實係有進位，借位觀念，但調轉咗來計。最初係邊個教佢咁計？

冇人教，係佢自己咁稔。老師同屋企人都係由個位計起，佢教極都唔肯接受我地個套。(emoji)

964000

uranusur 發表於 21-3-23 18:50
我仔小二，學咗三位數加減法。做數時，佢成日都由百位開始計。遇到進、退位時，佢就反兜之前做嘅位數（我覺 ...

哈哈，你個仔其實好叻，如上面所講，佢係自己用緊split Method加數，係先加百位再十位之後個位的，不過唔係用直式的格式囉。
另外心算是mental maths，有特別方法計而唔洗用直式的，都係先加大number, 其實直式只是計算加減的其中一個方法。以上是我女在IS教的我才認識。
你仔啱國際學校小學教maths的approach 不過在求分數的local school，當然用晒直式快靚正。

填鴨：總之跟我方法啦，唔好理點解，快靚正，操完十題，已掌握又高分。
iS :你個方法都得不過唔係咁寫，教晒所有方法，之後小朋友發现，都係直式最正，到時你唔叫佢都用，不過用多了時間，又少了時間操題。
如果小朋友「配合」，當然填鴨最有效率啦。

piyohk

當年都面對這個問題，孩子說是老師教（可能係初學加數，老師由最簡單嘅組合和理念教）⋯。我最後嘅解決方法係，大嘅強迫他由個位計起（因為他希望我開心，所以會跟），細嘅用比賽分勝負（因為他好勝），兩個方法都work。
所以，用返你們平時相處嘅方法去persuades 佢。

cafeva

我都係咁計。因為口、手係慢過腦，講出口或寫出來腦中已計左下一個位。

不過我係大個先會咁計，細個都係好傻地跟步驟……你個咁細個就識你咪由得佢，衹要概念啱就得。到佢自己緊強張分數時自然會計得準確

仔仔錫錫你

是否學過珠算， fing手算之類的速算方法？

TAIOU4

其實算術根本唔需要列直式
尤其是小學數
列式只是解給思考轉數慢的人看
現今的傳統小學迫小朋友要列式先有分
根本係對心算轉數快的小朋友唔公平
更變相使得對計數慢的小朋友更有利
然而香港數學科在這40年幾乎毫無變化
咁易單仲要迫人列式真係玩到天才都腦退化

964000

TAIOU4 發表於 21-3-25 01:08
其實算術根本唔需要列直式
尤其是小學數
列式只是解給思考轉數慢的人看

數學課程唔止四十年不變，仲退步了。
現在本地課程 小三四先學份數，小二才學時鐘to the minutes，高中calculus又不是必修，PISA香港學生數學排名也下跌中。
不過因為求分數，要操到好快好準，小學生花了不少時間去鬥小心和快，但和真正的數學是兩回事，所以香港不會出數學家。
但操完一輪，中學都係用計數機，現在人人手中有手機計數，都唔會拿張紙出來列直式。
説遠了，大家還是替樓主想想如何convince佢小朋友跟老師的方法做，以免失分更失信心。

MrBeast

TAIOU4 發表於 21-3-25 01:08
其實算術根本唔需要列直式
尤其是小學數
列式只是解給思考轉數慢的人看

只有1%是資優，正常課程設計比90%普通人都好合理

MrBeast

964000 發表於 21-3-25 08:28
數學課程唔止四十年不變，仲退步了。
現在本地課程 小三四先學份數，小二才學時鐘to the minutes，高中cal ...

工作多數是打字，手機又可語音輸入，但小學都是要學寫字。小弟就覺得直式是人類偉大發明之一，一切從0開始

MrBeast

uranusur 發表於 21-3-23 18:50
我仔小二，學咗三位數加減法。做數時，佢成日都由百位開始計。遇到進、退位時，佢就反兜之前做嘅位數（我覺 ...

若佢方法可以計啱，我就唔會理佢，otherwise, 就要佢明白讀書未必求分數，但考試就要求分數。小朋友諗通後肯用傳統方法，ios 有不少數學apps, 續個步驟做，好快上手

uranusur

多謝大家嘅分析同建議。其實，我欣賞阿仔嘅計算方法，所以我都唔想扼殺佢嘅想法。要讓他知道學校嘅要求，真係要時間慢慢去磨合。作為傳統學校出生嘅我都要改變下心態。

uranusur

我覺得學數係應該著重思考，但無奈現時學校著重快而準，無咗學數嘅樂趣。

TAIOU4

MrBeast 發表於 21-3-25 15:12
只有1%是資優，正常課程設計比90%普通人都好合理

睇你點定義資優
有好多中學生同大人都唔需要列直式
問答比賽時全部參賽者都唔需要列直式
而我教嘅細路都唔需要列直式

一看就知是教育問題唔係學生問題
尼D嘢好簡單
普通人都識
但有部份人做唔到都冇辦法

uranusur

ar_mak 發表於 21-3-23 22:00
拿，我唔太了解你所面對既實際情況，我試下用我既理解，分兩個部份咁去講。

第一個部份就係，３位數＋３位 ...

我仔玩學校嘅數學網上遊戲，做選擇題時，就係用你嘅方法搵答案，佢好開心過咗關。我驚佢唔認真做，叫佢計返哂咁多個位，再選答案，結果輸咗，佢黑哂面。